#فلوكستين18
قولته ليهو م إتعلمته أشحد انا ولا إتعلمته أخد مقابل من زول عملته ليهو اااي شي دي م اخلاقي ولا مبادئي ابدا....😊قال لي م قصدي كدة انا وبعدين انتي ليه دايما بتفهميني غلط يعني ؟قولته ليهو لا م فاهماك غلط انا بس انا م محتاجه شي تمام؟قال لي طيب ي ستي مع نفسكك،قولته ليهو اساسا مع نفسي،قبل م أكمل كلامي قفل الخط في وشي😡مشيت المطبخ دموعي جات جاريه طبعا ،طلعته لقيت لميس قاعدة في الكنبه وبتبكي،قولته ليها عارفنك نجحتي ودي دموع الفرح لكن خلاص كفاايه ي شيييخهه😂👊💔مسحت دموعها حسيتها متاثرة بي حاجه يمكن علشان أمها وابوها م معاها في اليوم دة وكدة،قولته ليها عايني بمناسبه الفرحه الدخلت علينا دي ارررح نطلع نتعشى برره ونضرب الهم بالفرح😻واااي مطعم انتي عايزاهو أشري عليهو نمشي نتعشى تمام ونلف في شارع النيل ونصيييييع على كيف كيفنا ولو في طريقه بتاعة بنقو نشرب وننسطل اخر سطله ونجي راجعين الفي شنو والماف شنو😻قعدت تضحك ،قولته ليها اووعى تكوني صدقتي لمن ضحكتي كدة😂😂😂😂👊💔قالت لي لا بس لو جادة اررح😻🙊قولته ليها نتعشى؟قالت لي لا ننسطل😂🙊قولته ليها السيجارة بقت غاليه أفضل لينا العشاء ي زولهه😂👊💔قالت اااي افضل العشاء هههه وبعدين خالد م حيخلينا نلف في شارع النيل؟قولته ليها خالد دة خليهو علي انا😂✊قالت لي طيب ،بعد ساعه كدة جو أهل همام أعمام لميس هشام وهزاع ومعاهم امهم وعمتها،طبعا الأم والأخت م عندهم لي شي وسافهني بس هشام وهزاع ديل سككر بس دمهم خفيف وظريفين ظرافه شديدة،هشام قال ليها والله ي شهد انا لميس دي سالب واحد م متوقعو منها يعني زاتي مستقرب جابتها كيف😂♀🙆لميس قالت ليهو عمووووووووو😒قال ليها خلاص بس دي الحقيقه😂😂😂😂💔قالت ليهو حسابكك معاي بعدين ورا المصانع وكففت ليهو يدين فنيلتها اللابساها😒قال ليها المصانع لأ ي زولهه😂😂😂😂💔قولته ليهم المصانع دي وين ي عالم😂😂😂😂هزاع قال لي المصانع دة مكان ماف زول بعرفو غيرنا انا ولميس وهاشم كلو أكشن انصحك م تعرفيهو😂😂😂😂لميس قالت لي والله لمن نتشاكل م بفرزونا الا بالشعر😂💪هاشم قال ليها زعلتي يعني😥قالت ليهو جيب جنيه م بزعل😂🙊قال ليها م بديك ي زوله نتلاقى ورا المصانع بس😂✊طبعا موته ضحكك😂💔ميدو جا قال ليهو عمو هزاع وينو الجيتار القولته العايز تجيبو لي😕قولته ليهو ميدو انا مش جبته ليك جيتار في عيد ميلادك؟قال لي الله ياااخ مالك اتكلمتي انا عايزو يجيب لي تاني واااحد🙉🙊هزاع قال ليهو اهاااااا يعني عايز تغشني وتسوقني صاح ي زول؟؟😂😂😂😂😂هاشم قام قال لي خالد:الأخبار شنو والجامعه كيف معاك؟خالد قال ليهو تمام والله ماف عوجه،قال ليهو اها ماشي تمام ولا عامل مشاكل؟قال ليهو ماف اااي مشاكل والله،هاشم قال ليهو متأكد؟قولته ليهو ما عامل مشاكل والله هههههههههه ،بعد م طلعو مننا طلعنا مشينا شارع النيل وجينا راجعين ،اليوم التاني قاعدة مع هديل وبحكي ليها في النقاش الحصل بيني وبين همام،قاالت لي عوييرة هطلهه هبلهه في اللحظه ديك كان تقولي ليهو عايزة عربيه ولا بيت ولا دهب حجات زي دي لكن تقولي ليهو م عايزة واااااي انا منك ي شهد البنات القدرك ديل يسفو الرجال سف التراب وانتي تقعدي تتعولقي دقيقه أكفتكك،قعدته اعاين ليها بغيييظ قولته ليها انا في شنو وانتي في شنو؟