#فلوكستين21
،اها هنا انا ي يدوب بقيت ابكي كويس،في اللحظهه ديك على طوول ضماااني عليهو،والله في اللحظه دي انا ي داب عدلته البكى ياااخ بقيت ابكي بكى اظن اي دمعهه كنت مخزناها طلعتها ،وهو ضاميني عليهو وساكت ،ياااخي بجد حاجه توجع ،يعني انهم يحبو سهام حاجه وانهم يعاملوني كعب وانا م حصل بيني وبينهم نقاش حاجه تانيه خالص حتى لو كانو منحازين لسهام دة م معناها انهم يتعاملو معي كدة علشان يوصلو لي معلومه انهم م عايزني او م خاتين لي مكانهه،يعني زي م حبوبه بتقول الزول حتى لو قلبك اباهو خاف الله فيهو،والله همام ضاميني انا م حاسه بي شي في الوقت دة محتاجه لحاجه أتسند عليها وابكي وخلاص عاادي جدا كان ممكن أحضن الحيطهه وابكي،قال لي شهد انا اسف،عارف كسرة النفس الفيك من المعامله دي والحاصل دة كلوو انا سببتو ليك وانا الخليتك تتختي في مواقف محرجه زي عشان كدة انا اسف بجد حقكك علي،قولته ليهو انا م زعلانهه ولا عايزة اسمع كلمه اسف دي،انا تعبته بجد روحي دي طلعت ،انا من يوم م دخلته في العلاقه دي بحاول ارضي كل الحوالي يعني ااخر إهتمامتي نفسي يعني نفسي انا م ملاك علشان استحمل كل دة وم عارفه انا عملته شنو عشان استاهل كل دة الناس دي بتديني احساس انو انا الفرضته عليك نفسي وانو انا ألخليتك تطلق مرتك وانا السبب في خراب بيتك وانا م عندي دخل في الموضوع دة كلو، 😭💔انت قبل كدة سألتني لييه م بمشي لأهلك صح؟انا م بمشي علشان السبب دة ،مسح لي دموعي قال لي خلاص اوعدك انو كل الحجات دي حتعدي انتي بس رووقي انا حأحل كل النزاعات دي تمام؟وتاني رجع ضماني،،،اصلا انا م كنت متوقعه الحاجه دي تطلع منو🙈🙊قال لي تعالي قعدني في السرير قال لي أرقدي رقدني مشى جاب لي مويه قال لي إشربي ،شربني المويه وطلع المرهم مسك يدي مسحها لي،قال لي إرتاحي ،قال لي قولنا شنوو؟مسح لي دموعي ورقدني وغطاني قال لي ارتاحي وبطلي بكى خلاص ،وفضل قاعد جنبي وخاتي يدو في خدي،طبعا انا بقيت اعاين ليهو بس اصلا م قادرة ارفع عيوني منو يعني تصرفو دة لخبط افكاري كلها😭💔قولته ليهو اسي بسببي حتكون الرحله خربت😭💔قال لي غمضي عيونك وارتاحي وم تفكري في الموضوع انتي م عملتي حاجه غلط ابدا مسك يدي قال لي م ملاحظه انو انتي المتأزيهه💔سكته ،قال لي حأمشي أغير ملابسي وأجي راجع تمام؟قولته ليهو طيب،دخل الحمام فجاة تلفونو ضرب،تاني ضرب وانا مغمضه عين ومفتحه عين،جا طالع من الحمام شال التلفون ولسسه كان بضرب قام فصل المكالمه،تاني ضرب،قام فتح الخط وقال:انا مش قولته ليك تاني م تتصلي علي؟ماف شي أتفاهم معاك فيهو اوكييه؟يلا سلام وقفل الخط ،انا طوالي عملته نفسي نايمه،شويه كدة سامعاه بقول:ي خالد إتحركتو ولا لسسه؟ايوااا طيب تمام تعالو نازلين البيت بجاي طوالي انت واخوانك تمام؟