#فلوكستين19
عاين لي يدي ورجولي قال لي يعني انتي عامله الحنهه دي عشاني؟؟قولته ليهو كيف كيف يعني علشانك ؟ابدا والله ،وبقيت أتمتم في الكلام قولته ليهو وبعدين انت الجابك شنوو؟قال لي هههه كيف يعني جيت لشنو جيت مشتاااق...طبعا لما قال مشتاق دي انا جسمي هبط،قال لي مشتاق لعيالي ليه عندك مانع؟قولته ليهو ابدا ابدا م عندي مانع،طلع من الغرفه وانا بقيت اقول لنفسي ي شهد دة شنو الهبل البتتهابليهو دة😭💔دخلته الحمام استحميت وغيرته وسرحته شعري وطلعته ،
لميس طبعا إتفاجأت بشووفه ابوها وحضنتو زي المجنونه وقالت ليهو:بابا وربي انا م مصدقهه انو انت جيت،قال ليها مش زنييييتي في راسي وقولتي مشتاقه ليك وانو انا م بحبكم علشان م بجي ازوركم والكلام دة؟اها اخدته بعضي وجيتكم،قالت ليهو طيب اووعى تقول لي راجع اليوم ولا بكرة؟قال ليها ههه لالا لو م حضرته عرس عمك صابر م راجع،قالت ليهو عمو صابر عايز يعرس ؟😳متين ولييه م ورانا؟قال ليها بعد تلاته اسااابيع كدة لسسه حيكلمكم ،قالت ليهو والله م كان عندي علم خطب متين وخطب منو😨قال ليها حتعرفي روقي بس😂💔قالت ليهو اروووق كييف اخيييرا وبعد طووول إنتظار حيحصل عرس في البيت😻😻😻😻😻❤نزلته لقيتو شايل لجين ويلعب فيها سااي،قولته ليها لميس تعالي معاي المطبخ ،قالت لي طيب جاايهه،طبعا عاين لي مخلووع شكلو مستغرب انا ولميس بنتعامل مع بعض عاادي وكدة،دخلنا المطبخ قالت لي واااي لكن بابا وربي م مصدقه انو جا😻قولته ليها ههه احساس انو م كنتي عارفه وكدة😒قالت لي مالك وربي م عارفه😥💔قولته ليها لو م عارفه خليتيني أتحنن ليييه؟قالت لي هييي وربي م كنتي عااارفه انو جاي اقسم بالله بس البركه في الحنهه ي زولهه😂😂😂😂😂😂🙊قولته ليها ههه طيب أخلطي العصير دة يلا،بعد م جهزنا العشاء قولته ليها امشي نادي ابوك قولي ليهو العشاء جاهز،قالت لي لجين بتبكي انا ماشه ليها انتي كلميهو،مشيت دقيت ليهو باب الغرفه ودخلته،قال لي ما مجبورة تدقي الباب ع فكره ،قولته ليهو العشاء جاهز😊قال لي لا شكرا م عايز عشاء ،قولته ليهو طيب ،والله زعلته زعل انا واقفه سااعه بجهز في العشاء سااعهه بحالها😭💔نزلته قولته ليها لميس ابوك قال م عايز عشاء (بصوت مبحوح)قالت لي لييه مالو؟قولته ليها م عارفه يمكن م جعان،قالت لي يعني ناكل ؟قولته ليها انا م عايزة اكلي انتي وميدو انا كمان م عايزة ،قالت لي من قبييل كنتي بتقولي جعانه اسي مالك؟قولته ليها نفسي إتقفلت فجأة هههه ،قالت لي طيب ،بعد م إتعشو ولمينا الصفره ونومته لجين رقدتها في غرفتها مشيت غرفتنا لقيتو صاحي ماسك تلفونو،شلته تلفوني وشلته لي غطى وطلعته من الغرفه ،يااااخي كمييييه البرووود الفيهو تقرفك حياتكك،يااخي بجد احساس انو تكون مهتم لأمر زول وتكون عندك مشاعر تجاهو س من طرف واحد احساس مؤلم خلاص حتكون متضطر تتحمل كتير وتبادر في كل شي وم تلقى مقابل او ردة فعل ترضيكك،حتجهد نفسك في حاصل فارغ بس م اكتر ،مشيت نمته مع لجين الصباح صحيت بدري جهزته ليهم شاااي والفطور مع بعض ،لما صحى لقاني طالعه من المطبخ قال لي صباح الخير،قولته ليهو صباح النور الشاي والفطور جاهز،قال لي العيال م صحو؟