قالت لي عايني زعلك منو شي وكونو يقول ليك اطلبي العايزاه وترفضي شي تاني خالص اها بكرة كان قاام كدة وطلقك ورجع سهاام يعلم الله تطلعي من المولد بلا حمص انتي عويييرة ي شهد؟قولته ليها فعلا انا م عايزة منو شي وانا مقتنعه بكدة،قالت لي طيب عايزة شنو؟عايزاهو يحبك بتصرفاتك دي؟طيب لنفترض انو م حباك حتعملي شنو؟حتواصلي معاهو كدة على الحاله دي؟الجابرك شنو تضيعي عمرك معاهو؟قولته ليها بس انا م بحبو ولا عايزاهو يحبني،قالت لي بطلي تستغبي نفسك ومشاعرك واضح انو انتي بتحبيهو غيرتك ومحاولتك لتغير نفسك والحجات الحاولتي تغيريها في نفسك دي كلها كانت عشانو هو علشان أكون واضحه معاك شهد انتي بتحبيييهو حتى انتي م لاحظتي انو كل ونستي معاك عن همام؟دايما في سيرة همام فعل وهمام ترك م ملاحظه ؟سكتته ،قالت لي اقعدي مع قلبك وشوفي الحاصل فيهو شنو واعرفي انتي عايزة شنو بالظبط ،بعد م مشت بقيت أفكر في الأنا بعملو دة إسمو شنو بالظبط؟وليييه انا بتصرف كدة؟بتغااظ لما افكر مجرد تفكير انو همام بتكلم مع مرتو او براسلها ،ولييه انا زعلته لما شوفتو واقف مع مرتو في المستشفى؟ليييه اديت الموضوع أهمييه كبيرة مع انو المفروض يكون بالنسبه لي عاادي؟قولته لنفسي ماف اي حب في الموضوع بس تصرفاتو هي الغياظه وبتخليك تعملي كدة المهم انا مالي ،فتحته تلفوني بفتش في الصور لقيت عندي صورهه حلوة كدة مع هديل كنت متمكيجه وضاربه الطرحه وهديل فاكه شعرها شلتها رفعتها في الواتس والفيس،المساء ،حتى خالد ولميس علقو عليها ،خالد قال لي ي سلااااام تطورات ملحووظهه سككككر دة😌😌😌قولته ليهو حدد الكلام دة موجه لمنو بالظبط😂💔جات لميس علقت وقالت :الووو داعش في جكس هنا محتاج إبادة😂♀🙆🙊قولته ليها نننننننن😒قالت ليها بابا م شاكك الليله ووووب شيلي شيلتك😂✊قولته ليها هههه بابا منوو؟قالت كمان؟ووووب الليله سجمك اسكرين شوت للكومنت دة وطوالي لي بابا 😂👊💔 خالد دخل لينا في الريبلي وقال لي بالمناسبه ابوي عمل لايك للصورة،طبعا لما قال كدة قلبي عمل شححح،لميس قالت ليهو وااااي دة الهدؤ البسبق العاصفهه 😂✊🙊اثناء م هم بعلقو همام إتصل علي م رديت،تاني إتصل ،رديت قولته ليهو اهلين؟قال لي مساء السرور،قولته ليهو يسعد مساك ،قال لي الصورة حلوة ماشاءالله،قولته ليهو. بجججد ؟ تحلى أياامك ياخ😊قفل على كدة لا هرشني ولا حسيتو متضايق من الموضوع واااي انا هنا دمي غلى في اللحظه دي كل مرة تصرفاتو بتأكد لي انو هو م عندو لي شي طيب انا المشاعر الجواي تجاهو دي بتخليني أتغاظ من تصرفاتو لييه؟حتى لو بحبو المفروض أسحب اوراقي من بدري علشان انا عارفه ومقتنعه بمشاعرو تجاهي شنو بالظبط مافي داعي للمعافرة،في اللحظه ديك بكييت بكى حتى السبب البكاني شنو انا م عارفه ،اليوم التاتي قمته الصباح نزلته صورة جديدة والناس كانت بتعلق من ضمنهم اخواني وشغلوها لي طبعا بقيت أفتش في اللايكات قولته يمكن يجي يعمل لايك بس م عمل وم اتصل علي ،وانا بس حقارة مني بقيت كل يوم واليوم التاني أنزل صورة جديدة ،واصلا هو م شغال بي شغله يعني اذا نزلته او لا م فارقه معاهو بي شي😭💔في يوم لميس جات قالت لي عايني ياخ ارح الكوفير،قولته ليها لشنوو؟