طرف واحد
بارت7
مر تلث ايام فيصل اجانا للبيت سال امي وين سوزي صاحتني
هلو سوزي ليش مجيتي على فراس وليلى يله امشي وياي عيب فراس يسال وليلى سألت عليچ يله خاله راح اخذها وياي لبيتنا
امي ماعارضت رحت وياه من طلعنا وگفني شبيچ سوزي اعتذرت عن الي صار وخلص انسيه
نسيت تگول احنا اخوان
يابه مو اخوان اصدقاء لچ بعد كم شهر تروحين للكليه وهناك تلتقي بشخص يحبچ وتحبيه
شنو اخذت خيرة وعرفت واذا دخلت الكليه وتخرجت وبقيت احبك
اذا بقيتي تحبيني نتزوج
وهدى لعد شلون
عادي اتزوج اثنين
دتصنف مو منو گلك اني اقبل وحده تشاركني بيك وخصوصا هدى مااقبل لان اعرف متحبك شوف انت صار كم سنه وياها ما اعترفت تحبك
لا ولا مرة گالتها
لعد شلون تخطب وحده وانت ممتاكد هي تحبك لو لا زين انطيني فرصه لحد مااتخرج لاتخطبها اذا بقيت تحبها تزوجها واذا لا تعوفها وتبقى إليه
لچ شنو هالعقل شلون فكرتي هيج
فكرت من قهري گول موافق
بس تقبلين بالنتيجه مهما كانت
اقبل وانت هم اذا حبيتني تگول
اگول وحتى هدى هم اگوللها
لا ساعتها اني اگول اهدى موانت شعندك تحچي وياها بعد
يعني بديتي من هسه امري ل الله
حسب الاتفاق كان المفروض ميتصل بهدى هي تتصل بيه واني هو يتصل بيه اني لا بس فيصل كان يسوي العكس وكل مااتصل بيه تعبان وهسه جاي من الشغل لو الجم اضطر اتصل بيه
فيصل المفروض تكون عادل وانت تتصل بيه
تعرفين شغلي وبين ماارجع من منهاتن ارتاح اروح للجم يخلص الوقت
ليش انت يوميه تروح للجم
اي يوميه اللياقه مطلوبه بشغلنا
والله متحتاج تروح انت بدون جم تخبل اي حبابه رفعي معنوياتي تدرين شغلنا شگد متعب وكل لحظه اللوحه تتغير والتلفونات متسكتت اصير اعصاب
انت على طول عصبي خليني اروح وياك اتفرج
واذا طلعت عصبيتي عليچ ورگعتچ راشدي
متسويها انت عصبي بس حباب
درسين لو ملتهيه
والله ادرس والكردت مالي عالي واي كليه اقدم عليها تقبلني بس انت هم لازم تشجعني
شلون يعني انتي اشطر مني بالدراسة
يادراسه گولي اي شي اي كلمه بيها حنيه
تريدن كلمه انتي حلوة
كملها انتي حلوة واحلى من هدى
انتي حلوة واحلى من هدى
فدوة لعينك حبيبي اليوم راح ابقى للصبح اقرا وشوكت تاخذني وياك للشغل
شوفي يوم واخذج
الجمعه ماعندي دروس هوايه اروح وياك
ليش تريدين تروحين
اريد اشوف منهاتن مثل الافلام لو احلى
احلى سوزي ترتيب ونظافه هي المدينه مصممه بس لاغنياء هسه من اخذچ تشوفين
رحنا للول ستريت لشغله وفعلا شغل يحتاج اعصاب ودقه وتركيز يعني إشارة وحده بالايد تغير كلشي لمن كانوا يسالوه منو هاي البنيه يجاوبهم اقاربي. اني اكمل وعن قريب خطيبته هو يبتسم وميعترض اتصلت عليه هدى اخذ جاوبها واخذ التلفون بعيد عني ظليت احچي ويا أصدقائه كلهم امريكان واحد بس عربي المكالمه طولت ١٦دقيقة لمن رجع محچى شي ولا باوعلي عرفني ضجت مرر اصابيعه على خدودي گتله
وتگلي اخوان فيصل مو
ليش ضجتي من التلفون احنا متفقين
متفقين بس صار ١٦ دقيقة تحچي وياها اني خمس دقايق متخابرني
وحسبتي الدقايق همين
لازم تكون عادل بينه اليوم تخابرني تبقى تحچي ١٦دقيقة زين...يتبع