يلا سلام حبيبي❤بعد م خلص مكالمه جا رقد جنبي ،وانا صاحيه لكن مغمضه عيوني حسيتو قرب مني ومشى يدو في شعري تاني مسكها عليهو 😥م عارفه اقول شنو بس الراجل الحنين رزق بجد يعني مهما كان تعاملو معاك زفت بس لما تحتاجيهو بتلقيهو جنبك ومحتويكك دي في حد زاتها نعمهه ❤والله نمتته وم حسيت بنفسي صحيت الصباح لقيتو مافي بس لقيت لجين نايمه جنبي ،بعد م غيرته ملابسي طلعته مشيت للميس في غرفتها م لقيتها نزلته تحت سمعته همام بتكلم وبقول:هي حبوبتكم م بتقدرو تزعلو منها انا عارف انو تصرفها غلط حتى انا زعلني لكن ماف شي تقدرو تعملو ليها،لميس قالت ليهو هي امنا لو حنينه علينا بجد م كان مشت خلتنا ،وم كان مشت وخلت لجين دي م أم ولا اااي شي وي ابوووي يمكن كلامي البقولو ليك دة غريب شويه بس ابدا م ترجعها ولا عايزنك ترجعها لينا في حياتنا نحن ي دووب بنحاول طريقنا الكنا ماشين فيهو بسببو انا م عايزاك ترجعها نهائي وبقت تبكي،خالد زاتو ببكي معاها قال ليهو ي ابوي انا اصحابي بستصغروني عشان هي امي،عشان تصرفاتها تصرفات مراهقهه لسسه،انا اصحابي بشاغلوني بي امي ي ابوي انا مكانتي بين اصحابي والمجتمع البعرفها كلوو صفر عشان هي كبيرة وم محترمهه نفسها حيحترموني كيف ؟ابوي انا خليت الطلعات والمجتمع واصحابي بسببها هي عشان بسمع كلام فارغ كتيير وبحاول أتجاوزو بس م بقدر وانا لو استمريت في علاقاتي مع المجتمع يمكن يووم اقتل لي زوول بسببها انت فاهمني ي ابوي يعني شنو تكون شاب وم يكون عندك اصحاب زي الناس؟فاهم يعني شنو تسمع في المجتمع انو امك مرة م كويسه؟بسس دة الأنا بمر بيهو اسي وريني اعمل شنو؟المرة الفاتت لما قولته ليك سوقنا من البلد دي السبب في كدة كان انو انا عايزك تبعدنا من اااي مكان بخصها او يمكن يجمعنا بيها،ماف حاجه اسمها ماف زول بقدر يعيش بدون ام نحن حنقدر ي ابوي لأنو وجودها في حياتنا تأثيرو سلبي اكتر من انو يكون إيجابي،انا م بقدر اعمل ليها شي عشان هي امي ،،، م بتقدرو تتخيلو انا في اللحظه ديك قلبي وجعني قدر شنو،يعني عيال بتكلمو عن امهم بالصورة دي وخجلانين منها علشان هي امهم،بقيت اقول لنفسي معقوله في كدة؟معقوله في أم بتوصل اولادها لدرجه انو يكرهوها كدة؟ غاايتو الله يساامح ويهدي اااي أم بتخت اولادها في مواقف زي دي،،،على طول رجعته قولته م ازعجهم،،شويه كدة جا داخل الغرفه،عاين لي مساافه قال لي صباح الخير ،قولته ليهو صباح النور،قال لي كيف اصبحتي تمام؟قولته ليهو الحمدلله،قال لي مسحتي المرهم؟هزيت ليهو راسي بمعنى(لا)مشى شال المرهم وقال لي تعالي قعدني في الكنبه ومسحو لي قال لي في وجع؟قولته ليهو بسييط بس،مع انو م كان في ااي وجع😂🙈قال لي طيب اسي حيخف مع المرهم دة،قولته ليهو طيب وانا والله عيني م قادرة ارفعها منو ياااخي 🙈💔قمتهه طالعهه قال ماشه وين؟قولته ليهو المطبخ علشاننن..قاطعني قال لي تعالي ومسكني قعدني في السرير قال لي لا الشاي ولا الفطوور ولا اااي شي في الدنيا دي ااهم من صحتك وسلامتككك فهمتي؟اليوم م عايزين شااي،والفطور حنطلب ااي حاجه من برهه،اما بالنسبه للغداء انا عازمكم حنمشي نتغدى ونتعشى بره انتي خليك مرتاحهه اوكيييه؟