#فلوكستين5
قال لي والله ي شهد البت الأهلها بفتشو عليها معاي انا...طبعا قمته مخلوعه وقعدته في نص السرير قولته ليهو كيف يعني معاك انت معتصم انت جادي ؟قال لي والله جادي وحاليا هي معاي ،قولته ليهو فهمني كيف يعني هي معاك بتعمل في شنو وجاتك متين وليه م كلمتني؟قال لي انا عرفته مكانها من صحبتها لأنو كنت متواصل مع واحدة من صحباتها سألتها وجرجرتها في الكلام لغايه م اعترفت لي انو هي قاعدة معاها وكدة واسي انا سايقها ،قولته ليهو سايقها وين؟انت متخيل معاي لو وديتها لي ابوها حيموتها لأنو حالف عليها انت وين اسي؟قال لي انا جبتها شقتي،قولته ليهو معتصم انت مجنون ؟اقسم بالله ابوها لو عرف بقتلك انت وهي،قال لي سمح اوديها وين؟قولته ليهو عاين جيبها لي بيتنا،قال لي حتعملي شنو؟قولته ليهو جيبها بعدين انا بتصرف،مشيت لي عمتو لقيتها في المطبخ قولته ليها اتخيلي معتصم لقى البت مع صحبتها؟قالت لي انتي جادة ؟الحمدلله اها وداها اهلها ولا لسه؟قولته ليها لو وداها هو ابوها بقتلها وحتحصل مشكله،قالت لي ليه؟حكيت ليها بي كلام ابوها وكدة قالت لي انتي البت دي امها وين؟قولته ليها والله ي عمتو علمي علمك،،لكن اسي هو جايبها لي هنا بعدها انا حأتصل على ابوها يجي يسوقها،قالت لي تاني دايرة تتدخلي م كفايه عليك الحصل المرة الفاتت؟قولته ليها المرة دي بس😁😂قالت لي اصلا راسك قوي وم بتسمعي الكلام خلي يسمعوك فارغ تاني😕شويه كدة إتصل علي معتصم قال لي نحن جنب البيت طلعته ليهم لقيتها قاعدة في العربيه ومعتصم كان بتكلم معاها،نزل سلم علي وهي كانت م عايزة تنزل ،معتصم قال ليها أنزلي بي نهرة كدة بعدها نزلت،قالت ليهو معتصم دة شنو العملتو دة م اتوقعتك كدة ؟؟قال ليها دة المفروض يحصل ي لميس وي ريت تاني م تعيديها،قالت ليهو انا م عايزة ارجع البيت مش حرة عاينت لي وقال لي وبعدين انتي لسسه مصصصرة تحشري أنفك في حياتي؟نفسي اعرف انتي بصرفو ليك راتب لما تتحشري في حياة غيرك ولا شنوو بالظبط؟انتي م بتفهمي انا م بعرفك وم تمثلي لي فيها دووور الأستاذة العايزة تطلع واااو قدام اهل طلبتها تمام؟قولته ليها لما ابوك يجي شايل مسدسو عشان يرصصكك بيهو م تنسي تقولي الكلام دة تمام؟قالت لي انتي بتهدديني بي ابووي والله م فارق معاي م تتعبي نفسك سااي الفي راسي بعملو،قولته ليها فعلا الفي راسك بتعمليهو علشان كدة إنتظريهو لما يجي يسوقك أعملي الفي راسك وانا أبدا م سائله فيك😊عايزة تمشي معتصم مسكها قال ليها لميس م تخليني أتصرف معاك تصرف م بعجبك تمام؟قولته ليهم عاينو نحن واقفين والجيران بعاينو لينا م تفرجو علينا الخلق تمام؟فتحته التلفون واتصلته على أبوها قولته ليهو الو السلام عليكم،قال لي وعليكم السلام،قولته ليهو والله ياخي لميس دي معاي هنا في البيت ي ريت تجي اسي تمام؟