طرف واحد
بارت10
شوفي حتى انتي اخذتي نظرة ثانيه لعد أهله شلون شيگولون ضحك عليها وعافها
هسه تداومين ونشغلين بدراستچ سافرت للجامعه امي اول ايام بقت يمي وبعدين بابا ومن تعودت بقيت لوحدي عرفت بنيه ايرانيه تدرس وياي وسكنت وياي وانطتني قران ناطق لان مااعرف اقراه حچيتلها عن فيصل اسمها فاطمه البنيه سنه رابعه وتفتهم گالت
فيصل حب بيج اهتمامچ بيه هذا الشي ملگاه عد هدى الي چانت تثگل عليه ويوم الي گالتله تعال راح ركض انتي وفيصل تتشابهون انتي تحبيه وهو ميستاهل وهو يحب هدى وهي متستاهل
كانت دراستي صعبه حتى ماالحگ اكل بس ولايوم نمت اذا مو دموعي على خدي الشعور انك مغفل والي استغفلك انسان تحبه شعور مؤلم تفقد احترامك لنفسك وثقه بيها وبالاخرين
فاطمه رادت تعرفني على مجموعه مال طلاب عرب بس ماقبلت لان حچيهم كله بالدين واحد يكفر الثاني واني مناقصه بس ولد وياي بالكلاس بحريني ظل يلح حتى ادخل وياهم واول مگلت اسمي اشتغلت الفتاوي ومن عرفوا امي امريكيه سألوا ليش مااسلمت وسوالف غيرها بقيت اوگف ويه الولد البحريني احمد وفاطمه وبس
وخطيه فاطمه تحملتني هواي احچي وهي تسمع وبالاخير اثنينه نبچي گتله مرة فيصل راد صوره لشعري هو يتذكره قصير امي صورته ودزيت الصورة ردعليها
واو.
چان مصر اهلي واهله يعرفون بغبائي صدوگ لو گالوا سوزي الخبله فيصل ثبتلهم اني خبله ويمكن اني الي ثبتلهم
اجتي عطله الميلاد كل الطلاب تروح لأهلها اني مرحت امي وابوي جوي يمي يومين وراحوا
من راحوا اجاني اتصال رقم فيصل منين عرف رقمي مجاوبت اتمنى اجاوب بس ماعندي قوة احچي وياه
تكررت اتصالاته فاطمه گالت جاوبيه بدون اهتمام اعتبري نفسچ بلقاء صحفي جاوبي على گد السؤال لاتلوميه لاتصيرين عصبيه الايرانيين معروف عنهم الدهاء هي چانت تگول وفعلا جاوبته بعد ماسلم سألني
ليش ماجيتي بالعطله
عندي امتحانات وراها ظليت ادرس احسن
يافرع قانون راح درسين
ضرائب
ليش مو هجرة نيويورك بيها مهاجرين هواي تگدرين تغيرين الفرع
مااريد اغيره وماناويه ارجع لنيو يورك هنا الولايه حلوة
عجبتچ الكليه
اي حلوة ومتونسه بيها
ليش متجاوبين اتصالاتي
ماعندي وقت الدراسه صعبه
ماعندچ وقت إليه لو وقتچ صار لواحد ثاني
شوفوا منو جاي يحاسبني بياحق فيصل اخوان مو ليش سكتت ممتوقع الجواب عبالك ابچي واگلك لا والله ماعندي احد غيرك
لا مااحاسبچ بس اريد اطمئن عليچ على حياتچ اخاف تستعجلين بعلاقه ممتاكده منها
مهما كان مراح تكون أسوأ من علاقتي بيك
مسألتيني منين جبت الرقم
جبته وخلص ليش اسالك
ابوچ انطاني اياه
اوكي بقى ابوي تريد تضحكه عليهه
ليش متخلينا نحچي بلي صار احسن منبقى نلف وندور
ماصار شي فيصل اتجاوزت ونسيت وملتهيه بالكليه والحياة هنا
اني لازم احچي مااتحمل ابقى بعينچ نذل
لا حشاك چان اتفاق فرضته عليك اني وسمحتلك تتجاوز حدودك وياي والنتيجه چانت ماحبيتني خلص انتهينا
لا اتفاقنا كان أحد متتخرجين واني عفتج قبلها بعشرين يوم مطلوبه عشرين يوم راح اخابرچ يوميه لحد متخلص العشرين يوم
عندك خطيبه روح خابرها وهذا اخر اتصال بينا
وفعلا مجاوبت ولااتصال مع أن فاطمه توصيني حچي وياه وخلي يعوف خطيبته وانتي هم عوفيه خلي أهله يضحكون عليه وتاخذين ثارج بس اني من نوع ادور ثارات وأكره واحقد وفيصل مو هو السبب اني
