طرف واحد
بارت4
بمرور الأيام تأكدت هو يحب هدى وسمعته كم مرة يحچي وياها
اصعب وضع ممكن يمر بيه الانسان هو الحب من طرف وا حد بدون وعي مني حبيت فيصل وعشت احلام أن بيوم ممكن يحس بيه مرت عليه ايام اتمنى اتخلص من هذا الشعور بس لگيت نفسي كل مااحاول ابتعد وانسى ارجع احبه من جديد واكثر من قبل تعبت واني احاول امنع نفسي من الروحه والجيه وكل مرة اسمعه يخابر. هدى واگول بعد مااروح لبيتهم الگاني ثاني يوم بيتهم
ماما چانت تعرف بيه وتشجعني اگوله وتگلي خلي يعرف احسن ماباقيه تعذبين نفسچ وخاله احلام چانت تشك بيه احب فيصل
من كثر الياس الي بيه حاولت احچي وياه او المح كان دائما ياخذ كلامي شقى وضحك
اجى يوم تخرجه من الكلية شفتها فرصة مناسبه اعترفله حتى لو هو يحب وحده ثانيه لازم يعرف يمكن يقنعني
كلنا موجودين بذاك اليوم بيتهم حت نروح وي فيصل شفته عصبي ومتوتر وتلفونه كل شويه يدگ خاله احلام انطتني قميص وگالت وديه لفيصل وماما اشرتلي روحي وشفتهن يضحكن هي وخاله احلام افتهمت هن مخططات للموضوع صعدت اني درجهم كل مرة اصعده بثواني هالمرة صعدته واني احسب دگات گلبي قبل لاادگ البا فتحه واخذ القميص وسد الباب انتظرت شويه مبين عصبي دگيت الباب ودخلت
شبيك فيصل ليش عصبي المفروض تفرح لان راح تخلص من الدراسه
فرحان بس هاي هدى أوامرها متخلص
يعني هي تتآمر وانت تطلعها بينا
اسف منو يگدر يتعصب على سوزي الخبله لاتزعلين ترى اتشاقه
اني مازعل منك سكتت لان گلبي راح يوگف
تدري فيصل اني شگد احبك
احنا هم نحبچ سوزياحنا منو اني داحچي عن نفسي
متوهمه انتي شتعرفين عن الحب لاتسمعين حچي امي وتتاثرين بيه. انتي اختي يله تعاي ننزل
اخذني من ايدي
خاله احلام شافتنا نازلين گالت ياالله شلون لايگين واحد للثاني رحنا الحفله امي وخاله جميله سالوني شنو الي صار اشرتلهم. عليه واگف يم هدى وصور وضحك افتهموا
رجعنا للبيت وصورته هو وهدى گباليم زادتني عذاب
الصبح. طلبت من ابوي اشتغل والله وياه بالمحل حتى التهي وافق هو وياه ولد يشتغل اسمه يزن
ورا يومين خابرتني خاله احلام رادت حاجات من المحل وگالت فيصل يجي يأخذها خاله احلا م تتعمد تسوي هيج بعد عدها امل وصل فيصل سلم انطيته الاغراض سألني ليش عصبيه وشلون تبقين ويه هذا الولدلوحدكم
المحل بيه كاميرات والناس طابه طالعه وهذا الولداعرفه من الاعداديه
يعني شلون تعرفيه
لاتخاف مو مثل معرفتك بهدى
ليش تغارين منها ليكون الحجي الي گلتيه يوم التخرج صحيح تحبيني ترى اغير فكرتي عنج ولو وحده غيرچ اكول مستهترة اني وفراس اخوانچ
هو اني هذا قصدي انتم اخواني على شنو احبك
لا والله معاجبج ترى نص البنات يحبوني
اي من هاي حبيت هدى اختار وحده تتباوع
لج هسه هي عاجبهاا ني ياريت
لان تشوفك كاتل روحك عليها اثكل وهي تتخبل
يمكن صدك راح اسويها وگلها اني وي سوزي لان هي تضوج منج
قصدك تغار مني لان احلى منها
صدگ انتي احلى
بس هي حظها حلو...يتبع