قال لي كيف يعني معاك من متين؟قولته ليهو لما تجي حتفهم اي حاجه،،،بعد م خلصته مكالمه لقيتها بتبكي لمن بترجف عرفتها خايفه من ابوها،قولته ليها لو م عايزة يعمل ليك حاجه ادخلي معاي البيت وإنتظريهو لمن يجي،قالت لي انا م عايزة ادخل معاك مش حرة؟قولته ليها طيب خلينا واقفين لمن يجي،معتصم قال ليها لميس اسمعي الكلام ياخ م تعملي لينا مشاكل،،قولته ليها ابوك لو عرف انو كنتي مع صحبتك وبعدها مشيتي مع معتصم شقتو ،ركزي علي كلمه شقتو دي صدقيني م حيرحمك وهو من يومو فاير عشان كدة اسمعي الكلام وارح ندخل قبل م يجي،معتصم قال ليها ياخ انتي م تسمعي الكلام م تخليني أتلفظ معاك ساااي😡إتراجعت قالت لي طيب ،شلته شنطتها من معتصم وقولته ليهو اتحرك امشي سريع قبل م ابوها يجي،قال لي محن غايتو ومشى،اول م دخلنا البيت عمتو قالت ليها دي انتي؟عاد ي يمه بت الهنا والسرور لكن ي بت قله الأدب لزومها شنوو😕اسي عليك الله انا كان كرفستك بي يدي الواحدة دي م بدخلك جوة غساله الملابس دي؟يعني اسي اهلك ديل انتي غالباهم😕 ؟طبعا عمتي م عندها حاجه بدسوها😂😂😂😂😂😂💔جبته ليها المويه والعصير ابت تشربهم وبتعاين لينا بي طرف عينها كأنو نجن م بششر قليله ادب شديد 😕💔بعد ساعه كدة تلفوني ضرب كان ابوها قال لي انا جنب باب بيتكم،قولته ليهو طيب،قولته ليها عمتو هم جنب الباب،قالت لي انا بفتح ليهم،قولته ليها طيب فضليهم ولو سألوك من اي شي م تجاوبي او اعملي رايحه تمام؟قالت لي طيب💪بعد م عمتو طلعت قولته ليها تعالي معاي سرعه ،قالت لي في شنو؟قولته ليها تعالي بس،سوقتها دخلتها غرفتي قولته ليها عايني اقلعي لبس المدرسه دة واللبسي الجلباب دة اي عارفاها م من مقامك بس اللبسيهو ولما اناديك اللبسي التوب دة فاهمه؟طلعته كراساتها فرشتهم في السرير مع الكتب وفتحتهم ،،طبعا هي بقت تعاين لي ومستغربه انا بعمل في شنوو؟طلعته سلمته عليهم كانو تلاته رجال ومعاهم مرة كبييرة في العمر قبل م أكمل سلامي ابوها قال لي وينها البت دي؟المرة الكبيرة قالت ليهو كدة قول بسم الله ي ولدي ورووق متين جيت؟قال ليها امي اصلا م تقول لي روق انا حالف عليها،طبعا انا خلاااص حيلي مات قولته اكيييد عايز يعمل في بتو شي،قولته ليهو قاعدة في الغرفه دقيقه اناديها ليك اشربو العصير الزمن داك،اتحركته خطوتين بس إتحرك معاي قال لي م تناديها بمشي ليها برااي انا ،قولته ليهو تمشي ليها وين دقيقه ،،،طبعا قولته كدة بخلعه ،،عمتو جات طالعه قالت ليهو هيييي لو داير تعمل مصيبه في بتك اووعى تعملها لي في بيتي سوقها امشي بيها اي محل تاني واعمل فيها العايزو فاهم ولا لأ؟