ظل يتصل حظرته وكملت السنه الاولى امي گالت تبقين هناك مترجعين لحد مافيصل يتزوج اخذت دروس بالعطله لان بامريكا الدراسه مستمرة اذا تريد متاخذ عطله تعبت من الدراسه بس نتائجي زينه
بدت السنه الثانيه امي چانت تحچي عن وضع فيصل مشتري بيت غالي ودافع عشرين بالميه من سعره والبنك مخلي فوائد ويشتغل العصر محاسب بشركه مال تكسي حتى يلحگ على الفواتير من اسمع أخباره انقهر المفروض يبدي بيت زغير او شقه لحد عشر سنين بس الحب يبهذل
احمد زميلي عرفت عنده اهتمام زايد بيه عرفت أهله متعصبين وفاتحني بخطوبه مو بالي هسه خطوبه وزواج واني سنه ثانيه فتح دفتري شاف كله حرف f
وباسم فيصل بكل مكان الوان احمر وردي وكل الالوان سألني منو فيصل گتله ماضي گال شلون ماضي واسمه على محاضرة البارحه گتله ولد گرايبي احبه خطب وحده ثانيه من يومها الولد يسلم عليه ويروح بعيد طلاب بينهم سوينا رحله رحت وياهم قريب نص السمستر هناك ردت اصعد حصان اني صاعده قبل حلو من يركض والهوا بوجهك صعدت ظليت اسرع بيه اسرع بيه لحد ماوگعني جوي عليه الطلاب وجهي كله دم وايدي وكتفي اخذوني للمستشفى واتصلوا باهلي صارت عندي كدمات بوجهي وخلع بالكتف وكسر بالاصابع ابوي گال اجلي السمستر وتعالي لهنا منو يداريچ رجعت لبيتنا وغرفتي صار شگد مشايفتها العصر جتي خاله احلام وخالوا ابو فراس وفراس وليلى ومنو بعد فيصل فكرت الف مرة قبل لااسلم شلون راح اباوع وشنو اگول وخاصة وجهي خرائط صاير امي انطتني الاحداثيات هو كاعد هنا خالج هنا باوعي عدل وگعدي يم خالچ ميشوفچ اني هم دخلت سلمت عليهم جماعه وگعدت يم خالي ابو فراس جهه فيصل مااباوعلها وهمه هم مخلوني احچي شصايربيج وشلون صار الحادث وبعدين تحولوا لموضوع الدراسه فيصل ماحجى تمنيت بس اسمع صوته اني ماخذه ادويه نعسانه ستأذنت منهم ورحت لغرفتي بس منمت گلبي چان مسوي حفله لان تصورت قويه ونسيته بس لا غلطانه يمكن مرض مزمن بيه
ثاني يوم جتي خاله احلام عرفت منها حقيقة صادمه المرة گالتها بدون منتبه ولاتعرف خطورة الي ديصير شكت من وضع فيصل وديون الكردت عليه وماعنده طاقه ومينام من القلق ظال يستخدم البين كلر نوع من الادويه يخليك متحس بالتعب او الالم ويسبب نوع من الادمان بوصفه الطبيب لحالات السرطان قبل الموت حتى ميحسون بالالم واله مضاعفات هوايه يعني مدمن عليه وشويه شويه يخليك تدمن نوع ثاني فيصل مدمن على شنو لوحده انانيه تريد رجال وبيت واثاث ليش متكافح وياه وتسويه الولد عمره خمس وعشرين سنه مطلوب اكثر من نص مليون على بيت وفوائد واثاث ليش منو راح يتزوجها الاميره ديانا وهاي ظاهرة بدت تنتشر عند البنات هنا حتى الشباب گاموا يتزوجون امريكيات كلشي متطلب غير الحب
ماتحملت اسمع هذا الشي..
ماتحملت اسمع هذا الشي طلعت گلت لامي ماما اريد احچي ويه فيصل ظلت تلومني وتذكرني بلي سواه جاوبتها ماما مو قصه حب فيصل انسان ميستاهل الي يصير بيه لازم احجي وياه حتى لو يعتبرني رخيصة ورجعت اله المهم احد ينبه أهله ميگدرون يحچون وياه لان عصبي وهدى تلفوناتها كل أوامر والولد راح يضيع الشغل اذا عرفوا يسحبون التأمين ويطردوه من الوظيفه والديون شلون بيه هذا مو زواج انتقام
