طرف واحد
بارت3
لبست الحجاب وتعودت عليه فيصل وفراس كانوا طلاب بالكليه من لبسته فراس يدرس تعليم وفيصل يدرس إدارة أعمال ومحاسبه ودراسته كانت صعبه وكلها ارقام على طول عصبي اتذكر من صار عمري ١٦فد يوم دخلت على بيتهم امي ودتني لخاله جميله كانوا كلهم موجودين يتغدون
هاي ياجماعه شلونكم خاله احلام ماما ت تريدچ
دتعاي تغدي ويه الولد
حتى احچيلچ اخر الاخبار
خير خاله شنو الاخبار
راح. نخطب لفراس بنت اختي ليلى من العراق
زين والله لگيتوا وحده قبلت بيه
وليش ماكو واحده تقبل بيه قابل مخبل مثلچ
اني مو مخبله ودرجاتي اعلى من درجاتكم أثنينكم من چنتوا بعمري
فيصل انتي مو مخبله انتي خبله اكو فرق
خاله احلام كافي تحچون عليها ترىسوزي هسه مو طفله وانت فيصل لاتحچي لان اريدها الك
فيصل سوزي اختنا واني اريد عراقيه.
واني شنو مو عراقيه
لا مو عراقيه حتى اسمج مو عراقي ومتعرفين تحچين عراقي
يله هسه اني ميته عليك
طلعنا من البيت اني وخاله احلام بالطريق گالت لةتزعلين من فيصل والا اخليه ياخذچ
مادري ليش حسيت بالحزن من عرفت فيصل. مايعتبرني عراقيه ولايفكر بيه غير اخت بذاك اليوم عرفت فيصل يعنيلي شي .شي ممكن يفرحني ويبچيني
شفته بعد كم يوم داروح للمدرسه فتت ماسلمت عليه
تعاي لچ ليش متسلمين زعلانه
ومنين ازعل مااريد اسلم
زين لاتسلمين اريدچ بشغله مهمه
خير شنو
تروحين وياي باچر لمكان اكو بنيه اريدها تسوفچ وياي
ليش وين ومنو
انتي بس وافقي وبعدين تفتهمين
شوكت باچر العصر اجي عليچ نروح بالسياره
اروح على شرط بعد متگول خبله
مااگول وعد اتفقنا
اوكي
وي نفسي فكرت منو البنيه وليش يريدها تشوفني
رحنا اني وياه البنيه تشتغل بمقهى عراقيه اسمها هدى وفهمني من تجي تسلم اني اسكت وجتي سلمت
هاي فيصل
هاي هدى شلونج
منو هاي البنيه وياك
بت خالي سوزي
هاي سوزي شلونچ تحچين عربي
فيصل جاوب لا متحچي اني دااعلمها
افتهمت جايبني حتى تغار عليه مني بالسيارة عرفت هي وياه بالجامعه سالت ليش ردتها تشوفني جاوبني بعدين تعرفين
بس تدري اني احلى منها وانت ماعندك ذوق
مسامعه القلب ومايهوا
مجاوبته بس يمكن گلبي انفجر وصار الف قطعه...يتبع