قولته ليهو طيب، قعد يعاين لي مسااافهه حسيتو عايز يقول حاجه تاني سكت وقام طلع،لما جا زمن الغداء طلعنا إتغدينا والله يااخ الجو كان حلو حلا والقعدة احلا اخر ونسهه وصوور نسيت الحصل كلوو،طبعا انا وهمام ولجين في عربيه ولميس وخالد وميدو في عربيه ،لفينا كداا بعدها مشينا اتعشينا ،لميس قالت لينا خلونا نلف شويه والله ياخ م عايزين نرجع بدري،قولته ليها لميس وووب انا برداانه خلونا نرجع،خالد قال لي دي طلعه هادئهه ياخ نرجع نعمل شنوو؟شهد استحملي البرد دة حبهه😂قولته ليهو سمح سمح 😂طبعا برجف من البرد ،همام قال لي شهد دقيقه،قولته ليهو اايوة،مشى فتح العربيه بتاعتو ورا جاب ليهو زي نظام شال كبيير كدة وجا راجع لبسني ليهو قال لي كدة أخف شويه صح؟طبعا انا بعاين ليهو زي الهبله قولته ليهو ااايوة😥،اموت انا ياخ🙈❤طبعا بعدها لا جبو سيره اهلهم ولا ااي شي،بعد كم يووووم كدة فيوم بالليل طلعته من غرفتنا انا ولجين ماشه أشرب مويه سامعاه بقول:لا م حاخليهم يمشو العرس مشاكل سااي والله ،وبعدين عيالي جاتهم حاله نفسيه من المشاكل ي هشام انت عارف يعني انا بحاول انو اخفف عنهم شويهه بس اي انشاءالله ي زول يلا في امان الله،الصباح طوالي إتصلته على هديل قولته ليها عايني عايزاك تمشي معي بيتنا تمام؟قالت لي اسي؟قولته ليها بعد الفطور،قالت لي طيب بمشي م وراي شي،قولته ليها طيب،مشيت لي همام استأزنتو،قال لي ماشه لي أهلك م تكلميني امشي على طوول ،طلعنا مشينا،قالت لي في شنو ي بت مالك؟قولته ليها عرس صاابر يوم الجمعه،قالت لي وماشهه😱😳قولته ليها الحفله بسس،قالت لي الليله شنوو؟قولته ليها التلات،قالت لي طيب سايقاني لشنو؟قولته ليها عايزاك تظبطي لي شعري وتعملي لي بالكبدي،قالت لي يعني عايزة تقصي شعركك😳قولته ليها يب،هبشت لي جبهتي قالت لي حرارتك طبيعيه،قولته ليها بطلي ثقاله ياخ😒قالت لي طيب طيب😂😂😂😂💔مشينا بيتنا قصت لي شعري طبعا لما بتقص لي فيهو امها ضغطها ارتفع بقت تقول لي خسارة زيت الكركار والودك التعبته وعملتهم ليك طوول عمري اصلكم بنات الزمن ديل قليلات ادب ابواحدة من تمسك بيتها خلاص تبدا تقل ادبها،هديل قالت ليها خالتو والله لو تتكلمي للصباح البت دي م سامعاك😂💔اسراء قالت لي م وريتك عمو همام جاب لي شنوو؟مشت جابت لي كيس بتاع حجات فيهو ملابس وعطر وايباد صغير،قولته ليها همام جاكم متين؟جات شموخ قالت لي م شايفه التلفون الجديددة ولا شنو؟😻قولته ليها همام جاب ليكم هدايا؟قالت لي والله عزانا عزة جاب لينا تلفونات وعطور،ابوي جاب ليهو عباايه وجلابيه خليجيه وعطر وجزمه ،طبعا استغربتهه قولته ليها جاب ليكم شنطه؟قالت لي اااي ،قولته ليها م فيها كتابه؟قالت لي شنطه جديدة بي ورقتها ي بت😻قولته معناها دي الشنطه الكان قاصدها خالد يعني جابها لي اهلي😥💔جات مرت جيرانا خالتها لسلمى رسمت لي ،قالت لي والله عشان طلبتيها طلب لو م كدة ولا بتعب أي شكل خطر في بالي برسمو وخلةص،لكن بعد تخلصي اديها بووخهه حبه،قولته ليها لا ياخ م عايزة اتدخن،قالت لي ي بتي الدخان بنور ليك الحنه وبعدين انتي مرة متزوجه كدة ماشه برجولك بيضاء كدة ولا أثر حنه زاتو مافي ،قولته ليهو هو زاتو مافي اتحنن لشنو،قالت لي غايتو ي نسوان المغتربيت بري منكن😒😪 ي سوسن ولعي الحفرة لمن حنه البت دي تجف،امي جات قالت ليها اسأليها البت دي انا بوصيها على جيهه نفسها ولا لا؟