طرف واحد
بارت5
بدا فيصل يخابرني ويحچيلي على علاقته ويه هدى وبنفس الوقت ياخذني لشغلها حتى تشوفنا سوا يعني خلاني وسيله حتى يثير غيرتها فد يوم رادت رقمي گالت اريد احچي وياچ انطيتها الرقم وخبرت فيصل گلي شنو تحچون اريد اعرف وخلي اجاباتچ الها غامضه
اتصلت هدى وهي تعرف مااحچي عربي قوي سالتني
سوزي بصراحه شنو علاقتچ بفيصل
ماادري احنا نطلع ونحچي سوا وهمين گرايب
يعني يگلچ احبچ انتي تحبيه
شوفي هو ميگدر يمر يوم بدون ميشوفني واني ارتاحله واهلنه يريدونه نتزوج
بس هو هم يحچي وياي ويريد يتزوجني
شمنتظر لعد ليش ميتقدملچ اذا متاگد يريدچ
اني گتله ينتظر اريد يشتغل ويشتري بيت وياثثها بعدين نتزوج
لو تحبيه مچان گدرتي تنتظرين افرضي اشتغل بس ماگدر يشتري بيت تعرفين البيوت بنيويورك غاليه مو بسهوله تعوفيه
ماادري خلي اول يشتغل
زين اذا اتقدملچ واحد عنده شغل محترم وبيت غير فيصل توافقين
اوافق بس اريده حلو همين نفس فيصل
حبيبتي ها المواصفات حتى بالجنه متلگيها لو تختارين الحب لو الفلوس
اثنينهن اريدهن وهسه تشوفين اخذهن لو لا
الله يوفقچ عيوني
نقلت الحچي وياها لفيصل ومتفاجى لان هو يعرفها ومختلفين على شغلة هو يريد يتقدملها وهي تريده يكون نفسه اول
فاض بيه بعد مااتحمل
فيصل بعد لاتستغلني بعلاقتك وياها
لاعفيه سوزي خليچ لحد متوافق على الخطوبه
وعساها ماوافقت شبيك ماكو بنات اعمى انت البنيه تگول اذا تقدمها احد غني تعوفك
هذا حچي لعد ليش خابرتچ من الغيره
لك والله فتيت گلبي هدى تريدك على شكلك وتريدك غني ويوم الي يجيها غيرك بيه هاي المواصفات تعوفك
انتي معليچ بس خليها تغار منچ حبابه سوزي منو اخوچ الي تحبيه لخاطري
امري ل الله هسه منو المخبل اني لوانت
منو يگول عليج مخبله اگص السانه غير انتي ورده
بقى فيصل يريدني وسيله للغيرة واهلنا يشوفونه سوا وفرحانيين ميعرفون بالحقيقه وفيصل مامهتم من اگله يرد عليه معليچ اهلنا يعرفون احنا اخوان
صار وياي على طول ويخابر اكثر هذا الشي يعذبني أكثر واني اشوفه ميراعي مشاعري وكل همه رضى هدى..يتبع