قولته ليهو لسسه نايمين،قال لي طيب حأنتظرهم يصحو انا طالع،قولته ليهو طيب،بعد م صحو من النوم قعدو يفطرو كنت حردانه الأكل بس لو م أكلته لميس حتلاحظ علشان كدة جيت قعدته،همام قال لي خالد دخلته الشنط من العربيه أمس؟خالد قال ليهو اااي دخلتهم الغرفه الفاضيه ديك،قال ليهو طيب انا كل شنطه كاتب فيها اسم صاحبها ادي اي زول شنطتو تمام؟قال ليهو حاضر ي ابووي،لميس قالت ليهو بابا،،،قال ليها م جبته ليك الأيفون X للأسف،قالت ليهو لييييه ي بابا انا مش كلمتكك😭😭😭😭😭😭😭💔قال ليها الزمن ضايقني م قدرته والله،زعلت زعل حتى أكل م قدرت تاكل ،بعد م خالد وزع عليهم الشنط انا في المطبخ سامعاها بتصرخ وااااااي بابا جاب لي الأيفون جاب لي الأيفووونYes yes yes😻😻😻😻😻😻❤خالد بقول ليها م تصرخي فينا انتي مجنونهه،قالت ليهو والله اصرررخ وألم الخلق كلهم كمان دة ايفووونXي ود الناس فاهم يعني شنو ايفون X😻😻😻قال ليها سمح صرخي لمن أبوي يسمعك وانتي عارفاهو م بحب الجوطه,جات نازله قالت لي شهد شووووفي بابا جاب لي الأيفوون النفسي فيهوو وااي م مصدقهه يااخ افتكرتو جادي لما قال لي م جبتو😻💔قولته ليها هههههههههههههههههههههههه مبرووك عليكك اساسا انا حسيت انو هو بغش عليك عايز يشوف ردة فعلك بس هههه ،قالت لي وربي الشنطه كلها م بهمني الفيها شنو حأكتفي بالأيفووت بس،😻قولته ليها مبروووك عليك تتهني بيهو ي رب،جا خالد قال ليها ي هبلهه،قالت ليهو مغيوووظ صح😂😛قال ليها اتغاظ من شنو وانا جايب لي واحد م تم شهر لسسسهه 😒💔قالت ليهو لالا بس مغيييييوظ 😂😛قال ليها ي زولهه اختيني بديك كدة اسي بالطوة دي في وشكك😂👊💔قولته ليهم خلاص اها فهموني عايزين تتغدو شنوو؟لميس قالت لي م عارفه بسس انا عايزة أعمل فطااير بالخضار والجبنهه واللحمه يعني حأنوعها،قولته ليها طيب في لحمه مفرومه انا حأعمل بطاطس ومحشي وسلطه اسوود،خالد قال لينا وتكونو م قصرتو لو عملتو لينا ورق عنب ياخ الحاج زاتو بحبو😻قولته ليهو طيب أمشي جيب لينا حجات من السوق،قال لي يا الله يااخ اها دي الحاجه البتضيق اخلاقي😒قولته ليهو امشي ياخ مش انت عايز ورق عنب؟قال لي طيب عايزين شنوو؟كتبته ليهو الحجات في ورقه واديتها ليهو،قعدنا طوول اليوم شغالين في المطبخ خالد بعد مشى وجا قال لينا حاسي بيكم تعبانين ومزاجكم م رايق عشان كدة حأغني ليكم إحم إحم،لميس قالت ليهو بااااااااااس عليك الله م تفتح فينا حلقكك دة،قال ليها اااه ي عدوة النجاح كدة ي شهد اسمعي الصوت دة وبدأ يغني غنيه بتقول: ﺍﻋﻤﻞ ﻟﻴﻚ ﺍﻳيييييهﻪ ﻟﻮ ﺗﺮﺟﻌﻠﻲ ﺗﺎااﻧﻲ ﺍﻓﺮﺵ ﻟﻴﻚ ﻭﺭﻭﺩ ﻭﺍﻧﻈﻤﻠﻚ ﺍﻏﺎﻧﻲ،،، ﺍﻋﺰﻑ ﻟﻴﻚ ﻋﻮﺩ ﻭﻳﻐﺮﺩ ﻛﻤﺎﻧﻲ،،، ﻳﺎﺍﺣﻠﻲ ﺍﻟﻮﺟﻮﺩ ﻳﺎﺍﻏﻠﻲ ﺍﻻﻣﺎﻧﻲ ﻣﺎﻛﻨﺘﻪ ﺍﻟﻮﺩﻭﺩ ﺣﻨﻴﻦ ﻭﻭﺍﻓﻲ ﺍﻳﻪ ﺧﻼﻙ ﺻﺪﻭﺩ ﻭﺭﺍﻙ ﺍﻟﺘﺠﺎفي...