#فلوكستين20
عايزة أطلع كدة بس حسيت ليك بيهو جاريني من ورا وكتف لي يديني ولصقني مع الباب قال لي مقويهه راسكك وم بتسمعي الكلام مالك انتي انا مش بتكلم معاك؟😡انا كنت مخلوعهه طبعا ويدي وجعوني وهو ضاغط علي بقووتو كلها،قال لي فهميني مالك انتي مشكلتك شنوو؟قولته ليهو يدي وجعوني فكني خليني أمشي،قال لي الليله لو م فهمتيني مالك ماف طلعهه من هنا،دموعي جات جاريه عشرة عشرة أصلي م فتحتهوخشمي بس نزلته دمووع،وهو اساسا م مخلي مسافه بينا ضاغطني مع الباب وانا قصيرة وهو نفسو في وشي ،قولته ليهو ياااخ خليني أطلع اسي لجين حتصحى تبكي،قال لي خليها تبكي برضو ماف طالعهه، كانت اسوأ لحظهه واحلى لحظهه بالنسبه لي ♀🙇يعني اسوأ لانو همام كان متعصب وم شايف قدامو ،وأحلى لأنو اول مرة يكون قريب مني للدرجه دي وانا من خووفي من عصبيتو دخلتني خووفهه عجيبه ودموعي دي بقت جاريه زي المطر 😭💔قال لي ملاحظ ليك فترة تصرفاتك م طبيعيه ،ارسل ليك م بتردي ارسل ليك م بتقري الرسايل بتتجنبيني كل م احاول أتواصل معاك مالك انتي انا غلطته معاك في حاجه او مقصر منك في حاجه لو مقصر قولي انا مقصر منك في شنوو وانا اجيبو ليك،قولته ليهو شاايف دي مشكلتك ،شايف انو مشاكلك كلها بتتحل بالقرووش ياخي ابعد مني وبقيت ابكي شديد بعدها لزيتو وطلعته من الغرفه،مشيت غرفه لجين قعدته أبكي،يعني حتى إحساس م حاسي انو هو مزعلني في شنو ولا متزكر حتى مواقفو الزعلتني ،عندو عدم لا مبالاة كدة غريب😭😭💔عايزة أنوم م قدرته بقيت افكر في الطريقه الكان ماسكني بيها وريحهه عطرو يعني بجد ريحهه تهببل علقت في مناخري وملامح وشو يقت م قادرة تفارق مخيلتي ،الصباح اصلي م خليت وشي ووشو يتلاقو وكل م تجي مواعيد وجبه بقول ليهم م عايزة أنا ،بعد اسبووع من الكلام خالد قال لي ابوهو ي ابوي عايزين نعمل برنامج بتاع اسرة كدة ظريف ونطلع لينا طلعه كلنا لي صابر وكدة،ابوهو قال ليهو طيب اوكييييييه م عندي مشكله لمن تكون عايز تظبط امورك كلمني،خالد قال ليهو حاضر،طبعا صابر دة ود خالتهم مباشرة وحتى العرس عاملنو في بيت ناس همام لأنو خالتهم تقريبا عايشه معاهم وصابر دة متربي معاهم في البيت ❤بعد يومين خالد قال لينا عايزكم تساعدوني نعمل شنو للرحله وم نعمل شنو وكذاا،لميس قالت ليهو مع اني م بحب لمات الأهل الماظابطه دي لكن انا بعمل ليك الفطااير لأنها شغلتي😂✊قولته ليهو طيب انا حأساعدها لأنو حنعمل كم صنف،وكمان حأعمل بوشار وكم صينيه حقت بسبوسه اضافه لي كدة حأعمل كفتهه قصرته معاك؟قال لي ي سلام ياخ انتي الزيك منو واساسا نحن شايلين معانا خروفين يعني م عايزين نكتر الحجات،قولته ليهو حالتك م عايز تكتر الحجات؟وبعدين انا م اظن امشي معاكم،خالد قال لي لييييه م حتمشي مالك؟قولته ليهو ساااي بس م بحب جو الطلعات والكلام دة،لميس قالت لي لا يااخ بطلي اول رحله تطلعيها معانا اسي الناس حيقولو لييه م جات خصوصا انو بابا ماشي،خالد قال لي لا الموضوع دة منتهي تمشي طوالي طالما م عندك عزر مقنع ولا داير نقاش في الكلام دة ي زولهه😒م كنت عايزة امشي علشان اهل قصي يعني انا مقتنعه بفكرة انو هم م بحبوني وانا م بحب اتلصق في الناس خصوصا انا عارفه انو في حساسيه منهم تجاهي ،لميس قالت ليهو دة كلووو هين م قولته لينا حنمشي وين؟