قالت لي ساااي بس عايزة اعمل حمام زيت لشعري حاساهو بقى م تمام ارح معاي ،وهي ماشاءالله شعرها طوال وغزير،قولته ليها طيب مشينا الكوفير فجاة شافت اشكال بتاعه حنه قالت لي الله شوفي الشكل دة رهييب كيف،قولته ليها بالجد حلوو شديد،سكتت مساافه قالت لي عايني م تعمليهو يااخ حيطلع حااجه في رجلك،قولته ليها انااا بري حنه شنوو،قالت لي حنه شنو كيف يعني علشان بابا ماف م حتتحنني؟الشغاله في الكوفير قعدت تعاين لينا،لميس قالت ليها م تستغربي دي مرت ابوي اااي هههه الموهم ي زوله لو اتحننتي انا بكسر حنك حمام الزيت دة،قولته ليها لمييييس😨قالت لي ااااااااااااا هسسسسسس يلا أقعدي ليهم خليهم يحننوك معقوله من العرس تاني م اتحننتي ماشه رجولك بيضاء كدة اسي الجكس م بفرزنا زاتو ياخ،قعدت اضحكك😂💔قالت لي م ممكن اكون ماشه ويشاغلونا نحن الاتنين،قولته ليها ي زوله انتي بتطفيني انا جنبك م بتشاف،قالت رحم الله امرئ عرف قدر نفسهه ي شييهه بتحاولي تقللي من قيمتك ليييه 😒👋المهم بعد نقاش طويل قعدتهه اتحننته المرة الشغاله قالت لينا انتو جادين يعني؟عاينت لي لميس وقالت ليها يعني البت دي مرة ابووك بجد؟لميس قعدت تضحكك قالت ليها هههه اااي ،بعد م اتحننته لميس جات قالت للحنانه انا بس عايزاك ترسمي لي حجل رفيييع هنا في ساقي😻قالت ليها طيب،بعد م خلصنا اثناء م نحن راجعين لميس شغاله تقول لي واااااي اقسم بالله رهيييبه الليله الا أصورها وارسلها لبابا،قولته ليها ترسلي شنوو مجنونه انتي ي بت😳👊💔قالت لي اقسم بالله اصورها غصب بس خلينا نصل،وصلنا البيت ولسسه بنتناقش ميدو اول م فتح لينا قال لينا هشششششششش،قولته ليهو مالك ولجين وين لسسه نايمه؟ولميس فجأة جاتها مكالمه من صحبتها وبقت تتكلم وتضحك،ميدو قال ليها اقفلي التلفون دة ابوووي جا،طبعا الساعه كانت 7مساء،قالت ليهو كهكهكهكه صدقتكك😒قال ليها ورررربي جا واسي قاعد فووق وحات اسم الله،قولته ليهو مقالبكك العويرة دي فترنا منها يلا شوف غيرها ننننن😒وطلعته فووق، فتحته باب الغرفه ودخلته قلعته عبايتي وفتحته الدولاب شلته لي منو جلباب اتلفته اتفاجأ ليك بي همام طالع من الحمام طبعا انا في اللحظه دي حيلي برررد وعيوني زغللن بقيت شايفه طشاش طشاش وإتهبلته وقفته في محلي م قدرته أتحرك ولا أفتح خشمي دة بي كلمه،نزل البشكير من راسو وبقى يعاين لي مستغرب في هبالتي دي طبعا😭💔بعد مسااافه قال لي الله يسلمك والله،،،قولته ليهو جيت متين انت ؟قال لي تسلمي ،قولته ليهو حمدلله على السلامه طبعا عايز يحسسني انو انا م سلمته عليهو وكذاا😂💔قولته ليهو بالجد جيت متين ؟قال لي قبل ساعه كدة،قولته ليهو اهاا نحن كنا في الكوفير،فجأة بخلعه قولته ليهو الكوفييير؟يعني لميس كانت عااارفه انو انت جاااي صح؟طبعا بإستغراب قال لي عارفه شنوو م فهمتك؟انا م كلمته زول انو انا جاي قولته أعمل مفاجأة للعيال،قولته ليهو طيب لميس عرفت من وين انو انت جااي؟عاين لي يدي ورجولي قال لي يعني انتي عامله الحنهه دي عشاااااني؟؟؟
#نتلاقى😊