خصوصا انها معرسه راجل مره يعني جيهتها واهتمامها بنفسها سلاحهة لكن م بتسمع الكلام،قولته ليها امي خلاص تاني بسمع الكلام🙈♀🙇هديل قعدت تضحكك قالت لي عاد كيف م بتسمعي الكلام 😂♀🙆🙊المساء رجعته البيت ي يمه مدخنه وحننه وقاصهه شعري وعامله جزو منو بالكركداوي طبعا عجبني عجب🙈لميس قالت لي حبوبه سوسن م قصرت معاك😂😂😂💔قولته ليها م قصرت سااي وفتحته ليها شعري قعدت تصرخ قالت لي واااي شهد قصيتيهو متين ووين ليه م كلمتيني؟😭💔قولته ليها حلو ولا شين؟قالت لي حلوو بس ااااخر حلاااااوة كمان وبعلي القص عليك فظييييع بججججد بجچجد تحفهه انا عايزة أقص😭😭😭💔قولته ليها لو ن قلبك قوي م تحاولي😂💔قالت لي بالمناسبه بابا عايزك فووق،قولته ليها لييه؟قالت لي م عارفه والله،لبسته تووبي وطلعته،قال لي اتصلته عليك بس تلفونك مقفول،قولته ليهو صح نسيت م شحنتو،قال لي اهاا طيب كنت حابب اتطمن عليك بس،قولته ليهو انا تمام،قال لي بالمناسبه يوم الجمعه عرس صابر انا شخصيا م حابب فكرة انو انتو تمشو لأنو يمكن م ترتاحو هناك بس هزاع اتصل علي اليوم وقال حيجي يسوقكم بكره م عارف بس انت رايك شنوو؟قولته ليهو اممم والله م عارفه بس م حلوة م تخلي الأولاد يمشو يحضرو العرس اسي الناس حتألف من عندها عشان كدة خليهم يمشو،قال لي وانتي حتقعدي معي يعني؟طبعا اتلخبطته اجاوب بشنو قولته ليهو لا حأمشي معاهم طبعا،قال لي انا خايف يزعلوك بكلمه كدة ولا كدة،قولته ليهو لا عاادي،قال لي طيب جهزو نفسكم بكره تمام؟قولته ليهو طيب حاضر،قمته ماشه جراني من يدي قال لي بالمناسبه م حأزكرك تاني انو الشنطه دي حقتكك،ياااخ انا قلبي طاااار عديل مع مسكهه اليد دي🙈💔قولته ليهو طيب حاضر بكره بفتحها ،قال لي متأكدة؟قولته ليهو اايوة❤قال لي يعني ماف زعل؟قعدته اعاين ليهو ،قال لي ماف صح؟قولته ليهو لمن بكره افتحها وطلعته انا شويه كدة كان حيجيني شلل نصفي ههههه،اليوم التاني بعد الفطور فتحته الشنطه ي يمه اول شي جايب لي فيها عطور وطقمين ماركه لوكست فيهم شنطه وجزمه وطرحهه،واحد باللون التيفاني والتاني باللون الأسود،ومعاهم طقم Pumaوفستانين وشبط وتلاته اقمصهه وكم بجامه كدة بتاعه بيت حلوات حلا واخيرا جايب لي تلفون 😻ياخ انا لمن عيوني زغللو الشنطه براها مرتبهه من حياتي يعني راجل زوووق لدرجهه 😻رسلته ليهو رساله قولته ليهو الحجات عجبتني شكرا بجد ❤الوقت داك نحن كنا طالعين عشان هزاع جاي علينا في الشارع وهو كان ماف،بعد شويه هزاع جا ساقنا مشينا طبعا حدي الغرفهه بس حتى حفله الحنه م نزلته حضرتها،يوم بكره العرس همام جا بالعصر كدة لقاني بنقل مويه من الخزان،شال مني الجردل قال لي بتعملي في شنو انتي؟قولته ليهو الماسورة قاطعه والناس بتنضف وانا بساعدهم في نقل المويه ،قال لي لا م تنقلي وبعدين شعرك دة قصيتيهو متين انتي؟