قال ليها حنمشي وين دي خليها لانها مفاجاة😻قالت ليهو لا بجد وين؟قال ليها زي م قولته ليك مفاجاة لكن حتكون رحله من الموت وسايقين معانا فنانين،قالت ليهو بي حفلتها كمان😻😻قال ليها ي زولها حفلتنا حتكون حضراااانهه كمان بس خليك ساااكته وحتشوفي👌قالت ليهو من اسي جاهزة😻قال ليها من اسي كلمتك يوم الرحله م اشوف لي سبيبه حقت شعر طالعه برا راسكك،قالت ليهو والله افكو فكهه بس اصبر لي😻😛😛💃المهم يوم بكره الرحله بالليل جهزنا الحجات دي كلها والله تعبنا وساهرنا سهر فظييع م نمنا الا الساعه1مساء،الصباح صحينا الساعهه 8لو م خالد زاتو م كان صحينا،طبعا قولته الليله الا أتشيكك بس،عندي فستان اياديهو كامله وهو لونو كحلي غااامض فنايلي،وعندي طرحه سماويه وعندي قميص مسطر سماوي بي كحلي والشبط كحلي ،اول شي اتصلته على هديل علشان تجي تظبطنا مع انعا شاكلتني وشتمتني علشان شتمتني بس م اشتغلته بيها كتير جات قالت لي اوول شي م عايزة إعتراض حأطلعك على كيف كيفي م عايزة منك ولا نضمه فاهمه؟قولته ليها انا كلي ملكك ياخ،قالت لي لا انتي ملكك همام م ملكي انا ي واتيهه،قعدته اضحكك قولته ليها وسخهه بالمناسبه م وريتكك قبل كم يوم عمل معي شنوو😭😭💔قالت لي حصل شنوو😱قعدته احكي ليها بالحصل ،قالت لي وااي ي شهد كرفستي مشاعري يعني م حصل بينكم احم احم؟😥😅♀🙆قولته ليها لالا بس اقسم بالله اللحظه دي قدر م حاولته امحيها من دماغي م اتمحت اصلا عقلي وسخخ خلاص،قالت لي انا لو مكانك بنجلط في مكاني ي بت كرر علي😥💔خلاص هسسس خليني اكمل باقي مكياجي،قولته ليها طيب بس م يكون اوووووڤر ،قالت لي م بتوصيني😒✋قالت لي خلاص غمضي عيونك وخليك مغمضه تمام؟قولته ليهو طيب غمضته عيوني مسااافه بعدها قالت لي خلصنا افتحي عيونك، فتحتهم قالت لي كيف بالله😻😒؟طبعا بقيت اعااين في المرايه بس،قالت لي اااي سمحه قرضه والمره دي مش حتنافسيهم بس حتبقي ستهم،قولته ليها م اظن غايت هن م بتنافسن،قالت لي الحكايه ثقهه بس ي بت خليك واثقهه من نفسكك اصلا م تديهم احساس انو هم احسن منكك ابدا فاااهمهه؟قولته ليها طيب،قالت لي فضل تسريحه الشعر،قولته ليها شعر لشنوو ي بت حألفو واحدة بس ،قالت لي ي بت انتي عويرة واحدة شنو ي بت فجأة ختي احتمال انو الطرحه تقع منك مثلا ،او ارميها قاااصدة وخلي همام ينتبه ليك اعملي حركات ي بت م تتعولقي فاهمهه،قولته ليها سمممح مع اني م بقدر على الحركات دي 😂💔 سرحت لي شعري قالت لي والله فيهو حلات قصصهه ولون كركداوي يجنن،قولته ليها شنوو مستحيل طبعا ههه،قالت لي والله حتكون خرافيه عليك،قولته ليها ولا بفكر في الموضوع حتى،ق،بعد م خلصت مني،جات لميس قالت ليها هدييييل اظبطي لي حواجبي دييييي،قالت ليها الكيرلي حقكك فظييييع طبعا عملتي وييين😳قالت ليها عملتو لي اخت صحبتي،قالت ليها وااااي مشكلهه عديييل اقسم تعالي اقعدي 😘عاينت لي قالت لي شوش طالعهه رهييييبهه بجد😻قولته ليها بطلي تكسري تلج ،تلفوني ضرب شلتو لقيتو خالد،قولته ليها الليله ي لميس دة خالد،قالت لي ردي شوفي مالو،اول م فتحته الخط قال لي اها جاهزين؟