انا مصيبة بس معايا حق

الافراح

اولا البنات اللي لسه ما اتجوزوا
عندنا في مصر الافراح بالنسبه للبنات  بقت عبارة عن أسواق زي أسواق العبيد بتاعت زمان كده انا فاكرة في قصه وا اسلاماه (انت في يا جهاااااااد انا هنا يا سلامه عارفينها كانوا وقفوا قطز وجهاد بملابس خفيفه عشان الناس تتفرج وتشتريهم وده اللي بيحصل بس مع البنات
البنت اما بيكون في فرح قريب لازم قبلها بأسبوع تبدأ بقا ماسكات ومنتجات عنايه بالبشرة وتحصل معجزة وتتستحمي وبعدين تنزل تعمل شوبينج وتنقي اكتر فستان ملفت ليموني احمر اخضر او كلهم في بعض وتاخد اصغر مقاس مهما كان مقاسها وتلبس مشدات بقا و سبعه يلبسوها الفستان تروح للجزمه بقا جزمه طولها ١٥ سنتي اه امال التضاريس هتبان ازاي طويله قصيرة هما ١٥ سنتي ولونها اصفر عشان الموضه تحسي انهم شبه فطوطه اصلا بس مش مشكله وشنطة كروس صفرا نفس لون الجزمه عداها العيب بصراحه ولو محجبه يبقي طرحخ شبك عشان هتعمل شعرها الاكرت مكواه ولازم يبان خلاص خلصنا الشوبينج نروح بقا البيت الدايت علي أساس انها هتخس في كام يوم يعني ويقعد تاكل بالشوكه والمعلقه لازم تدريب طبعا ماهي بتاكل بايدها في العادي وده مش عيب ولا حرام سيدنا محمد صلي الله عليه وسلم كان بياكل بايده لكن الاتيكيت انها تاكل بالشوكه والمعلقه نيجي بقا ليوم الفرح لازم تصحي من ٧ الصبح تروح للكوافير عشان السمكرة اللي هتعملها نبدأ بقا بالميكب  كيلو دقيق علي وشها وتزرع خضرة فوق عينها والروووووووووج احمر دم تحسوا انها مصاصه دماء واهم حاجه الجليتر تحط جليتر علي قد ما تقدر لازم تكون بروووووبرق وتعمل شعرها كل أنواع الفرد وتعمل قصه وتطلعها بره الطرحه لو محجبه وتبقي شبه حسونه بتاع بكار عارفينه وتلبس الفستان و وتروح الفرح اول ما تروح لازم تتكلم بصوت عالي عشان تلفت الأنظار وكأنها مش سامعه بقا من صوت الدي جي وبعدين تطلع ترقص شويه عشان تعرض جسمها للرجاله عشان اللي عجباه البضاعه يشيل البيعه وتبقي اخر واحده تروح البوفيه عشان ما يتقال عليها طفسه واخر واحده تخرج منه عشان بعد اما الناس تمشي تعبي هي في الشنطه السودا وتقعد جنب مامتها
عشان يتقال عليها مؤدبه ده بعد الرقص اللي رقصته وبعد الفرح ولمدة اسبوعين تستني علي نار اي مكالمه من رقم غريب ليه كل ده عشان ما يتقال عليكي لقب عانس مش هلومك لانك اتولدتي في بلد تفكيرها عقيم مش عارفه تحافظ علي عيالها هتحافظ علي اعراضها

نيجي بقا للبنات المتجوزة
دول بقا بيبقوا شغلهم الشاغل انهم يشوفوا العريس ومؤهلاته الماديه والبت وقعت واقفه ولا وقعت علي رقبيها ولد ايه هما اتظلموا في جوازتهم ومش عاجبهم بوز الاخس اللي نايم ٢٤ ساعه وأنها كانت احلي من العروسه ديه يوم فرحها وأنها كانت ورده مغمضه لحد اما اتنيلت واتجوزت

اما بقا عواجيز الفرح فدول قاعدين يعيبوا علي اي حد وخلاص البت ديه تخينه وديه رفيعه بزيادة وديه وحشه وكده

العريس قاعد مصدوم يا عيني من اللي قاعدة جنبه ومستغرب فين عايدة ام شنب اللي كان ماشي معاها وهيتنيل ويتجوزها بعد اما فضحته وهددته انها هترفع عليه قواضي الدنيا وافتكر انها تعبت ولا ماتت وجابه ليه عروسه تانيه ويعيني اول ما يطلعوا شقتهم وتغسل الميكب هيقطع الخلف من الخضه

والعروسه شايفه الرجاله وعماله تقارن بينها وبين جوزها وبعد اما شافت اصحابه حاسه انها استعجلت

الرجاله في الفرح قاعدين يبصوا علي الستات او زهقانين وعايزين يروحوا يروحوا

وانا قاعدة في الركن البعيد الهادي بتفرج عليهم وهتشل عشان ابويا مش رضي يخليني احط لونا (مرطب شفاه ) حتي قاعدة باكل التورته والجاتو ولا فارقه معايا اصلا مستنيه المهزله تخلص عشان اروح امسك موبايلي اللي اتمنعت اني امسكه عشان كده عيييييييب 😤