قولته ليهو م حلو؟فجأة ماما فايزة نادتني قاالت لي منتظرنكك للمويه نحن ي بت خلي ونستكك مع همام دة ،طبعا بتتكلم بأعلى صوتها الناس كلها انتبهت شلته الجردل وديتو ليهم وهمام طلع ،جات مره قالت لي عليك الله عندي ولدي م لاقياهو كدة شوفي لي في الشارع في،قولته ليها طيب حاضر،طلعته الشارع اتلفته يمين وشمال بس فجأة اشوووف ليك همام في العربيه مع سهام قاعدين مع بعض😭💔وقفته عاينته ليهم مساافه بعدها رجعته دخلته الغرفه وانا دموعي دي نزلت عشرة عشرة،الكلام دة كان الساعهه5 كدة،كانت عندي مكوة قعدته اكوي زعله بس لاني بكره حاجه اسمها مكوة😡شويه كدة جات لميس قالت لي شهد بابا قال ليك اكوي ليهو الجلابيهه دي عشان طالع بيها بعد شويه كدة،قولته ليها ي الله بعد.م خلصته طيب جيبيها ،بعد م طلعت قعدته اقول :يجيب لي انا في الجلاليب ويمشي يتونس مع سهام حقتو ديك طيب م يديها تكوي ليهو يكويهو البلا😒😪💔كويتها ليهو وخليتها على جنب،حوالي الساعهه 7ونص كدة جا دق لي باب الغرفه فتحته ليهو وانا صاره ليهو وشي،قال لي عايز استحمه واغير ملابسي،م رديت ليهو دخل استحمه طلعته من الغرفه،جيت راجعه لقيتو بلبس في الجلابيه وجادع البشكير في السرير رفعتو من السرير دخلتو الحمام وانا مغيووظه وم عايزة اشوف وشو ،طلعته من الحمام لقيتو واقف لي جنب باب الحمام عاينته ليهو بإستغراب طبعا وبقول في نفسي ي ربي دة مالو؟جراني عليهو وقال لي م قدرته أژرر الزراير ممكن تظبطيهم لي انتي؟طبعا خاتي يديهو حوالي وهو طويل ماشاءالله وانا قصيرهه هه ،م اتكلمته معاهو زررته ليهو الزراير عايزة اتفك منو قال لي بالمناسبه قصصه انا م بحبها بس حبيتها فيكك انتي يعني لو في حد غيرك م اظن تعجبني او اشوفها حلوة ،برضو فضلته ساكته وم رديت ،قال لي حتى غيرتكك كمان حلوة،رفعته ليهو راسي قولته ليهو غيرة؟واغيير من شنوو ومن منوو وعلى منوو كمان؟😨قام باسني ااي باسني عديل كدة ♀🙆🙈طبعا انا م حسيت على روحي الا انا ماسكه في جلابيتو وضاغطه عليها،♀🙆فجأة اسمع ليك ماما فايزة بتقول لالا م ينومو في بيت الجيران خلي يجهزو ليهم الغرفه دي بس اها انا مع الكلام دة اتفكيت منو وجري دخلته الحمام وبقيت احاول اتنفس علشان استوعب البحصل دة شنوو،يعني اتوترتهه بصوره كدة م طبيعيهه 😭💔وتاني م طلعته الا بعد م إتأكدته انو طلع،طلعته من الحمام ماما فايزة قالت لي لمي الغرفه دي وفرشيها كويس عشان عندنا ضيوف حندخلكم فيها،فجاة همام تاني جا راجع وقال:عندي مفتاح نسيتو هنا،وانا م عارفهه اودي وشي منو وين😭😭😭💔امو قالت ليهو انت قاعد في الغرفه دي؟قال ليها لا بس عندي مفتاح هنا،قالت لي فتشي ليهو المفتاح عشان الضيوف ديل بجو اسي وانتي شوفي ليك ااي حته نومي فيها لكن م تمشي الجيران،قولته ليها طيب،لميت الحجات ومشيت غرفه ناس لميس كلها كان فيها سريرين واحد للميس ولجين والتاني لي ميدو،لميس قالت لي طردوك؟