قولته ليهو جاهزين كيييف؟😱قال لي انا اتصلته على ابوي انتو حتطلعو معاهو حتقشونا في بيت ناس حبوبه ونطلع طوالي اتفقنا؟لكن اجهزو سريع بالله الساعه 10 تكونو معانا هنا،قولته ليهو طيب تمام،عاينته للساعه لقيتها 9ونص قولته ليها لسسه في لميس خالد قال نمشي بيت ناس حبوبتك مع ابوك و حنطلع الساعه10وي دووب الساعه 9ونص ،قالت لي لحظهه خالد قال ليك حنطلع مع بابا؟قولته♀🙆😳 ليها ااايوة،قالت واااااي شهد اجري اللبسي انتي م بتعرفي بابا دقيق في المواعيد كيف وبطلع قبل النص ساعه دي بعشره دقايق علشان يحصل امشي اللبسي قولته ليك الليله وووووووب😭💔قولته ليها لجين م لبستها وميدو طلعته ليهو ملابسو لكن م عارفاهو لو لبس او لا،هديل قالت لي انتي البسي انا بعد اظبط ليها حواجبها دي بلبس ليك لجين❤قولته ليهم طيب،مشيت لبسته الفستان طبعا طلع ضييق علي مع انو كان واسع وقصيير م طويل شديد يعني مظهر لي الحنهه ♀🙆جيت قولته ليهو شكلي زدتهه كم كيلو هه😅،هديل قالت لي مش شكلك انتي فعلا زدتي واااااي لكن الفستااان فظييييع شهد اشتريتيهو من وين؟قولته ليها جبناهو انا وشموخ من سوق امدرمان😻💃قالت لي عندي مناسبه قريب وعندي ليهو جكت حيجي معاهو تحفهه حاجي أشدو منكك،قولته ليها تتفضليهو طوالي😻قالت لي لجين وين امشي اللبسها ليك،قولته ليها مع ميدو في غرفتو طلعت مشت وطبعا لميس مشت تلبس،بعدها لبستهه القميص من فوق للفستان ومعاهو الشبط وجيت ضربته طرحتي زي م الخليجيات بعملوها ،طبعا لميس مشت تلبس م شافتني لما طلعته،بقيت اعاين لي نفسي يمين وشمال ممكن تقولو انبرشششتهه في نفسي♀🙆🙈شويه كدة هديل جابت لي لجين قالت لي اقسم بالله الليله عمنا دة لو اتدردق فيك الا يبقى قليل ادب بس😻😒✋قعدته اضحكك قالت لي بجد ماشاءالله عليك تسوو كدي😻👋شويه كدة جا ميدو قال لينا هوووي ي هووي ابوي دة منتتظركم بره في العربيه،قولته ليهو شنوو😱اجري كلم لميس،قال لي م بوريها انا نازل،هديل قالت لي انا بكلمها قعدت تنادي ليها ي لميس اطلعي ابوك في العربيه حيفوتكم 😂😂😂😂😂💔جات جاريه قالت لينا انا جاهزة خلاص اها كدة ظابطهه؟قولته ليها أمززة مزة في المزاميز،قالت لي والله ماف مزة غيركك😻😂هديل قالت لينا اي اقعدو إتغزلو في بعض كدة لمن الراجل دة يفوتكم 😂😂😂😂😂😂💔فجاة سمعناهو بضرب في البوري،لميس قالت لي دة انذار اول وتاني م بدي انذار بمشي بس اجري ي شهد،طلعنا مستعحلين،هديل قالت لي اركبي معاهو قدام فاهمه ولا لأ يلا بااي انا ماشه بيتنا ،قعدته اعاين ليها ،لما وصلنا العربيه وقفته منتظرة لميس تركب فتحت باب العربيه الورا وركبت قالت لي اديني لجين،اديتها ليها عايزة اركب كدة جرت الباب قفلتو قالت بي اركبي قدام😅طبعا حيرتني بقيت اعاين ليها بس♀🙆فتحته الباب ركبته همام كان غضبان شكلو انتظر كتيير😪قال لميس إتأخرتو كدة مالكم؟