طرف واحد
بارت6
بدت مدرستي اخر سنه الي اني هدفي محاماة ومن جامعه بولايه ثانية حتى ابتعد عن فيصل
الشي المهم الي صار الوظيفة الي حصلها فيصل مو حلم اي انسان وبس إنما حياة ثانيه ومستقبل يخلي اي واحد يتمناه اشتغل بالول ستريت بمنهاتن اي يعني بسوق المال البورصه بارقى حي بنيويورك ذولي مو ينطوك وظيفه وبس لا يغيرون حياتك هم ممكن خلال سنه تصبح غني وتمتلك بيت. سيارة ورصيد بالبنك رحلا ت اجازات. وبنفس الوقت شغل على اعصابك لان البورصه تتغير بلحظه فرحت بشغله وعرفت هدى راح تتمسك بيه اكثر
حاولت اكثر من مرة أفهمه كافي من هاي اللعبه مفاد چان يگلي هدى صارت تموت عليه ويكتب محادثات بيني وبينه چذب نتفق عليها ويگلي وديها الها مچان بيها حب او غزل مجرد حچي ومزح يثير غيرتها
وصلت خطيبه فراس من العراق وبيوم زفتهم فيصل اتصل بيه عرفت هدى راح تجي للعرس، وفهمني دوري گلي اليوم كله تبقين يمي متعوفيني اريدها تتخبل رحنا اني وماما وبابا موجود شافني فيصل
الله سوزي اليوم هدى تشوفج تنجن
والله اني راح انجن من تراكم
مبقى شي اليوم تشوفچ وياي راح تگول هاي راح تأخذه مني توافق على الخطوبه
والله متحبك لوتحبك ماگدرت تصبر دقيقه
لاتتفلسفين يله ابد لاتعوفيني
صار فيصل باشا
بدت الناس تجي العرس اهلنا مكيفين وخاصة خاله احلام ابنها فراس وزوجته ليلى حلوين وعبالها اني وفيصل نحب بعض جتي هدى وامها سلمنا عليها اني وفيصل وخاله احلام فيصل اخذني بعيد عن هدى بس چانت تراقبنا وهو يعرف هي تراقبنا لان چان يكلي شديصير ظلينا طول العرس سوا نضحك ونسولف مچان ضحكنا تمثيل كان يضحك ويخلي اديه على چتفي اخر شي گلي تعالي نطلع للحديقة اكيد هدى راح تلحگنا طلعنا اني وياه اقتربنا من بعض حتى مسافه للهوى الي بينا مابقت اديه چانت على خصري بلى وعي مني بسته حسيت عليه دفعني
سوزي شنو هاي
آسفة فيصل نسيت نفسي
لا اني اسف المفروض ماخليچ بهيج وضع
ياوضع فيصل اني مدامثل
اني امثل اسف انتي اختي
يااختك الله يخليك لك اني احبك متفتهم قبلت بهاي الوضعيه حتى اكون قريبه منك
انتي تعرفين احب هدى
والله متحبك لو تحبك ماحتاجيتني امثل حتى تحس بيك
اني غلطان اسف سوزي والله موقصدي استغلچ لاتوهمين نفسج بالحب انتي متعوده عليه
لاتصير اعمى وانطيني فرصه يمكن تحبني
كافي سوزي تعاي ندخل جوا وغسلي وجهچ كافي تبچين
فيصل يمكن هذا اصعب شي بحياتي اوگف گبالك واكلك احبك وتگلي تتوهمين
عفت العرس وطلعت مااعرف هدى شافت الي صار لو لا يارب تكون شافتني بقيت بغرفتي محتارة شاسوي كان عندي امل هاي اللعبة نهايتها يحبني لكن مات اخر امل عندي
استغربت امي من حبستي بالغرفة وثاني يوم مقبلت اروح ابارك لفراس وليلى گتلها گوليلهم مريضه امي من راحت خابر فيصل ماجاوبته باليل اجتي خاله احلام عليه
ليش هيچ سوزي متجين تباركين وليش تبچين
باچر اجي من يروح فيصل للدوام
ليش شنو متزاعلين انتي وياه ترى بس تخلصين اعداديه اخذچ اله
خاله شلون تاخذيني اله الا تجرينه بحبل فيصل يحب هدى ويريدها زوجه
شنو هذا الحچي لعد والضحك والوگفه سوا وحتى اديه اشوفه يخليهن عليچ
يکول اخوان
يا اخوان ابوه البارحه حچى ويه ابوچ
خاله لاتحچون ولاتگولون سدي الموضوع وفهمي خالي عبدالله
ظل فيصل ليليه يتصل مااجاوب اعرف راح يگول اخوان واحب هدى..يتبع