لغايه م وصل المقطع دة من الغنيه بقيت أغني معاهو :ﺍﻟﺸﻮﻕ ﺍﻟﻜﺘﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﺮ ﻗﻠﺒﻲ ﻣﺒﻬﺪﻟﻮ،،، ﺩﺭﺏ ﺍﻟﺤﺐ ﻃﻮﻭﻭﻭﻭﻭﻭﻳﻞ ﺑﺮﺍﻱ ﻣﺎﺑﺪﺧﻠﻮ ﻳﺎ ﺍﺣﺒﺎﺏ ﺯﻣﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻥ ﺗﻌﺎﻟﻮ ﺍ ﺳﺎﻟﻮﻭﻭﻭﻭﻭﻭ . . .وهو طبعا بدق في الدرج😂💔لميس قالت لي واااي شهد صوتك حلو في الغنى،خالد قال ليها وانا كنت بنهق يعني؟😒👊💔الغنيه علقت مغاي طبعا قعدته ادق في الدرج واغني في المقطع بتاع:أعمل ليك ايييه لو ترجعلي تاني...افرش ليك وروود وانظملك أغاني ،،،خالد قال لي ترارام برم،،،فجأة اسمع ليك لميس بتقول بابا😁اتلفته مخلوعهه لقيت همام واقف،لميس قالت ليهو بابا شايف ولدك بنهق كيف😂خالد قال ليها اسكتي بالله صوتي دة خامه شااذة عاين ي ابوي انا بغني لي سيد خليفهه بحاولو كيف بالله مش مبدع؟لميس قالت ليهو مبدعهه انا والله😂👊💔خالد قال ليها ابوي زاتو انطرب والدليل على كدة انو من قبيل واقف وبسمع في الغنيهه،لميس قالت ليهو ولااااا بابا كان بسمع في صوووت شهد ولا شنوو ي بابا ؟😌طبعا عاينته لي لميس بدهششهه وانا اساسا خجلانه لاني منطربه وبغني بي إحساس عاليةكمان😂💔قال ليها هههه الإتنينزأصواتهم حلوة هههههههههه،قالت ليهو م تجامل الأعلى صوت شهد صحح😻اي ي خالد صوتك م حلوو 😛😛😛طبعا لميس ثقيلهه وبتاعه تشفيلهه😭💔قالت قال ليها هبلهه😒💔قام ماشي خالد قال ليهو:ابوي م انسى في شنطه م لقيت مكتوب عليها اسم ،قال ليهو ايواا دي خليها مع شنط ناس حبوبتكك تمام؟قال ليهو طيب،في اللحظه دي انا قولته اكيد الشنطه جايبها لمرتو اكييد طبعا م حينساها هو يقدر ينساها اساسا😭💔المساء قال لي خالد طلع لي الشنط عشان ماشي ناس حبوبتك انا ،شالهم ومشى ،قولته اكيييد ماشي يودي ليها الشنطه حقتها م هو لو م مشى ليها م حيرتاح ابدا ،خلي يمشي ليها وانا مالي اصلا م مركزة معاهو 😪💔المساء بعد م جا راجع انا كنت نايمه في غرفه لجين ،صحيت على صوت لميس وهي بتصحي فيني ،قولته ليها مالك؟قالت لي بابا جا قال عايز يجهزو ليهو العشاء ،قولته ليها طيب ي لميس م كان تجهزي ليهو،قالت لي م لقيت علبه الملح يااخ انا جهزته السلطه الخضراء،قولته ليها اووف ياااخ طيب ارح مشيت جهزته ليهو العشاء لميس قالت لي شهد عندي سماعهه بلوتث كبييرة لجين جابتها غرفتك؟قولته ليها م عارفه والله يمكن،قالت لي خلاص شوفيها لي عليك الله عشان عايزاها ،قولته ليها ادخلي شيليها ،قالت لي لالا خاته الشاي حق بابا في النار انتي شوفيها لي،قولته ليها طيب ،مترددة طبعا دخلته الغرفه لقيتو بصلي ،قولته أفتش سرعه سرعه قبل م يخلص صلاتو،فتحته الدرج ،واتلفته يمين وشمال م لقيت شي عايزة اطلع كدة قال لي بالمناسبه الشنطه دي حقتكك م لاحظتي اسمكك مكتوب عليها؟