قالت ليهو بابا م بنظبط في نفسنا ههه😁ميدو قال ليهو ابوووي شوف شهد الليله سمحهه كيف،واااي في اللحظه دي انا اتجمدتهه وهو سكتت سااي ولا فكر يرفع عينو يعاين لي خسارة المكياج واللبس،اساسا انا متمكيجه ولابسه م عشانو هو عامله دة كلو لنفسي😪😒طوول الطريق ميدو وتسنيم يتونسو وابوهم زاتو بتونس معاهم انا بس سااكته ،فجأة همام جاتو مكالمه ردة وقال:اااي ي خالد قربنا عليكم طلعتو انتو؟طيب اوكيييه قريبين منكم نحن، وصلنا ناس حبوبتهم لقينا طبعا عرباتهم واااقفه وهم راكبين منتظرننا،،طبعا كانو كتار يعني بره من العربات الصغيرة كان في تلاته عربات إستايركس واقفه ،خالد نزل إتكلم مع خالد ،بعدها جا راجع قال قال لي قالو منتظرين حبوبتكم وعمتكم،انتظرنا مسااافه بعدها جو طالع،وأول م طلعو الحبوبه نادت خالد قالت ليهو ابوك وين م جا؟قال ليها ي حبوبه امشي اركبي العربيه مع ناس مجاهد منتظرنك ابوي جا ومنتظرنا نطلع بس،فجأة جات ماشه على اتجاهنا ،وصلتنا قالت ليهو ابوي ازيكك،قال ليها هلا يمهه كيفك تمام؟قالت ليهو الحمدلله والله ،عاينت لي بي طرف عينها وقالت لي سلام عليكم،قولته ليها وعليكم السلام،قالت لي انزلي اركبي مع الجماعه ديلك انا دايرة اركب مع ولدي الجوطه م بتنفع معاي،قولته ليها حاضر نزلته،همام طبعا بقى يعاين لي،قال لي طيب اركبي ورا مع ناس لميس،امو قالت ليهو ليهو لالا خليها تركب في العربيه ديك م فاضيه م الا تركب معاكم ورا خلي تجي اختك تركب مع ناس لميس ،قولته ليهو م مشكله حأركب معاهم،طبعا الناس الفي العربات كلهم بقو مطلعين روسينهم بعاينو لي وهمام دة حسيتو الموضوع ضايقو لمن ملامح وشو إتغيرت بس سكت ،لميس قالت ليهو بابا انا زاتي ماشه اركب مع شهد في العربيه التانيه يلا شهد انتظري فتحت الباب وختت لجين جنب ميدو ونزلت ،حبوبتها قالت ليها ماشه وين ي بت ؟قالت ليها حبوبه حتى لو ركبته معاكم م حأكون مرتاحهه أفضل امشي مع شهد😊مشينا ركبنا الإستايركس واتحركنا ،طبعا العربيه الركبناها كلها شباب يااخ جوووطه وغنى وزغااريد مبالغهه😂💔وصلنا بعد ساعتين كدة تقريبا،اول م نزلنا لميس قالت ليهو خااالد اقسم بالله م جادي المزرعهه مرهه واحدة واااااي😻💃💃قال ليها كيف بالله😌👋قالت ليهو لالا ماف كلام دي الزبدة زااااتهاا طلعتهه بتفكر والله😂♀🙆💃وصلنا لقينا في ناس وصلو قدامنا وحتى ضبحو الخرفان وبدو يطبخو ،شكلهم ديل ناس مأجرهم خالد واصحابو،يااخي مزرعهه طبيعتها وجمالها يهببل😻❤دخلنا والناس فرشت وقعدت اول م جيت أقعد أم همام قالت لي قومي انتي وفاطمه وزعو على للناس مويهه قاعدين لشنو الناس دي م جات عطشانهه،طبعا نسوان اخوان همام الإتنين قاعدات معي واحدة اسماء الاء،والتانيه مودة ،،،قولته ليها طيب قمته قولته ليها فطومه يلا تعالي نوزع مويه،مشينا وزعنا المويه والله الموضوع دة شدة م بقى لي شين واتخنقتهه خنقه انا كل شي برضاهو الا الحقاره ابوي ابدا م عودنا نتزل لي