#فلوكستين17
قال لي اااي لاقيتو من قبيييل كان قاعد معانا في بيت ناس حبوبه واسي انا قدمتو المطار وجيت راجع البيت،قولته ليهو قدمتو المطار كيف يعني؟😳قال لي عدييل كدة عشان طيارتو بتقوم الساعه 12ونص اسي بكون إتحرك ههه،قولته ليهو يعني أبوك رجع؟قال لي اااي،بقيت اقول لنفسي همام رجع وم قال لي راجع ولا حتى فكر يتصل علي علشان يكلمني في اللحظه دي انا الحاجه الوحيدة الإتأكدت لي انو انا بالنسبه ليهو ولاااااا شي ،بس حتى لو هو م خاتي لي إعتبار المفروض يكلمني إنشاءالله ضر اللوم ساااي علشان م اتفاجأ من برة حركتو كانت باااايخهه بجد،انا من الزعل لمن دموعي جرت،إتصلت علي هديل اول م فتحته الخط قالت لي عايني في بيتكم في حاجه بياكلوها انا جايه أكل عندكم أمي الليله طبخت لينا رجلهه😪😭😭😭💔قولته ليها تعالي والله عامله مكرونه بالبشميل وعامله فراخ بالفرن ومعاهو كبسهه😪قالت لي جايه عليكم وبالفعل شويه كدة دقت الجرس مشيت فتحته ليها،قالت لي واااي قلبي حيقيف من الجوع صدقيني انا لو نمته كدة م بصبح الصباااح فتحت التلاجه قالت لي حأدفي لي أي حاجه تملى لي بطني،قولته ليها طيب وسكته خليتها بعد م دفت الأكل وجات قعدت تاكل لاحظت لملامح وشي متغيرة قالت لي عايني انتي الليله مالك؟م تقولي لي علشان عمتي في المستشفى وبتاع عمتك الحمدلله طلعت من العمليه نصيحهه وزي الحصان بكرة بطلعوها ليكم علشان تهريكم كلام كتير قولي لي مالك خيير؟قولته ليها ماف حاجه والله،قالت لي لا في قولي 😒قولته ليها امممم همام اليوم جا المستشفى،قالت لي شنووو😳همام نزل السودان؟علشان أمو ولا علشان مشتاق ليك وبعلي بس😻♀🙆؟قولته ليها نزل علشان أمو طبعا أنا عايز بي شنوو؟قالت لي وانتي المزعلك شنوو مش المفروض تفرحي؟دقيقه أسي هو قاعد هنا في البيت وااااي😳😱قولته ليها لا م تخافي اساسا م جا البيت هنا جا المستشفى ومشى بيت ناس امو ورجع دبي،قالت لي شنوو؟رجع كيف يعني 😳قولته ليها عديل كدة،قالت لي اهاا ودة الشي المزعلك يعني؟؟ ي ستي م تزعلي اساسا كدة كدة حتسافري ليهو قريب😌قولته ليها م مسافرة لو دبي دي جابوها لي قدام باب البيت دة😭💔قالت لي ي بت مالك انتو متشاكلين ولا زعلانين من بعض ولا حاجه؟قولته ليها لا،قالت لي سمح مالك ي بت الجن ولا النفسيات،قولته ليها سااافر من غير م يكلمني وطول اليوم في المستشفى كان واقف مع مرتو وسفهني قدام اهلو حتى اتخيلي سفهني عدييل كدة ووقف معاها لدرجه انو اهلو كلهم بقو يعاينو لي بي نظرات غريبه😭💔والأوسخ من كدة انو النسوان ديل كلهم كانو سمحات ومجيهات ونضاف نضافه تعقد الا انا وقعدته أحكي ليها بالحصل كلوو😭😭😭💔قالت لي انتي المزعلك ورافع ضغطك شنو بالظبط؟يعني محرقاك وقفه همام مع سهام وتطنيشو ليك ولا نضافه النسوان الكانو في المستشفى؟قولته ليها لو كنت نضيفه كان وقف معي😭😭😭😭😭💔قالت لي ي بت شنو لو كنتي نضيفه وم نضيفه مالو هو لما عرسك م كان شايفك غبشه وشينه يعني م شينه شينه بس سمحه ومحتاجه لصيانه لازم تدخلي ورشه😁😁😁😁😁😂عاينته ليها وسكته،قالت لي عايني النصيحه سهام دي مرة نضيييفهه ودايما انيقه ورشيقه في أي ممان معاهو حق يقيف معاها ياخ سهام دي كان عملت مخالفه وهي سايقه بتاع المرور م بقطعها إيصالات فما تزعلي اصلا هم في أسرتهم دي م بعرسو غير الجكس الطبي بس دي حاجه عايزة ابشرك بيها لكن على العموم كدة انا مشكله غيرتك دي م عندي ليها حل لكن لو عايزة تبقي نضيفه ومزة قرضه لمن م يعرفك علاجك عندي انا بظبطك