قولته ليها لا بس،عايزة اكمل تلفوني ضرب لقيتو همام،انا لما شوفته الاسم لمن جاتني رعشه😥💔رديت قولته ليهو الوو بصوت واطي كدة،قال لي قبل شويه سمعتك قولتي جعانه اطلعي نمشي نتعشى انا واقف ليك بره ،قولته ليهو لا م بقدر ،قال لي حتنومي بالجوع يعني؟قولته ليهو واقول لي ماما فايزة ماشه وين بالليل دة ؟قال لي قولي ليها نسيت حجات في البيت ماشه اجيبهم بس،قولته ليهو لا خليت الأكل،قال لي اوكيييه تصبحي على خير ،قولته ليهو وانت من اهلو،بعد م قفل م عارفه بس حسيت اني عايزة امشي معاه😥اي نعم انا مغيوظهه وزعلانه من بس عايزة امشي معاه وخلاص،عندي توب مكوي شلتو وعملته لي روج ولبسته وطلعته ،وانا طالعه لقيت ماما فايزة في وشو ياااخ دي وقعهه شنو دي،قالت لي ماشه وين؟قولته ليها عندي حجات نسيتهم في البيت،قبل م اكمل كلامي قالت لي حجات شنو والعشاء دة البوزعو منو للناس؟خلي بكره كلمي خالد يجيبهم ليك،قولته ليها لا دي حجات مهمه خالد م بعرف همام حيوصلني وبجيبني راجعه وطلعته جري ولا اتفاهمته معاها تاني،لقيت همام لمن مدور العربيه وطلع رفعته ليهو يدي وجريت مشيت عليهو،انا م عارفه نفسي ماشه ليهو لشنوو بالظبط بس كنت تابعهه قلبي وخلاص،فتح لي الباب قال لي عايزة حاجه؟قولته ليهو خليت العشاء؟قال لي طيب اركبي ارح ههه،بعد م طلعته قولته ليهو كزبته على ماما فايزة،ضحك قال لي قولتي ليها شنوو؟قولته ليهو الكلام القولتو لي انت ♀🙆قعد يضحكك😂💔ياخي عندو ضحكهه حسبي الله بس🙈♀🙆مشينا إتعشينا بيتزا في مطعم رااقي كدة م عرفته اسمو😂والله كنت جعانه ياخ بس م قدرته أكل خجلهه بس ،لما شافني م أكلته ونحن طالعين طلب دليفري ،اثناء م نحن راجعين قولته ي ربي انا حأنوم وين؟قال لي قولتي حاجه؟قولته ليهو لا،قال لي لا بجد؟قولته ليهو ماف مكان انوم فيهو الغرف كلها ملانه،قال لي لا ياخ،قولته ليهو والله لكن وصلني بتتسهل انشاءالله،سكتت مسااافه قال لي طيب ارح معاي البيت نومي والصباح اوصلك طالما ماف مكان تنومي فيهو في البيت وبعدين الحو بارد يعني لا غرفه ولا سرير وفي جو العرس دة غطى م حتلقيهو،قولته ليهو لا حألقى ههه،قال لي طيب اوكيييه 8ههه ،بعد مساافه حسبتها في راسي قولته ليهو طيب،قال لي طيب شنوو هه؟قولته ليهو خلينا نمشي البيت،قال لي بيتنا يعني؟قولته ليهو ااايوة مجبورة ماف طريقهه❤قال لي زينة العقل ههه وعلى طوول لفهه،بعد نص ساعه كدة وصلنا البيت كان مضلم وانا خووفي كلو من الضلام مسكته فيهو لغايه م ولع الأنوار بعدها طلعنا الغرفه فووق،طلعته توبي طبقتو وهو دخل غير ملابسو،انا نسيت زاتي فكرة انو انا المفروض امشي انوم في غرفتي انا ولجين تابعاهو زي الغنمايه😪💔شلته التوب عايزة أطلع كدة مسكني وجراني عليهو قال لي ماشه وين؟قولته ليهو ماشه غرفتنا،قال لي بس دي غرفتنا صح ولا م صح ....
#مليحيظهه
ي مزز انا يوم السبت عندي امتحان وبكرة م حأقدر اكتب لأني عايزة اراجع وكدة يعني بكرة م حأقدر أكتب بالجد والله ولا حرف علشان م تقولو شهد كزابه ومشحتفهه روحنا وخلتنا ننتظر سااي 😅تصبحو علي خيييير وجمعهه مباركهه عليكم انشاءالله😻✋❤
#نتلاقى