زول او زول ينقص من قيمتنا،انا بالرغم من تعامل اولاد همام الكعب معي كنت بستحملهم علشان هم كانو شفع صغار وباخدهم على قدر عقلهم،بس لما تصرف مسفز يطلع من زول كبيير معناها هو قاصد يذلك وينقص من قيمتك قدام الناس وانا الشي الغايظني انو اهلهم كلهم بعاينو لي بعين غريبهه كدة،يمكن بقولو لنفسهم دي رخصهه منها بس بزلوها كدة ولسسه متلصقهه فيهم لييه😔بعد م وزعته المويه مشيت بعييييييد علشان م اسمع لي حاجه م بترضيني ،والبجي بتكلم معاي بضحك في وشو علشان م أبين لزول اني متضايقهه وكدة ،لما جا زمن الأكل جيت جهزته معاهم الأكل مودة قالت لي شهد والله لو نزول همام السودان بخليك حلوة كدة انشاءالله م يرجع تاني والله😂💔قولته ليها ههههه تسلمي بس همام م السبب والله،قالت لي علي هنا الكلام دة ههههه لكن معاك حق اسي انا هزاع دة لما فجاة تجيهو سفرهه بنفسن وشعري م بسرحو الا بعد م هو يجي😭😂قعدته اضحكك قولته ليها بس انا متعوده وم بفرق معاي وجودو او عدمو ههههههه،شويهه كدة الحفلهه بدت وبدو يرقصو فجاة جات عربيه وقفت والباب فتح،مودة قالت لي دي الجابها شنوو كمان،قولته ليها منو ورفعتهه راسي أشوف ليك سهام جايه بإتجاهنا والناس كلها بتعاين ليها ،ياخي بجد المرة دي شاااذة قمهه الشذوذ،مودة قالت لي نهاائي م محترمه لا عمرها لا اولادها بجد،انا م بحب اتكلم فيها طبعا لا بالشين ولا بالسمح في النهايه هي كبيرة وعاقله وعارفه هي بتعمل في شنو والعقلو في راسو بعرف خلاصو وبس،لما وصلت قالت ليهم هااااي ي جماعهه أخباركم انشاءالله كويسين،خاالد بقى يعاين ليها بغييظ ،يعني هو عاازم اصحابو واللبس اللابساهو هي بجد كان مخجل حتى على الأقل كان تخت اعتبار لولدها ومنظرو قدام اصحابو بغض النظر عن كل الحاضرين ،والله خالد ملامح وشو لمن إتغيرت حسيت بيهو للحظهه حيطردها 💔جات سلمت على الناس طبعا يتكلمو معاها وهي تضحك،واحدة قالت ليها ي دووب الرحلهه إحلوت،قالت ليها هههههاااي هي الرحله حتبقى بدوني يعني ولا حيكون ليها طعم؟أم همام قامت فووق سلمت عليها بالأحضان وبقت تقول جيبو مويه وعصير لسهام بتي ،جيبو ليها مويه ،فجأة اخت همام قالت ليها ستهم جيتي؟سهام قالت ليها ستهم وست ستهم كمان❤طبعا الرجال كلهم بعاينو ليها بأطراف عينهم،همام كان واقف بعييد بتكلم بالتلفون مشت ضربتو في كتفو وشالت منو التلفون و قالت ليهو حتى في يوم زي دة مشغول بتلفوناتك ؟طبعا الناس كلها مركزة معاهم،همام عاين ليها مسااافه وشال منها التلفون قال ليها وعليكم السلام،سلمت عليهو قالت ليهو جيت وانا ااخر من يعلم؟واحدة من اهلهم ورا قالت:عليك الله اسي دة حاله اتنين متطلقين غايتو همام استعجل في عرستو دي،واحدة قالت ليها ي بت هو روحو ونفسو سهام بكرة بكرة تسمعي يقولو رجعها،طبعا انا خلاااص اتخنقته والله بقيت م قادرة استحمل بجد شويه كدة حأطق،قمته ماشه أم همام قالت لي تعالي ،قولته ليها انا؟قالت لي اااي تعالي جهزي صحن فواكه لسهام دي،مروة قالت ليها انتي ي ماما م في ميه نفر هنا ماف غير شهد تعمل ااي حاجه هنا؟