#فلوكستين23
باسني في راسي قال لي يلا ،نزلنا وأول م جينا داخلين الصاله مسكتو من يدو،لما مسكتو من يدو عاين لي قال لي خايفه م تقعي؟قولته ليهو لا مسكتها علشان حابهه اني امسكها ولا م عندي صلاحيه بكدة؟ضحك قال لي عندك كامل الصلاحيه كمان😂💔حسيت منظرو قدام الناس حيكون اوووڤر شويه فكيتها على طوول مسكني وضغط على يدي قال لي م تحاولي تفكيها مرة تانيه ❤طبعا الصاله كلها بقت تعاين لينا ونست موضوع الحفله والعرسان نهاااائي ،اصلا على اساس انو انا عيانه ماف زول متوقعني أجي فجأة خالد صفرر بصوت عااالي عاينته ليهو قال لي ماف كلام والله😻😂💔قولته ليهو همام عاين خالد مشغلهه لينا،قال لي هي الصاله كلها نست موضوع الحفله وركزت معانا عشان كدة م تركزي😂💔قبل م نقعد جات اخت هاشم قالت لي اجيي ي شهد مش عيانه ورجلك مفكوكه الجبك الحفله شنو يختي ولا دي كانت حركه سااي منك لأنو زي م شايفين رجلك نصيحه ولابسه فيها مسمار كمان😊عايزة أتكلم همام قال ليها فعلا هي رجلها كانت واجعاها الصباح بس اسي كويسه وي ستي انا جبتها لأنو م بقدر اخليها بالليل دة براها في البيت فهمتي😊قالت ليهو ايوااا لا كان كدي خلاص،جات ام صاابر طبعا اسمها خديجه زوله ظريفهه وطيبانه كدة عكس الباقي سلمت علينا قالت لي عااد ي بتي ماشاءالله السماحه الماخمج ربنا يحميكم ويغطي عليكم انشاءالله التوب كان عايز يقع صلحتو لي،قولته ليها تسلمي ي خالتو خديجه وصابر كمان ربنا يسعدو ويتهنو ببعض انشاءالله،قالت لي امييين ي بتي الرايقه وم مضايقهن😻❤قعدنا ،جات لميس قعدت معانا ،فجأة اشوف ليك سهام جايه علينا طوالي عملته روحي بتكلم مع همام واثناء م انا بتكلم معاهو كدة المصور ثبتنا في الشاشه وخالد دة يشيل ويصفر😂💔والله الناس دي كلها وشوشها اتلونت بقو يقولو دي مرت همام الجديدة😳؟جات سهام طبعا لابسه ليك فستااان ضيييييق وفاكه شعرها وهي طبعا ماشاءالله عليها صحتها كويس والفستان مظهر كل ديفوهاتها يعني مباالغه بجد كتيرة ومتدفقهه، بقت تعاين لي من فوق لتحت وشايله لجين طبعا،همام ولا رفع عينو عاين ليها حتى،قالت لي لميس هاك ي لميس أمسكي مني أختك دي فترتني زاتها،لميس قالت ليها متين انا جيت اسي؟قالت ليها ي زوله م خلتني ارتاح والله امسكيها او أديها للدادا دودي حقتها عشان اصلا دة شغلها ،لميس شالت لجين وقعدتها جنبها،سهام جات سلمت على همام واتكلمت معاهو في أضانو همام عاين ليها وشال المنديل مسح بيهو يدو،طبعا لما عمل كدة لمن ملامح وشها إتغيرت،قبل م تمشي جات مودة قالت لي شههههههههد وااااي يااااخ ماف كلام والله😻همام كان بسلم على زول من اهلو و بتكلم معاهو،، ،قولته ليها كيف كيف؟قالت لي لا بالجد قاااااطعهه والعجب الدخلهه ياخ انا زاتي إتكسسرتهه احااااا يااخ😻قولته ليها تسسسلمي عيونكك الحلوة😘❤قالت لي زحو لي اقعد معاكم يااخ اصلا الحفله م ظابطه عايزة أتونس ،قولته ليها تعالي يلا😻قعدت معانا وبقينا نتونس ونعلق في الناس،وهمام دخل يرقص مع العريس وكل م ارفع عيني اعاين ليهو بلقاهو بعاين لي فبقوم اضحكك وبنزل راسي نظراتو كانت ملفته للنظر ياخي حتى مودة قالت لي اشي على النظرات 🙈😂💔طبعا ام همام بقت تعاين لي سااي مستغربه انا جيت كيف طبعا😂♀🙆 سهام مشت قعدت معاها بقو يتكلمو ويعاينو لي وانا ي يمهه روقهه السواد يعني بالكتيير ببشر ،فجأة الفنان رباها ليهم والناس دي بقت هاايجهه وبترقص ،مودة قالت لي عايني عايني سهام في النص عااد لكن م كدة النصيحه خجلته ليها ،سكتته وغيرته الموضوع قولته ليها لكن صاابر مرتو حلااتها بجد،قالت لي وصغييرة كمان والله انا زاتي عاجباني ياخ😘اثناء م الناس بترقص كدة نشووف ليك سماعه وقعت والناس إتلمت تقريبا في شكله،مودة قالت لينا اجي في شنوو؟لميس قالت ليها شكلو في شكله،فجاة نشوف ليك هشام ماسك خالد وبقول ليهو مالك ي ولد؟وخالد متعصب وفاير وبقول ليهو عمي عليك الله فكني ياخ قولته ليك فكني الحيوان دة كان بصوور في امي وبتكلم فارغ عارف يعني شنو بصور في امي م بخليهو والله م بخليهو عمي قولته ليك فكني وخالد كان شايل سكينهه في يدو،لميس بقت تقول خالد وجرت عليهو وانا شايله لجين طبعا وم قادرة أتحرك جسمي هبط من شوووفهه السكين ياااخ بتلمع من بعيد وخالد لسسسه شغال يقول والله أقتلو من يوم الرحله انا سامعو بفلت في لساانو وحزرتو لكن م داير يفهم،الولد قال ليهو انت بدل م تلم امكك جاي تتكلم معي انا م صحي امكك خالهه اذا هي م محترمه نفسها دايرني انا احترمها يعني؟وبعدين الناس دي كلها عارفه امك شنو حتقدر تسكت الخلق ديل كلهم؟خلي امك تحترم نفسها اول بلا يحرقكك انت وامكك ي تييييت 😡خالد بقى يقاالع في الناس عشان يمشي ليهو وخلاص عاييز يطعنو همام دخل في النص و مسك الولد ضربو قال ليهو انت قليل ادب ولا شنوو إحترم نفسك فاهم ولا لأ؟وجراهو من قميصو،حتى بتاعين الأمن اتدخلو ،الناس بقت في همام ياخ وقع ليك في الولد ضرب بصوره خياليه وجراهو طلعو بره الصاله،طبعا انا خلاص اعصابي تلفت الناس بقت م عارفه تمسك خالد ولا همام،،ولميس دي إنفجرت بكى ياخي بقت تبكي بأعلى صوتها بقيت شايله لجين واهدي فيها ،يااخي لمن دخلت في حاله تانيه بس مودة ادتها كف قالت ليها قولته ليك اسكتييي عايزة تجني انتي كمان😡عايزين نطلع هزاع قال لينا م اشوف لي واحدة فيكم بره خليكم في مكانكم دة،مودة قالت ليهو لكن ي هزاع،قال ليها م سامعه انتي قولتع ليك خليكم في محلكم 😡طبعا الحفله اساسا كانت في نهايتها فوقفوها ،،،
