انا مصيبة بس معايا حق

فرنه العيش

روحنا من كام يوم نجيب عيش انا وبابا واخويا واختي ليه نازلين كلنا عشان روح الجماعه وعشان محدش هيرضي ينزل الساعه ١٠ الصبح والتاني نايم المهم نزلنا ركبنا العربيه وصلنا طبعا نزلنا قبلها بشويه عشان ممنوع الركن عند الفرنه وطبعا في الوقت ده قعدت اضرب نفسي ١٠٠ جزمه لاني نسيت الطاقيه وانا بشرتي حساسه من الشمس مش قوي بس انا بكرهها مشينا وروحنا للفرنه طبعا لابسين الاسدالات عشان كنا يوم الجمعه المهم روحنا اختي وقفت في طابور الستات وبابا في طابور الرجاله وانا طبعا مش هقف بتهزروا امشي في الشمس واقف لاء طبعا رحت قعدت علي الارض لقيت بابا بصي لي بصت انتي هتموتي اما نروح بابا من نوع ان البنت ما ينفع تخرج لوحدها ما ينفع تاكل حلويات او اي حاجه في الشارع ما ينفع ما ينفع كده يعني المهم عملت نفسي عبيطه وكملت قاعدة عادي وبعدين حاسه اني متراقبه فببص للناس لقيت شاب مركز معايا اوووي ومش عارفه ايه الاغراء اللي في الاسدال وليه مش بتعاكس غير اما البس اسدال بعيد عنكم شعب معوق المهم عملت نفسي مش واخده بالي ونديت اخويا يقف جنبي عرف اني تبع بابا فلم نفسه بعد اما جابوا العيش وبابا اتخانق عشان عايزة تمشي ناس قبل ناس وجيبنا ومروحين وبعدين فجأه من اللامكان تطلع ست عماله تندب حظها والمواصلات وكده راح بابا قال ليها تركب معانا واحنا نوصلها لاقرب مكان يااااه فرحت جدا طبعا احنا الثلاثه رويتر وهنروح نبلغ ماما عشان تبقي تصحينا تاني بس قطع فرحتنا انه خد راجل كمان وصله وصلناهم ورجعنا علي البيت اول ما دخلت مستعده اني انط علي السرير واذهب لعالم الأحلام بابا من اللا مكان قومي اعملي فطار بتهزر صح طب احلف كده طب طبعا قومت عملت فطار وكلت عشان ريحته كانت مغريه شيلي الاكل يا تيسير شيلت الاكل وانا خلاص علي اخري تكون وانام بسهر علي الموبايل وفي اليوم ده نايمه ٦ وصاحيه ١٠ ليه هاه ليه مش يجيبوا العيش لحد البيت هيخسروا ايه يعني او يعملوا خدمه توصيل في الفرن ناس قلبها قاسي صح