اصلا انتي محتاجه صيانه خفيفه بس😅😂قولته ليها حسستيني انو انا عربيه عندك😪قالت لي م عربيه قولي خردة محتاجه صيانهه ههههههههههههههه،قولته ليها بس انا م قاعدة أغير وبعدين هم حرين م مركزة معاهم انا كان يقيف معاها ولا يرفعها في راسو م شغاله بيهو بس انا إتغظته من حته انو هو سافر وم كلمني ولا فكر يتصل علي ويودعني حتى ،قالت لي واضح انو انتي م مركزة وماف اااي غييرة المهم ي زوله نحن مالنا خليني أكل اكلي دة واقوم أمشي بيتنا الساعه واحدة إلا الليله أبوي بضبحني ههه8،قولته ليها أكلي يلا،بعد م خلصت ومشت حاولته انووم م قدرته النوم غلبني عديل كدة وكل م أتزكر اللحظه النادتو فيها ومشى ليها على طول ووقف جنبها دمي بفوور وبغلي وبقول :هي قاصدة تعمل كدة 😭💔صباح اليوم التاني عيوني دي لمن مورمه من البكاء،المهم بعد م امو خرجوها من المستشفى واولادو رجعو البيت وكدة في يوم كانو بتونسو في الواتساب همام وخالد وشويه كدة جاتهم لميس وانا الرسايل بقت لي كتيرة طبعا بقيت ولا بتونس معاهم في القروب ولا برد على مكالماتو ولا برد على رسايلو ،اصلا كنت زهجانه ومع كترة الرسايل تلفوني علق على طوول غادرته من القروب،شويه كدة لميس جات دقت لي باب الغرفه قالت لي شهد بابا عايزك،قلبي عمل شحح طبعا قولته ليها عايزني انا لشنوو؟قالت لي هاك امسكي ادتني التلفون وطلعت ،رديت قولته ليهو اهلين😊قال لي ي هلا كيفك تمام؟قولته ليهو الحمدلله،قال لي مالك غادرتي من القروب؟قولته ليهو سااااي بس،قال لي كيف يعني ساااي بس؟قولته ليهو زي م قولته ليك سااااااي بس ،قال لي انتي زعلانه مني في حاجه؟قولته ليهو وأزعل منك ليييه؟قال لي طيب م بتردي لا على مكالماتي ولا على مسجاتي أكيد في حاجه مضايقاك أحكي لي مالك،قولته ليهو ياااخي قولته ليك غادرته مزاج مني بس وتلفوني علق دة السبب وبعدين لو انت عامل القروب علشان تجمعنا وكدة هم كل الوقت معي وانا شايفاهم يعني م بتفرق معي انتو اخدو راحتكم في الدردشه مع بعض وم تنسى تدخل ليهم أمهم برضو في القروب علشان بكدة يكتمل لم شمل العيلهه،قال لي دة شنو البتقولي فيهو دة؟اسي سهام الدخلها في الموضوع دة شنوو؟قولته ليهو قولته حاجه غلط؟م هي في النهايه أمهم وانت ابوهم😊✋قال لي غايتو الشي الوحيد الفهمتو منك انو انتي متضايقه وحابه تتفششي وتخلقي موضوع بس من شنو م عارف ،قولته ليهو م متضايقه ولا شي ويلا تصبح على خير قبل م يرد لي قفلته الخط في وشو،والله شويه كدة كنت حأنفجر فيهو،اليوم التاني إتصلته على هديل قولته ليها انا عايزة أتغير😭💔عايزة أكون نضيفه وزي النسوان علشان الناس م مريحاني أي زول بسألني بقول لي انتي مش متزوجهه؟وأهل همام شغالين يقولو مرت همام مرت همام 😭😭😭💔قالت لي زيتون ي زوله انا بجي بتفاهم معاك بعدين،قولته ليها طيب،المساء جات قعدت تعاين لي من فوق لتحت،قولته ليها مالك😕😒قالت لي اسي الواحد يبداء بيك من وين ولا من وين😂😂😂😂💔قولته ليها أكسر الحنك صح؟😪😕😒قالت لي خلاص هههه،المهم شوفي اوول شي حنمشي ننضف ليك وشكك دة لأنو محتاج جلسات فيشل بحتتهه انتي بس تابعيني محل م انا مشيت 😪قولته ليها طيب وبالفعل بديت أمشي معاها ،المهم في الفترة دي بقيت أهتم بنفسي شديد حتى شعري كل يوم تسريحهه لغايه لميس لاحظت قالت لي بالمناسبه في تطورات حاصله،قولته ليها تطورات شنوو؟قالت لي إهتمام وكل يوم تسريح شعر مالك حاسه بشنوو؟