انا مصيبة بس معايا حق

العلاقات في مصر

حطي فوت يا بت ما بيقرص

حطي ولا بتخديني علي قد عقلي 😞

ما علينا نبدأ في الموضوع العلاقات في مصر فعلا غريبه جدا جدا تلاقيهم بينطوا نطه في كل العلاقات
يعني مثلا الصحاب👬👫👭 تلاقيهم بيتعاملوا علي انهم بيحبوا بعض يعني
ازاي تخرجي من غير ما تقوليلي او اه وصاحبك اهم مني او مثلا يطمنوا علي بعض قبل ما ينام ده أساسي
اما اللي بيحبوا بعض💑
تلاقيهم بيتعاملوا علي انهم مخطوبين يعني يخرجوا مع بعض عادي يتكلموا بالساعات ممنوع منعا باتا انهم يعملوا اي حاجه من غير مشورة الطرف التاني وكده يعني 🙏
اما بقا المخطوبين 💏
ف دول اللي بيشلوني بجد انتوا مخطوبين صح ايه اللي جاب ايده علي وسط حضرتك او ايه الدين اللي يسمح انكو تبوسوا بعض عادي سوري يا جماعه بس انا علي اخري ايه اللي يسمح انكم تخرجوا لوحدكم او تكلوا بعض نهار وليل اقسم بالله انتوا مخطوبين بس هو لسه أجنبي يعني مش محرم للي بيحصل ده ديه اسمها مهزله بجد وياريت نلم نفسنا بجد

واخيرا  المتجوزين👪 بيتعاملوا علي انهم متجوزين ما بيتكلموش مع بعض بالايام يتخانقوا ليل نهار الاولاد بيهملوا وحاجه تقرف نعقل يا جماعه الله يخليكوا راح فين الحب. اللي قبل الجواز  عارفين ايه اللي حصل انتوا ما اتقيتوا ربنا في بدايه حياتكم وبدأتوها بالمعاصي عشان كده ربنا عاقبكم. اما اتجوزتوا
اوعي تكوني فاكرة انك اما تحافظي علي نفسك وما تختلطيش بالرجال تبقي خام او غبيه او متطرفه ارهابيه متزمته متشدده دينيا لا انتي اجمل واحلي من ميت بنت مشيوا مع رجاله احلي من ميت بنت اتباست واتلمست وسلمت وحضنت انتي انضف من كده اوعوا تكونوا فكرين ان البنت العذراء هي البنت اللي ما اتجوزت قبل كده العذريه هي عذريه الجسد وقبله الروح وقبلهم التفكير انك اول حد تسلمي عليه بايدك غير المحارم يبقي جوزك يوم كتب الكتاب هتبقي ليها طعم تاني مش معني كده انت البنات اللي مصاحبه او بتحب هي بنات وحشه لا بس هما اتربوا غلط مش اكتر وياريت يوصل لهم البارت ده و يقدروا ان اللي بيعملوه غلط ❌ الحب الوحيد هو حب العشرة بعد الجواز وعلموا أولادكم مستقبلا ده علموهم يستنوا الحب الحلال علموهم يحترموا زوجاتهم

وانت هتبقي ارجل لو ما لعبت بقلب البنات هتبقي ارجل لو الوحيدة اللي بتحبها امك وبعدين مراتك
هتبقي ارجل لو اول كلمه بحبك طلعت لمراتك هتبقي ارجل لو احترمتها وقدرتها
وما تنسي ان الجزاء من جنس العمل يعني كل تاريخك القذر ده مراتك هيبقي ليها تاريخ زيه

يالا سلام طولت عليكم
تيك كير بقا 😘