،طبعا الإتنين المعاهو قامو على حيلهم وبقو يقولو ليهو همام اهدا م كدة ياخ انت في بيت ناس،قال ليهم م بهدأ ولا زفت البت دي انا لو م طلعته روحها م برتاح ،قولته ليهو ياخ انت فاكر نفسك شنو شابكنا لو م كتلتها لو م كتلتها دقيقه طيب مشيت المطبخ شلته سكين وجيت فتحته ليهو باب الغرفه قولته ليهو هاك السكين اكتلها وريحنا م تفلقنا سااي،طبعا لاحظته للناس كلهم واقفين مخلوعين وبعاينو اتلفته لقيت لميس واقفه في المصلايه وبتصلي سااي انا زاتي لمن إتخلعته،،،يعني بجد منظر يخلع 😨بس طوالي واصلته في دوري الكنت متغمصاهو قولته ليهو هاك مش قولته عايز تضبحها امسك طيب م تتنفخ فينا سااي😡عمتو قالت ليهو عاااد ي يمه بتك بتك الهنا والسرور والله صلواتها في مواعيدها اها شوف بعينك ،،لميس صلت على أقل من مهلتها 😂بعد م خلصت قعدت في السرير وتبكي جات حبوبتها قالت للإتنين المع همام امسكو أخوكم دة وسوقوهو من هنا ودخلت الغرفه مسكتها قالت ليها م تبكي ي بتي وبقت تبكي معاها قالت ليها انا عارفاكي هديه ورضيه م بتعملي شيتن غلط لكن الله يغفر لينا من حقك بس م تزعلي من ابوك هو في النهايه ابوك وداير مصلحتك بس ي بتي فهمتي؟ابوها رجعوهو الهول قال لي جاتكم متين؟عمتو عايزة تتكلم كدة مسكتها قولته ليهو هي من أمس معانا بس م كانت عايزاكم تعرفو محلها وكدة،قال لي شنوو ؟من أمس معاكم وانتي م كلمتيني بأي حق عملتي كدة؟انتي اساسا لما عارفاها معاك م كان تكذبي علي دي بتي يعني اكيد م حتخافي عليها اكتر مني فاهمه ولا لأ؟انتي عارفه نحن حالتنا كانت كيف ولا حبوبتها حالتها كانت كيف؟على الأقل كان تكوني انسانه مسؤله شويه ،،،طبعا هاااج شديد وجاط قال لي اسي انا بإمكاني أفتح فيك بلاغ انتي عارفه لأنو تصرفك ماف زول عاقل بعملو،عمتي زعلت من ردة فعلو قالت ليهو هيي اسمع هنا دة م تجوط في بتي اووعى فاهم ولا لأ؟بتك انت سائل فيها؟لو سائل فيها ولا مهتم لأمرها م كان طلعت خلت ليك البيت كان داير تحاسب حاسب بتك وامشي افتح بلاغك دة عشان أجي أشرطو ليك في وشك واسي دة يلا سوق بتك وإتفضلو أطلعو لي من بيتي سرعه كمان جابت بلاغات وكلام فاضي والله صحي الحسنه الزمن دة الواحد يعملها في الكلب م يعملها في بشششر كان عارفه كان جدعتها ليك في الشارع وخليتها تبيت مع الكلاب😡،،،قولته ليها عمتو خلااااص أسكتي،قالت لي م خلاص ولا زفت انتي كمان التانيه يهزؤ فيك ويسمعوك في الكلام الفارغ ليييه؟ وانتي ساكته ساكته ليهم لشنو عندك عندهم شنو ساكته ليهم 😡قولته ليها عمتو خلااااص الله يخليك،،واحد منهم قال ليها معاك حق تزعلي والله وكونكم مسكتوها وقعدتوها معاكم والله م قصرتو وجميلكم على عينا وراسنا بس انتو عارفين احساس الخوف وكدة بجيب معاهو زعله شويه كدة ،،،قولته ليهم لا عادي ولا يهمكم انا متفهمه موقفكم وردة فعل ابوها والله وبعدين اي زول في محلنا كان عمل كدة والانسان بطبيعتو غيوور على بني فصيلتو يعني مستحيل تجيني واطردها واخليها بت براها وفي العمر دة تلف في الشوارع😊 ،قالو لي صح والله،فجأة حبوبتها جات طالعه وقعدت اتكلمت معانا كداا ،قالت لي عمتو م تزعلي ي بتي من همام ولدي والله لو م الخوف على بتو م كان اتصرف التصرف دة،عمتو قالت ليها ماف مشكله ي خالتي والله لكن الزول بتريس في مواضيع زي دي الفورة م حبابها وبعدين بت اخوي م غلطت والله بتكم قالت م عايزاكم تعرفو مكانها عايزة تبعد منكم شويه وبعدين البت بقت في عمر كبير الضرب م حبابو اقعدو اتكلمو معاها واحدة واحدة حاولو افهمو مشاكلها شنو بالظبط حفذوها م تنفروها منكم عمرو العنف م حلا مشكله،واحد من اعمامها قال لي انشاءالله والله،حبوبتها قالت لينا طبعا انا حبوتها فايزة وديل اعمامها هاشم وهزاع وابوها همام دة اخوهم الكبيير معليش دخلنا عليكم ومع الخلعه والجوطه م قدرنا نعرفكم علينا،عمتو قالت ليها ماف مشكله ي خالتي انا بدريه عمه شهد😊قالت ليها اتشرفنا ي بتي وي شهد حقك علي ي بتي لو سمعتي كلام فارغ ،قولته ليها العفوو ي حبوبه م حصل شي والله بس اااهم شي انكم إتطمنتو على لميس وحاولو خلو بالكم منها علشان الحصل دة م يتكرر تاني والحياة دي بقت صعبه وم مضمونه والله،قالت لي الله يفتحها عليك ويرزقكك ود الحلال اليسعدك ويهنيك ي بتي❤قولته ليها أميين ي حبوبه الله يخليك❤بعدها ساقو بتهم وطلعو ،قدمناهم لغايه باب الشارع بعد م مشو عمتو قالت لي اااابت شايفه العربيه الراكبنها والرقي العند الحبوبه؟قولته ليها ههههه عمتو اتنازلتي فجأة😂😂😂😂💔قالت لي شكلهم ناس كبارات❤قولته ليها لنفسهم م لينا نحن😂💔👊قالت لي لكن بتهم زاتها مجرمه والله لو م كزبنا ليها الكزبه دي كان ابوها كسسر رقبتها وبعدين بدوور اسألك انتي دة ابوها بجد؟عااد يسوو كدي👋قولته ليها عمتو انا شامه ريحه إنبراش بالمناسبه😂😂😂💔قالت لي النصيحه أبوها ماشاءالله زول جميل الله اداهو الخلقه لكن حبه اخلاق م عندو الله ينعلو اسي مرتو دي مستحملاهو كيف؟قولته ليها عمتو راسي حيتكسر داخله انووم انا،قالت لي م بتتعشي؟قولته ليها لا م عايزة😘بعدها مشيت اتصلته على معتصم وحكيت ليهو الحصل بالتفصيل،قال لي والله دي مصيبه دي😂💔قولته ليهو كانت حتقع في راسك ي مجنون 😪💔قال لي اي عشان كدة انا شيلتك ليها انتي😌😂قولته ليهو تافه😒قال لي م تافه بس عارفك حتكوني قدرها م انتي بت امدر ولا شنوو؟😂💔قولته ليهو باي عايزة انووم ،،،اليوم التاني مشيت المدرسه زمن الفطور كدة جات المشرفه قالت لي شهد في ضيف منتظرك في مكتب المديرة،قولته ليها انا؟قالت لي اااي انتي ،طلعته مشيت لقيتو أبو لميس،سلمته عليهو والمديرة كانت قاعدة طبعا،قال لي ممكن أتكلم معاك خمسه دقايق في العربيه؟