طرف واحد
نهاية
بقيت العطله يم اهلي وفيصل يجي علينا عرفت علاقته. بهدى انتهت وكان يگلي احبچ انتي وهدى قرار خطأ هذا كلامه الي
فيصل واهله رادوا يحددون موعد للزواج مقبلت گتلهم اكمل ثالث ونتزوج وكل يوم من فيصل يدگ تلفون عليه اخاف راح يگلي عوفيني خلصت العطله وسافرت مرجعت لاهلي حتى بالعطل فيصل مل وهو يقنعني نتزوج اني ردته يوصل لحالة الملل واشوف رده فعله رادني اجي بعطله الميلاد گال بس عقد گتله تعال هنا ونعقد اندگ الباب الصبح فتحته فيصل گبالي وگلي نسافر نعقد بس حچيتله عن خوفي ليكون الي ديسويه بدون قناعه وحچى وياي فهمني رايدني. ميلگه وحده مثلي واذا ممقتنع ليش باقي وياي گتله يمكن تستحي من اهلي تعوفني گال تعرفيني مااستحي لو اريد اعوفچ سافرنا وعقدنا وبعدين گالوا متسافرين تتزوجون اخر اربع ايام من العطله اتزوجنا واكيد بليله العرس اي وحده تحس رجلها ميت عليها اني هم حسيت هالشي بقيت وياه اربع ايام وهو اخذ إجازة اسبوع وراح وياي خلصت ثالث ونقلت دراستي لنيويورك اخذت وقت بين ماقبلوني اضطريت ااجل سنه
مرات فيصل احس يحبني بس مرات
احس شايف نفسه وفيصل عربي طبعه ميعبر عن مشاعره الا بالمناسبات وخاصة
ورا الزواج كلمه حبيبتي اسمعه بالعيد واذا مسوي مصيبه سوده اني بعكسه لان ما
خذه طبع امي اعبر عن مشاعري ومااحب اخفيها لان اني راح اعيش مرة وحده والحب الله خلاه بگلوبنا حتى نفرح بيه ونفرح الاخرين بالرغم اني وياه عايشين بيت أهله حتى لو اصلا همه يفرحون من يشوفوني احبه
اخو فراس طلع بيت هم قريب منا وعنده بنات اثنين طيبه ونسمه
اني وفيصل راح يجينا طفل بالطريق ممتفقين على اسم معين دراستي بعد سنتين لان القانون خمسه هنا فيصل ورا شهرين من زواجنا عرف اني دافعه الفلوس بالبريد اجى تقرير البنگ وبيه رصيدي والحساب باسمي واسم فراس سألني حچيتله مقبلت يرجع شي الي مااحب يكون فرق بينا احنا واحد بابا يروح للعراق ويرجع اخاف اجي للعراق ابوي يگول من يسمعون حچيچ يضحكون عليچ والقصه كتبتها الي صديقتي مشكورة جان انتم هم ضحكتوا عليه
امي زارت العراق والعتبات وتحجبت الله يخليها الي
اذا تسالوني تندمت لان وگفت بيوم من الايام واعترفت لشاب بالحب اجاوبكم لا بس ماانصح بنيه تسويها خاصه اذا رجال عربي يمكن اني الله كتبلي اتزوجه يمكن غيري تعترف وميتزوجها ويمكن هو هم يحبها واعترافها يخليه يغير رائيه تعرفون شلون بعض الرجال تفكر
شكرا حبايبي واشكر صديقتي زينب الي كتبت وصاحبه الصفحه شكرا الكم جميعا
