انا مصيبة بس معايا حق

الحياء

انا هتكلم النهاردة عن الحياء اللي للاسف في ناس كتير دلوقتي مش عارفين معناه الحياء ده تاج المرأة بس في نفس الوقت ما ينفعش الراجل يعيش من غيره نبدأ الأول بالبنات اللي اتحلت عن حياءها انتي ازاي كده هاه ازاي عايشة كده في بنت عاقلة تعاكس ولد يا ______
وما تقولوا ما بيحصلش عشان انا بنفسي شوفت كتير لدرجة أن احنا في يوم قاعدين في الدرس وبنت طلعت موبايلها وصورت ولد بكل جرأة ده ايه ده ان شاء الله انا اتصدمت ازاي تقفي في الشارع تهزري مع ولد وبالايد كمان جاتك ضربت شمس يا بعيدة علي فكرة انا مش ضد أنكم تصاحبي ولد لاء عادي لكن في الشارع وهزار صداقتك مع الولد تنتهي بوجود والديكي معاكي وانتي بتتكلمي  معاه او في حدود الزمالة في درس وهو يعرف حدوده كده كويس ويعرف انه ما ينفع يكلمك لوحدكوا والبنات اللي بتكلم وبتحب ولاد وتمشي معاها انتي تتوقعي ان اخرة الحب ده ايه جواز تبقي هبلة هسألك سؤال انتي لو كل يوم بتاخدي كيلو لبن ببلاش هيجي يوم وتشتري بقرة طبعا لاء يبقي يا بقرة منك ليها حافظي علي نفسك ومشاعرك لحد يستاهل
وانت يا استاذ الحياء عندك انعدم ليه ليه واحدة تبقي ماشية بنقاب او حجاب وهدوم محترمة وتتعاكس هاه نلبس ايه ايه تاني خيمة ابوشكلكوا ترضي أن اختك او مامتك بتعمل فيها كده ليه تقعد تبص علي البنات ولبسها وشكلها وهي محرمة عليك انت مش عارف ان العين تزني عايز تبقي زاني لازم نحيي حياءنا تاني ونحترم نفسنا شوية الكلام ده للي ما عندهم حياء بس ما حدش ياخده علي نفسه ولو حد في صفة من دول ياريت يحاول يعالجها عشان نفسه مش عشاني