ماما فايزة قالت ليها انا م قصدي شي،قالت ليها حتى ولو اسي شهد دي من قبييل م شغاله ترفع وتخت للناس،قولته ليها مروة خلاص خلي بجهزو شلته الصحن والفواكه كانت بإتجاه الناس البتطبخ مشيت عليهم،فجأة الطباخ قال لي أعملي حسابك الكوز دة في،قبل م يخلص كلامو رفعته بيدي كوز كدة كان قاعد فوق حفاظه العنب والكوز كان فيهو زيت حار والزيت حرقني،طبعا نهائي م صرختهه بس البكى شرطني ،الزيت كان حار يااخ شكلو منزلو ي دووب من النار،الطباخ بقى يقول ليهم تعالو بتكم دي حرقها الزيت،لميس شافتني ماسكه يدي وببكي جات جاريه قالت لي شهد في شنو الزيت حرقكك كيف؟وانا دموعي م عايزة تقيف،همام جا قال ليهم مالها؟قال ليهو الزيت طار فيها ،مسك يدي قال ليهم طار فيها كيف يعني؟اتخيلو انا في شنو وهو داير يعرف التفاصيل،مودة جات جاريه قالت ليهم امسحو ليها فيها رماد عشان بجفف الجرح سرعهه،شالو رماد بي مويه ومسحوهو لي ،اقسم بالله نار الله الموقدة بس😭😭😭😭💔همام ساقني قال لي تعالي،أمو جات قالت لي دة كلوو عشان قولته ليك جهزي صحن لي سهام بس؟يعني شنو لو جهزني ليها غايتو بس سبحان الله،سهام قالت ليها انا كان جهزتو هي زاتها م دايرهه ي عمتي ،هماام قال ليها بسسس خلاص ي امي مش الرحلهه دي ؟نحن مخلنها يلا ي شهد،قالت ليهو هي ي ولدي اسي انا قولته شنو؟قال ليها امي انا ملاحظ لتصرفاتك من الصباح وفاهمك انا ،على العموم نحن ماشين انتو كملو خالد خلي بالك من اخوانك ديل وتعالو راجعين بدري،مسكني من يدي وطلع عايزة أتكلم قال لي م اسمع منك ولا كلمه اطلعي العربيه يلا،ركبته العربيه قال لي مهما حصل م تسمحي لزول يهينكك نهاائي حتى ولو كان على حساب خسارتك ليهو اخسريهو فاهمه ولا لأ؟كرامتك فوق كل شي،في الجانب التاني خالد قال لي امي كدة مرتاحهه صح؟قالت ليهو انا مالي ي ولد هوي؟قال ليها م هو انتي المكان البتكوني فيهو لازم تحصل مشكله وي حبوبه ندمتوني على اليوم الفكرته اعمل رحله ألمكم فيها انا مش قولته ليك م تعزمي زول انا م عزمتو؟حبوبتو قالت ليهو ي ولد هووي مرت ابوك عملت المسلسل دة كلوو قااصدة،لميس قالت ليها ي حبوبه خليك حقانيهه من قبيل كلنا شايفنكك بتعاملي شهد كيف وساكتين،لكن انتي قاصدة تطلعي شهد.كعبه يلا نحن زاتنا نفسنا قفلت من الرحلهه مبرووك عليكم خراب الرحلهه...
مشينا المستشفى دخلني الدكتور قال ليهو حروق سطحيهه بسيطه كتب لي مرهم اخدتو وطلعنا لما وصلنا البيت الساعهه كانت حوالي الساعهه 6 كدة،وانا طوول الطريق ببكي،اول م وصلنا على طوول طلعتهه الغرفه فووق وقعدتهه أبكي بجد تعبته يعني مهما احاول أبدر بالسمح بلقى العكس😭همام جا لاحقني اول م شوفتو مسحتهه دموعي ووقفته فتحته الدولاب ،فجأة احس ليك بيهو مسكني وقفل الدولاب وإتجهني عليهو،طبعا انا دموعي م ناويه تقيف قال لي م تمسحي دموعك ابدا أبكي ومن حقك تبكي واي زول كان مكانك حيعمل نفس الشي ،اها هنا انا ي يدوب بقيت ابكي كويس،في اللحظهه ديك على طوول ضماااني عليهو....
#نتلاقى😊