قولته ليهو اوكك عاينته للمديرة قالت ليهو اوك جدا ي استاذ همام أخدو راحتكم وم تنسى تكتر من طلاتك ياخ ي ريت كل ابهات الطلبه زيك كدة،ضحك قال ليها إنشاءالله❤طلعته وراهو فتح لي باب العربيه ي يمه ولا جينفر لوبيز بحالها عمري العامر ماف زول فتح لي باب عربيه🐸بعد م ركب هو اتحرك طبعا بقيت اتلفت قولته ليهو ماشين وين؟قال لي قريب وحنجي راجعين م تخافي هههه،طبعا انا صراحه خفته شديد قولته ي ربي دة مالو وماشي بي وين؟وصلنا مطعم كدة نزل وقال لي أنزلي،قولته ليهو دة شنوو؟قال لي اكيد م حنتكلم في العربيه صح؟نزلته عاااد انا خلقتي دي نهااائي م كانت شبه المطعم ولا العجب الشبط والعبايه اللابساهم ووووب من دي حاله حسبي الله بس😪دخلنا المطعم قعدنا قال لي تشربي شنوو؟قولته ليهو ولا ولا ولا شي،طبعا بقيت ارجف من فوق لتحت عااد لو صدفه مؤتمن اخووي شافني م برحمني 😥💔قال لي لا لازم تشربي وتفطري كمان بما اني ماخد زمن فطورك،قولته ليهو لا والله م عايزة حاجه،قال لي طيب حأطلب على زوقي وانشاءالله يعجبك بس هههه، أشر للجرسون بي يدو جاهو إتكلم معاهو ومشى،قال لي حنكمل كلامنا على باال م الويتر يجيب الأكل المهم ي ستي انا عارف انو انتي مستغربه انا جبتك هنا لييه والكلام دة ،انا صراحه جيت ابرر ليك تصرفي الأمس دة كان سببو شنو،قولته ليهو ماف داعي تعتزر،،قاطعني قال لي بس انا م عايز أعتزر ابدا هههه،قولته ليهو هااااااا😨قال لي إذا حكيت ليك حتعزريني ،اولا انا اساسا م مستقر هنا في السودان معظم حياتي دي مقضيها بين قطر ودبي،يعني السودان دي بجيها زيارات بس،وأسي انا في السودان جاي زيارة او بالأحرى جاي أحل كميه من المشاكل ،قبل يومين سألتيني البت دي أمها وين؟انا عايز اقول ليك انو انا وأمها انفصلنا عندنا شهر تقريبا ،وحاليا انا في السودان عشان الموضوع دة،قولته ليهو امممم وهي عايزة تعيش مع امها وانت رافض ولا المشكله شنو بالظبط؟قال لي والله ي ريت لو الموضوع كدة القصه انو امهم هي الطلعت خلتهم هي واخوانها وم عايزة تعيش معاهم ،طبعا استغربته قولته ليهو عندها أخوان يعني؟قال لي أصغر واحدة عمرها سنتين😊قولته ليهو كيف يعني سنتييييييين😳قال لي زي م بقول ليك كدة!!!قولته ليهو بس دي صغيييرة!!!قال لي ولسه م تمت السنتين كمان،قولته ليهو اممممم والله زعلتني ياخ بس حتى لو في مشاكل بينكم كان تعاينو لي اولادكم ديل ياخ والله م عندهم زنب في دة كلوو مهما كان حجم المشاكل بينكم كبيير المفروض تستحملو بعض علشاان الأولاد ديل ،قال لي ممكن نقول قسمه وانتهت المهم اسي انا جاي اقول ليك ي ريت تخلي لي بالك من لمييس دي عارفها مسؤليه صعبه ويمكن اكون بحملك مسؤليه م مسؤليتك بسسس