انا مصيبة بس معايا حق

طاقيه الإخفاء

كان في بوست علي الفيس بيقول هتعملوا ايه لو كان معاكوا طاقيه الإخفاء لمده ٢٤ ساعه قعدت افكر ممكن اعمل بيها ايه ممكن اعمل بيها وقررت اني لو كانت معايا لمده ٢٤ ساعه انا هحرق وهعذب لكن مش هقتل اد ايه انا بريئه وانا بتخيل الطرق اللي هعذب بيها الناس طبعا انتوا دلوقتي فاكرني مجنونه زي ٩٩% من الناس اللي يعرفوني حتي اهلي اما ١% اللي مش فاكرني كده لانهم ما اتعاملوا معايا اصلا نرجع لموضوعنا انا هحرق ايه هحرق كل الفلوس اللي في البنوك أيوة هو ده اللي هحرقه عارفين ليه عشان البلد مقسومه نصين ربع البلد كلب فلوس بيدوس علي اي حد وثلاث ارباعه مطحونين وبيقطعوا من لحمهم عشان يجيبوا فلوس يتمتع بيها الكلاب عايزة افهم ازاي حد ييتنازل عن كل مبادئه لمجرد أنه يجمع اكبر كم من الفلوس ازاي يقدر يدوس علي احلام أطفال وشباب اضطروا يتخلوا عن حلمهم للكلاب ازاي يجي لهم قلب يصنعوا طعام مسرطن  بيحطوا دماغهم علي المخدة ويناموا مرتاحين ازاي وبسببهم آلاف الأطفال بيصرخوا من وجع الكيماوي او بيستسلموا للموت لانهم حتي مش لاقين الكيماوي مش بيفكر في حرقه قلب الام وهي شايفه عيالها بيتعذبوا ولا العيال وهما شايفين مامتهم او باباهم مثلهم الاعلي بيموت قدام عينيهم ليه الفلوس تعمل فينا كده فهوني تشتري بأرواح غيرك شنطه brand لبنتك ولا فستان سهرة لزوجتك ولا عربيه لبنك ولا اكل ليك طب فكرك ربنا هيبارك لك فيه فكرك ان بنتك ديه هتبقي ايه اخرتها هتيجي لك بايدز مانت مش لاقي وقت تعلمها الصح من الغلط ولا مراتك حامل وانت مش عارف ده ابنك ولا ابن غيرك ولا ابنك بقي مشاء الله تاجر مخدرات اد الدنيا مش عارف يصلب طوله ربنا مش يبارك في المال الحرام ابدا وبعدين هو انت هتاخد حاجه معاك وانت في قبرك طب ربنا اما يجي يسألك عن عملك هتقولوا ايه عارف انت اقذر من القاتل علي الاقل هو بيموت بطلقه ولا بسكين ولا باي حاجه بس الشخص بيموت فيوقتها لكن انت بتخليه يعاني طول حياته بالنسبه يا جماعه في فمصر بيض بلاستك ورز وقمح التلاته مسرطنين وما نقدر نفرقهم عن الطبيعين ابدا

هعذب مين بقي أولا هعذب تجار المخدرات هحبسهم كلهم في اوضه وهديهم السم اللي بيبيعوه للناس وما هخليهم يموتوا ابدا هعالجهم عشان ارجعهم ليه تاني هخلي كل ام وكل اب وكل حد اتعذب بسببهم هو اللي يشرف عليهم عشان قلبهم يرتاح وهما شايفين اهلهم ارتاحوا في قبورهم بسببهم
والناس اللي بتبيع مواد مسرطنه او بيقاتلوا بالأمراض او اللي  بيخترعوا امراض جديدة ويمنعوا علاجهم لحد اما يعطوه أكبر سعر اللي بيتاجروا بأرواح الناس ندخل ليهم كل الأمراض اجسامهم لحتي يجربوا اللي عملوه مع غيرهم وبرضوا ما هخليهم يموتوا
نيجي بقا لتجار الأعضاء انا بحد مش متخيله ان في ناس كده مرة شوفت تصوير لواحد بيتجسس عليهم كان لبنت عندها حوالي ٤ سنين كانوا بيطلعوا أعضائها وهي صاحيه متخيلين البنت كانت بتعيط وتترجاهم وهما بيفتحوا في جسمها بالمشرط انتوا ازاي كده هاه فهموني ما اتخيلتوها بنتكم امكم انتوا ايه بشر انتوا في داهيه أموال العالم كلها ولا اني اشوف دمعه بنت في داهيه الفلوس اللي تخليني اتخلي عن بشريتي حسبي الله ونعم الوكيل دول انا بقا اللي هعذبهم بايدي هسلخ جلدهم عن لحمهم بايدي وهما صاحين هطلع كل اعضائهم وهما صاحين اللي يقدروا يتخلوا عنها لحتي ما يموتوا والناس اللي بتشتري أعضاء ديه انت ما تعرف انها مسروقه انها كلفت حياه انسان غيرك ضحوا بحياته لتعيش انت انا بدعم اللي بيطالبوا بمنع نقل الأعضاء  كان نفسي ادخل طب شرعي لحتي اعمل فيهم ده لكن انا عارفه اني مش زيهم ومش هقدر اشوف كلب حتي بيتعذب قدامي عشان كده قررت اني هدخل مجال هساعد فيه الناس مش هبقي ماديه زيهم وان شاء الله اقدر احسن ١% من البشريه ادعولي احقق حلمي وادعوا لكل مرضي العالم ولو لسه فاكرني مجنونه ف انا بفتخر بده الناس بتتريق عليا عشان بقول اني كان نفسي اتولد مش بشريه بس اللي ما تعرفهوش اني اصلا ما يشرفني اني اكون من البشر اني اذي غيري عشان حاجه ولا تستاهل نسيتوا ان فيه آخره يارب يضاعف عذابكم وما حد يقولي ان اكيد في ظروف والتعاطف مع المجرمين لا والله لو سكينه علي رقبتي ما اذي حد علي الاقل اموت شهيده ان شاء الله يارب يارب ينولني الشهادة وما أظلم حد بقصد او بدون يارب يشفي محاربين الأمراض في كل أنحاء العالم وأرحم موتي المسلمين

قولوا لي بقي هتعملوا ايه لو معاكوا طاقيه الإخفاء لمده ٢٤ ساعه لو سمحتوا عايزة طلب عايزة البارت ده يلف الدنيا كلها يمكن واحد من معدومي الضمير يفوق من اللي هو فيه