طرف واحد
بارت8
اقتربنا من الامتحانات وبديت اراسل الكليات بابا بهاي الفترة سافر للعراق زواج اختي اسراء ردت عليه جامعها لكليفورنيا لدراسه القانون جامعه عريقه معروفة وشهادتها تخلي اي مؤسسه تتمنى توظفك امي فرحت هواي واني كان حلمي هذا
فيصل بهاي الفترة ظل يتصل هوا بيه واول ميرجع من الشغل ومرات يگلي تعاي يم مرة اخوي ليلى چنت اروح بس هو الي يبقى يمي ليلى تسلم وتروح خاله احلام گالتلي حاچيه وياه شوكت يخطبني راد عليها الله كريم خلي تمتحن خاله مفهمته اني راح ادرس بولايه ثانيه من عرف اجانا للبيت
شوكت چنتي ناويه تگوليلي على الدراسه بغير ولايه
اليوم ترى هو صار يومين من ردوا عليه
وشعندج بكليفورنيا نيويورك جامعاتها احسن
راسلت جامعات بنيويورك اذا رادوا اروحه
هسه اني اقدملچ متروحين لغير ولايه ليش ماكو جامعات هنا ليش تضحكين حچيت نكته
لا بس نتائج الاتفاق بينه بينت وصار واضح من الرابح
لاتغيرين الموضوع تقدمين جامعه هنا مو بكيفچ
اوكي هسه على اون لاين اقدم عليهن بس اعصابك
وغيرها من المواقف الي خلتني احس هو رايدني بقى على امتحاني عشرين يوم جتي خاله احلام علينا اني وامي گالت فيصل اليوم گالب علينا البيت وهاي هدى كل شويه تخابره جاوبتها
لاتخافين خاله اكيد گاللها ماريدچ
حسيت عدها حچي بس متگدر تگوله انتظرت لليل وخابرت فيصل
خالتي تگول اليوم عصبي شبيك
همزين خابرتي هدى راح تنخطب وخابرتني تبچي سوزي اني أجلت خطوبتي وياها لان انتي گلتي انتظر واتفقنا هسه داگلچ اني احب هدى ورايدها تتذكرين گلتي تتقبلين النتيجه
حبست دموعي وأخذت الصدمه وگلت ويه روحي كافي ماكو شي يستاهل الذله جاوبت
الاتفاق اتفاق والله يوفقك وياها
بعد لاتگولين خابر ولاتحاولين تتقربين مني
اوعدك حتى رقمي اغيره واخذ دراسه بغير كليه ي
سوزي لاتزعلين
على شنو ازعل اني هم مااريد اخذ واحد ميحبني باي
امي چانت قريبه مني وتسمع بس سديت التلفون ركضت عليها حضنتني وگالت بعد مااسمحلچ تجيبن اسمه رفضچ مرتين هو مو احسن منچ وبيوم من الايام راح تلگين الحب الحقيقي
جاوبتها لعدفيصل شنو ومعنى تصرفاته واتصالاته ا لاتسافرين لغير ولايه
جاوبت راد يتسلى يضيع وقت
غيرت تلفوني وامي ودتني لبيت اختها ممتزوجه وعايشه لوحدها بين مااخلص امتحانات بيتها قريب من مدرستي وظليت اتصل بماما عرفت فيصل خاطب هدى وميتزوجون الى ان يشتري بيت ويأثث تعرفون بنيويورك شگد صعب تشتري بيت وفوائد البنوك كله لخاطرها لعد شگد يحبها اني وخالتي ميرنا ظلينا نطلع الرياضه يوميه واخلي الهيدفون ارجع انام واروح للامتحانات امي گطعت علاقتها بيهم بس خاله احلام بقت تجي على امي واجتي عليه واعتذرت وتحجي على ابنها ميفتهم وبس يصيح وهدى كل شويه طلب خالتي گالتلها اذا تريدين تجين لبيتي اهلا وسهلا بس لاتجيبين أخباره سوزي متعرف واحد اسمه فيصل
خلصت امتحاناتي ونجحت وصارت حفلة التخرج عرفت خالي ابو فراس يريد يحضر بابا موصيه وخاله احلام وفراس وزوجته چانت حامل كلهم حسيتهم خجلانين من تصرف فيصل بس اني ماالومه الوم نفسي لان هواي تنازلت عن كرامتي ومادري هو كان يمثل الاهتمام وليش اخر ايام.سوا يصير عصبي اذا مااجي لبيتهم يمكن متوهمه رجعت من التخرج لبيت خالتي شافتني ابچي لان كان عندي امل يجي للتخرج ورا اسبوع سافرنا اني وامي لكليفورنيا حتى اقدم اوراقي للكليه وادور على مكان سكن وارجع لحد متبدي الكليات الجو بكليفورنيا حلو وبيها مناظر حلوة طلعنا اني وامي بيتهم بقت حسرة ماليه گلبي اتمنى فيصل يفهمني
من رجعنا رجعت لبيت خالتي انطتني رساله جايه بالبريد من فيصل...يتبع