😂💔قولته ليها ولا شي ههههههه،بعد تلاته شهوور من الكلام دة نتيجه لميس طلعت،والله يوم النتيجه دة تعبت تعب قالت نهائي م عايزة تشوفها وم ادت زول رقم جلوسها كانت بتقول بس سقوووط انا م بجيب ولا شي إتضطريت أتصل على المديرة علشان توريني النتيجه صراحه حتى انا كنت عايشه على أعصابي كانو انا الممتحنه م هي لأني تعبته معاها في فترة الإمتحانات كنت بساااهر معاها وبراجع ليها وبسمع ليها كاني ممتحنه معاها ،المديرة شغاله تقول لي لميس لميس لميس همام السعيد احرزت نسبه 70.5%مبرووك عليها انشاءالله ،انا والله م صدقته لمن جدعته التلفون من يدي وبقيت أصرخ لميس 70لميس 70😻طبعا هي بقت تبكي م مصدقه لسسه بتقول لي :احلفي بس انا جبته 70انا واااي الحمدلله ي رب وجات حضنتني وعايزة تطير من الفرح والله وانا م خليت زغروته م زغرتها 😻😭😭😭😭😭خالد قال ليها 70دي جبتيها من وين شكلهم البصححو ديل كبار وم بشوفو♀🙆😪💔قولته ليهو ي حااقد 😂👊💔قال ليها رغم اني م مقتنع بيها لكن مبروك ي زوله والله70دي طفرة عديل في اسرتنا ابوي اقصى طموحاتو تجيبي ال50حقت الحكومه دي بس😂😂😂😂😂💔ميدو قال ليها يعني اسي ابوي حيجيب ليك عربيه احلفي كدة؟😪😕😒قالت ليهو بمناسبه بابا نسيت م كلمتو ،طلعت جري شالت تلفونها وجات نازله واتصلت عليهو ،قولته ليها في البدايه كزبي عليهو هههه،اول م رد قالت ليهو بابا،قال ليها اهليين يلا بشري،قالت ليهو والله ي بابا اسي دخلته رقم الجلوس والنتيجه ....طبعا بتتكلم وصوتها مبحوح كدة كأنها زول متأثر جد،قال ليها م مشكله ي ستي اصلا الحياة دي تجارب اذا المرة دي م ظبطت المرة الجايه انشاءالله تنجحي وتتفوقي كمان،قالت ليهو بابا انتظر أخلص كلامي،قال ليها كملي بس م تزعلي ابدا فاهمه وانا ابدا م زعلان منك السنه الجايه تعيدي تاني مالو الإعادة م عيب،قالت ليهو بابا م حأعيد لأنو انا جبته 70%😻😻😻😻😻😻😻
قال ليها شنوو نجحتي انتي نجحتي ياخي شلتي قلبي والله،همام عايز يموت من الفرح،قال ليها انا خفته على نفسيتك أكتر حاجه والله بس الحمدلله عدت على خيير❤قالت ليهو هاك شهد إتكلم معاها،طبعا انا م عايزة اتكلم معاهو بس هي ادتني التلفون غصب شلته التلفون قولته ليهو الوو؟قال لي مبرووك علينا نجاح لميس،قولته ليهو مبرووك عليكم انشاءالله دايما موفقين ي رب❤قال لي امييين بس الفضل برجع ليك انتي لو م انتي م كان دة حيحصل ،قولته ليهو الفضل برجع ليها هي واجتهادها الشخصي بعد ربنا انا م عملته شي ابدا،قال لي م عملتي شي كيف انتي عملتي كل شي ي شهد انا لو قولته ليك ااي شي م حوفيك حقكك عشان كدة في اللحظهه دي أطلبي اااي شي ي شهد اااااي شي نفسك فيهو وعايزاهو قوليهو وانا تحت أمركك اجيب ليك العايزاهو انتي بس أطلبي وحلال عليك،قولته ليهو يعني دة مقابل قصدك؟قال لي ي ستي إعتبريهو مقابل على العملتيهو م فيها حاجه أطلبي وانا بديكك،قولته ليهو م إتعلمته أشحد انا ولا إتعلمته أخد مقابل من زول عملته ليهو اااي شي دي م اخلاقي ولا مبادئي ابدا....😊
....
#مليحيظهه
ياخ والله شكرا ليكم لأنكم دايما بتدونا احساس انو كتابه القصص والفيس والسوشيال ميديا عموما كدة هي محور حياتنا ،يعني لا ورانا مسؤليات ولا بنمر بظروف وضغوطات ولا عندنا شي في حياتنا غير انو نمسك تلفوناتنا ونقعد فيهم طوول اليوووم ،لا وبعد دة كلو مجبورين نسمع فارغهه ونكون مجبورين نستحمل ونبرر ونحكي تفاصيل ايامنا كلها كانت كيف علشان تتفهمونا ليه إتأخرنا عليكم وم نزعلكم مننا شكرا بجد على الروح الرياضيهه البتفتح النفس دي والله 😻✋ ❤❤❤
#نتلاقى