مجبوور لميس في فترة صعبه ويمكن تتصرف تصرفات متهورة وطايشه وم تلقى زول يوعيها حاولي اتقربي منها وخليها تركز في دراستها كلها سنه واحدة وتطلع من الثانوي دة بس هي حساسه شديد واكتر واحدة متأثرة بالحصل دة السبب المخليها تتصرف كدة،قولته ليهو واضح انها متأثرة شديد كمان ومعاها حق صراحه ،قال لي المهم خلي بالك منها وأنا إنشاءالله م بقصر معاك ماديا،قولته ليهو نعم😳؟قال لي زي م قولته ليك ليه عندك مشكله؟😊قولته ليهولأ طبعا لو انت جايبني هنا علشان تتفق معي كدة احب اقول ليك أسفه م حأوافق على حاجه زي دي ولا حتى نفسي بتسمح لي أعمل كدة شوف زول غيري يهتم ليك ببتك بالمقابل😊قال لي م هو انا لو شايف زول جدير يعمل كدة م كان جيت ليك وبعدين انتو اعماركم قريبه لبعض يعني حتفهمو بعض م زي لما اجيب ليها استاذة كبيرة في العمر واقول ليها اتفاهمي معاها وصاحبيها،قولته ليهو طيب موافقه بس من غير مقابل،،قال لي طيب ي ستي إتفقنا❤بعدها جابو الأكل ي يمه الراجل بياكل بالشوكه والسكين انا غلبني اعمل شنو وقعته في الشوربه شراب بالملعقه😂😥😭💔كانت قدامي خيرات الدنيا كلها وم شربته الا الشوربه الأنا في بيتنا م باكلها وبدق جرس لما امي تعملها😭💔لا والعجب جايبين لينا عصير انا قايلاهو حاجه سمحه طلع عصير ليمون من غيير سككر وااااع😭😭💔✋والله لمن شربتو دموعي لمن جات جاريه من شدة م حامض قووم علي المصران الله ياخدو😭💔عدت الأيام هو كان بتصل علي من فترة وفترة ،في يوم إتصل بالليل حوالي الساعه 9 كدة استغربته طبعا اول مرة يضرب لي في زمن متأخر كدة رديت ،قولته ليهو اهلين،قال مساء الخير م اكون أزعجتك ،قولته ليهو لا ابدا والله،قال لي عايز أتكلم معاك ممكن؟قولته ليهو طيب إتفضل،قال لي لا لازم اشوفك بالتلفون م ينفع،قولته ليهو امممم بس اسي الزمن إتاخر م ينفع اطلع من البيت،قال لي نص ساعه بالكتيييير بس،قولته ليهو طيب نتلاقى جنب الظلط ،قال لي طيب اوكيييه حأنتظرك، إنتظرتو لغايه م اتصل علي وقال لي انا وصلته لبسته التوب قولته لي عمتو انا ماشه أحول لي رصيد وجايه ،قالت لي بالليل دة خلي انا بدق لبتاع الدكان يحول ليك ،قولته ليها لا انا زاتي عايزة أشتري لي إندومي من الدكان عشان كدة خلي أمشي براي،قالت لي الاندومي دي بتجيب أجلك ي بت لكن سمح امشي ،مشيت جنب الظلط لقيتو واقف والدنيا ضلااام ،دقيت ليهو القزاز قال لي اركبي ،قولته ليهو ماف طريقه في شنوو؟قال لي اطلعي وقفتك كدة م حلوة الناس حتقول عليك شنوو؟فتحته الباب ركبته قولته ليهو اهلين،قال لي مساء السرور،قولته ليهو ومساك❤اخد نفس طوييييل قال لي م حأخد من وقتك كتيير صراحه انا قعدته مع نفسي وفكرته م عارف حتوافقي ولا لأ بس من الأخر كدة تتزوجيني ي بت الناس؟....
#نتلاقى
