طرف واحد
بارت13
مارديت على مكالماته لكن فراس ادخل گتله حچيه يقهر ترجاني اتحمل اتفقت وي فيصل يتصل بس الجمعه
تتذكرين من اتفقنا تخليني احبچ چانت ايام حلوة تتذكرين
اتذكر نهايتها خابرتك هدى تبچي الخطابه مضوجيها كل ساعه ترفض عشره
بعدچ تغارين منها
اغار منها ليش احلى مني احسن مني ها تذكرت برائيك اشرف مني متگول احبك تريد بيوت واثاث ورجال شاب وحلو
منو گال اشرف منچ
ماكو داعي تگول اعرف تفكيرك هدى تبچي بعد لاتخابرين ولاتحاولين تتقربين مني ورا فترة يدز رساله اريد اصير جزء من حياتچ وست هدى اذا بچت مرة ثانيه تطلع من حياتي
انعل ابو هدى لا اليوم الي عرفتها بيه
ها ليش مو هاي العفة والشرف ومتشوف غيرها وتعاي نمثل حتى تقبل بيك روح خابرها گوللها انعل ابوچ
اگلچ هو منو الي ديتعالج اني لوانتي ليش عصبيه
ممرتاحه لاتصالاتك بيه گولي علاجك شلونه
صرت حباب واسمع كلام الأطباء وافكر اترك الشغل بالول ستريت لان يسبب عندي قلق وتوتر البيت اسبوع الجاي ينباع خطيه فراس حيل تعب وياي ويدفع المصحه
هو وين اكو مثل فراس اني ادري ليش مطلعت مثله
ليش شبيه اني ادري تحچين من ورا گلبچ الاسبوع الجاي مسموح الزياره تعا اشوفچ
امي متقبل اجي لحد ماانت تتزوج لو تموت وسفر ودراستي
ميخالف تعاي بس هاي المرة اشوفچ وروحي
افتح كاميرا وشوفني
لا خلص متريدين تجين بكيفچ قابل منو اني حتى تجين علمودي
منو انت اخوي نسيت احنا اخوان تقهر الكلمه مو بالله وعلى شنو اجي اهلك شراح يگولون بس خابرها جتي ركض كافي فيصل تتآمر ودوس بگلبي
والله العظيم انتي مريضه لچ تعالجي
داتعالج والله
اني اذا ابقى اخابرچ راح ادمن من جديد شنو هالحقد
محد جابرك تخابرني روح تعالج وصير زين لخاطر امك و ابوك
جاوبيني على شي واحد واروح للدوام بعدچ تحبيني لولا لاتجذبين لان اعرفچ
معليك شي ميخصك
خلصت ايام المصحه طلع فيصل من المصحه وفراس
خبرني رجع لشغله ويلعب رياضه مجاوبت اتصالاته ابد مهمتي انتهت التهيت
بالامتحانات النهائيه...يتبع