عاينته للشنطه وم رديت عليهو،الشنطه كانت كبيييرة كدة م عارفه الفيها شنو بس شكلو ماليها حجات،عدة اسبووع مما هو جا الشنطه م حاولته ولا مجرد محاوله اني أفتحها ولا هاميني الفيها شنو ،وعلاقتي بيهو حدها الأكل والشراب بس لا هو بتكلم معاي لا أنا بتكلم معاهو وهو تعااملو معاي بااارد شديد وانا أعصابي تلاجهه يعني ،في يوم جاتني شموخ واسراء اختي في البيت العصر كدة ،سلمو علي وقعدو اتونسو معاي كداا،شموخ قالت لي امي رسلت ليك البخور والدلكه ديل معاي ،قولته ليها هو العندي م خلصو ههه ،قالت لي ي زوله زيادة الخيير خيرين،فجاة همام جا نازل شكلو كان طالع ليهو محل سلم عليهم وقعد يتونس معاهم،شموخ قالت ليهو نحن نمشي،قال ليها تمشو كيف يعني متين جيتو؟قالت ليهو نمشي والله عشان الزمن بتأخر وكدة،قال ليها طيب خلي اوصلكم ،قالت ليهو لا والله م تتعبةنفسك بنمشي براااانا،قال ليها تمشو براكم كيف لا والله انا بوصلكم انا اساسا طالع بوصلكم معاي،قعدت تعاين لي ،قولته ليها خلي يوصلكم طيب😊بعد م مشو شلته كيس البخور والدلكه دخلتهم الغرفه ،فجاة جات لميس قالت لي الله شامه لي ريحهه حلوة،قولته ليها ااي دي ريحه البخور الجابتو لي امي قالت لي ي سلااام ياخوريختو فظييعه بجد ،قولته ليها ااي ،قالت لي طيب اعملي لينا منو في البيت يااخ،قولته ليها اممم بسس يمكن أبوك يتضاايق من ريحتو وكدة،قالت لي م حيتضايق ي زولهه،قولته ليها طيب مشيت ولعته الفحم وجبته المبخرين شلته فيهم النار ومشيت ختيت فيهم البخور واحد خليتو في الهول والتاني وديتو لي لميس في غرفتها وقعدته اسوي ليها في شعرها و إتونسنا مع بعض كداا فجأة الدخان ملى الغرفه ولجين بقت تبكي ، لميس قالت لي واااي الغرفه إتملت دخان شالت المبخر طلعتو وجات راجعه،قولته ليها وديتيهو وين؟قالت لي دخلتو غرفتك بعد تطلعي طلعيهو معاك،قولته ليها طيب،قعدنا لغايه م خلصته ليها شعرها ونومته وتين قولته لي لميس أمشي ارقدها،قالت لي الساعهه 12ياخ الليله ساهرنا عديييل كدة 😂😂😂😂😂😂💔قولته ليها بالجد والله انا زاتي نعسااانهه دي صحيهه علي من الصبااح،قاالت لي انا زاتي مرهقهه والله م تنسي المبخر في غرفتكم طلعيهو زي زمن دة الدخان حيكون ملى الغرفه وكتم كمان ههههههههههه،قولته ليها يلا تصبحي على خير شلته لجين وديتها غرفتها وغطيتها ،وطلعته مشيت أشيل المبخر دخلته وبقيت اتلفت م عارفه مكان المبخر وين، فجاة اسمع ليك باب الحمام فتح اتلفتهه لقيت همام طالع من الحمام اتفاجاته بيهو طبعا جا متين اساسا م عارفه ولا حسينا بيهو،،،اول م شوفتو كدة على طوول اتجهته على الباب نسيت موضوع المبخر وااي شي بس عايزة أطلع😭💔همام قال لي انتظري انتي الشنطه دي قاعدة اسبووع هنا انا مش قولته ليك حقتك؟م اشتغلته بيهو عايزة أطلع كدة بس حسيت ليك بيهو جاريني من ورا وكتف لي يديني ولصقني مع الباب قال لي مقويهه راسكك وم بتسمعي الكلام مالك انتي انا مش بتكلم معاك؟😡
#نتلاقى😊
