انا مصيبة بس معايا حق

ليه

ليه انتي كأم ابنك لو فكر يتجوز واحده مطلقه يبقي حرام وعيب وحتي لو هو مطلق قبل كده لازم بنت بموت ولو اتجوز واحده مطلقه تكفريها في عيشتها ولوبنتك اتطلقت عادي وتتجوز سيد سيده واما تتجوز لو حماتها كلمتها بس تقلبي الدنيا هي بنتي فيها حاجه طب مرات ابنك فيها حاجه

ليه انتي كأم فاكره ان ابنك ده شاروخان وكل بنات مصر هتموت عليه وان مراته عملت له عمل عشان تتجوزه وفي الاخر ابنك شبه زلومه الفيل اصلا

ليه انتي كأم لو ابنك اتخانق مع مراته فهي اكيد غلطانه الرجاله ديما علي حق ابنك ما بيغلطش وفي نفس الوقت بنتك لو اتخانقت مع جوزها يبقي هو اللي غلطان اكيد الستات ديما علي حق

ليه انتي كأم مقتنعه ان مرات ابنك بتقوم ابنك عليكي وعلي طول مسببه لهم مشاكل ولو حصل مشكله في بيت بنتك يبقي اكيد حماتها القرشانه

ليه انتي كأم مقتنعه ان مفيش حد غير عيالك هما اللي تعلموا وهما اللي كويسين وكل الباقي وحشين ده نقص يا جماعه علي فكره

ليه انتي كأم مقتنعه ان انتي ضيعتي شبابك واستحملتي عشان عيالك وكل ده بسببهم وهما المشكله علي فكره عيالك ما كانوا جم اما انتي اتجوزتي وما ضربوكي علي ايدك عشان تتجوزي راجل مش علي مزاجك وعلي فكره كل الستات زيك وكل الرجاله فيهم عيوب بس الستات التانيه بتحب ترسم مفيش ست جوزها بيجيب ليها موبايل هديه في عيد جوازهم ديه جيباه بالقسط من ام ولاء جارتهم وغساله المواعين جيباها من التوحيد والنور بس قالتلك ان جوزها جايبهالها وهو راجع من السعوديه واصلا اقصي حاجه جوزها دخل عليها بيها هي شنطه فينو ب اتنين ونص بعد عياط العيال

ليه انتي ك حماه مرات ابنك لازم تخدمك ده فرض وفي نفس الوقت بنتك مش مفروض تخدم حماتها

ليه انتي ك حماه مرات ابنك مامتها ما تعتب بيت ابنك وفي نفس الوقت انتي مقيمه عند بنتك وجوزها

ليه انتي ك حماه ابنك ومراته لازم يفطروا عندك اول يوم ولو مرات ابنك فطرت عند امها تقيمي عليها الحد وفي نفس الوقت بنتك لازم تفطر عندك اول يوم

ليه انتي ك زوجه تقومي جوزك علي اخواته وفي نفس الوقت لو اخوكي قالك كلمه تبقي هي العقربه مراته السبب

ليه انتي ك زوجه مش فرض عليكي تخدمي حماتك وتراعيها وفي نفس الوقت مرات اخوكي تخدم امك

ليه انت كأب مقتنع ان ابنك من حقه يخرج ويلعب ويصرف ويصاحب بنات ويتعلم وده شيء عادي وبنتك مكانها في البيت تروق وتغسل وفي الاخر يبقي جوزها اولي بيها

ليه انت كأب مقنتع ان الرجاله هما أصحاب القرار والستات مش ليها انها تتكلم حتي لو الكلام عليها

ليه انت كولد مقتنع انك تصاحب بنات وتلعب بيهم وتضحك عليهم ولو اختك اضحك عليها من ولد يبقي هي الغلطانه مع انه غلطك انت ربنا ما بيفوتش

ليه انت ك ولد مقتنع ان الولد يصاحب بنت حلال اما البنت تصاحب ولد حرام مجنون انت هو اللي انتي مصاحبها ديه ولد وحول* معلش يا جماعه في الكلمه *ولا ايه

وفي الاخر
ليه يا ناس بتوزنوا الحياه بميزانين ميزان ليكوا وميزان للناس اتقوا الله