اعترفلك _اني _أحبك

البارت 1

#اعترفلك_اني_احبك
#البارت1
،
،
منذ أحببتك
صار العالم اجمل مما كان !
الورد ينام على كتفي !
والشمس تدور على كفي !
والليل جداول من الالحان !
__________________________________________________________
مرحبا اني ندى يامر عمري 22 سنه طالبه قانون مرحله ثالثه من محافظه الديوانية  وعائلتي تتكون من ابويه جان مدرس متقاعد وأمي موظفه اخويه زيد اكبر مني خريج إدارة اعمال بس مااكو تعيينات عنده محل ملابس رجالي هو وصديقه احمد واجي اني وره وبعدين اختي منى طالبه سادس إعدادي وليان طالبه اول متوسط
اوصفلكم شكلي اني محجبة وبيضه لدرجة معينة شعري اسود وعيوني كبار ولونهن بني وعندي رموش طوال وطولي 166 ووزني 60 اهلي يكولون حلوه واي واحد يشوفني هم هيج يكول
حياته حلوه وبسيطه لان ماما وبابا متفاهمين وحالتنه الماديه الحمد لله امي معتمده عليه اني واختي منى بكلشي بالبيت يعني تنظيف بيت و طبخ وغسل ملابس كله علينه واخويه زيد هو الي يسوك صديقة عمري واختي جمانه بيته بصف بيتهم وهي اخت احمد صديق اخويه زيد اني اعرف انو جمانه تحب زيد بس زيد مو يمها ولا يشوفها اعتقد اكو وحده بحياته اني مثل اهواي بنات شريفات ما عدهن علاقات او ميصدكن بسهوله وما أومن بالحب عندي صديقات عدهن كبلات بس اني الي حياتي وهنه الهن حياتهن ومستحيل اتأثر بيهن احنه عائلته اقصد عائلة بابا متماسكين الحمد الله فكل خميس يكول عشانه عد بيبتي ام ابويه على روح المرحوم جدو عندي عمام اثنين وعمات اربعه عدنه يوم الخميس كولش مميز وحلو ونتونس كلش واخر خميس  عمي عامر اشتره لابنه سياره جارجر لان هو دكتور وهذا ابنه الوحيد وعمي عمر وبابا ما قبلوا على عمي عامر لان ابنه صغير عمره 19
عمي عمر : عامر يخويه انت متجوز ابنك عمره 19 ومشتريله سياره خلي يكبر شويه وشتريد تسويله سوي
ابويه : اي والله كلامك صحيح ميصير يعني اي شي يريده يجي ع الحاضر شويه خلي يصير رجال
عمي عامر : هاي شبيكم عليه هوه اني شعندي غير هذا الولد خلي يتونس خليني ادللة ولاحك ع التعب وع المرجلة
عمي عمر : والله ما ادري شحجي وياك
ابويه : هههه عوفه هم حقه ابنه الوحيد
وبذاك اليوم بذات كلش تونسه وضحنكه 😊😊
وراها اجه الجمعة والسبت روتين كالعادة يوم عادي شغل البيت ودراسة وسوالف وي خواتي وجمانه
يوم الاحد الصبح كعدت غسلت وجهي وتريكت وبدلت ومتانيه الخط المتكون من السايق رجال جبير واحمد صديق اخويه زيد واخته جمانه صديقتي ومرته نور دكت عليه جمانه علمود اطلع
ندى : الو ها حب
جمانه : يله حبي طلعي احنا بالباب
ندى : اوك كلبي طلعت
طلعت للخط وصعدت
ندى : السلام عليكم
الكل : عليكم السلام
جمانه : ها ندوش هاي الملزمه الي اخذتها منج البارحه
ندى : بسم الله الرحمن الرحيم بعدني ما صاعده 😒😒
جمانه : اي علمود متكولين مترد الامانه 😂😂
ندى : اوي فديت الامينه اني 😂
وصلنا للجامعة احمد ونور راحو للكلية مالتهم واني وجمانه هم رحنا لكلية القانون دخلنا او محاضرة وطلعنا دايخات 😂
جمانه : اويلي هذا شكد يلغي يعني ساعتين حلكه ما سكت 😂😂
ندى : يمه لحكوني بحبوب وجع راس متت 😂
جمانه : امشي خلي نروح ناخذ شي نشربه ونطلع للبارك لان اني هم راسي راح ينفجر
ندى : اوكي امشي
اخذنا عصير وكعدنا بمكان نشرب ونسولف وفجأءة وبدون مقدمات مر شاب وسيم ويجنن طبعا اول مره اباوع لشاب هيج وهوه هم ضل يباوعلي بعدين مشينا من المكان الكعدنا بي وخلصن المحاضرات  ورجعنا للبيت كألعادة بالخط
مر 3 ايام واني بعد الولد مشفته مو ضليت افكر بي بس لان هوه حلو واول مره اباوع لشاب هيج اجه ببالي الى ان رابع يوم كعدت من النوم وغسلت وتريكت وبدلت واجه الخط طلعت
ندى : صباح الخير
الكل : صباح النور
سولفنه بالطريق كالعاده اني وجمانه ونور البنيه حبابه بس اني ونور يعني كولش قوية صداقتنه
وصلنا للجامعة دنروح اني وجمانه لكليتنا وجان احمد يكول لا ترحون عندي موضوع وي ندى وانتي جمانه ضلي يم نور طبعا هوه مراد يحجي كدام نور وجمانه علمود ليحرجني رحنا على صفحة وبده يحجي
احمد : ندى انتي مثل اختي واني ردت احجي وياج بموضوع
ندى : اي تفضل احمد كول
احمد : اكو شاب صديقي شايفج وعجبتي  وبس يريد يحجي وياج مره يتعرف عليج  علمود يتقدملج
ندى : اوكي ما عندي مشكلة
احمد : اوك لعد اليوم بالكافيريا يحجي وياج
ندى : اوكي اشوفه هناك
احمد : يله لعد اني اروح طولت على نور
ندى : روح الله وياك
كملت اول محاضرة ورحت اشوف الولد بالكافتيريا
وجانت الصدمة الولد هوه نفسه الي شفته قبل كم يوم وصدك رحت يمه وسلمت وحجالي عن حياته وحجيتله عن حياتي  وطلب رقم امي وانطيته اله ورجعت لمحاضراتي وكملت ورجعت للبيت وانتظرت مامه تجي من الدوام علمود اكللها ع الموضوع وفرحت من عرفت بحيدر وعائلته ووره يومين اتصلت مريه على  امي وصار الموعد يوم الاحد يجون النسوان يخطبون وجهزنه كلشي وفعﻻ اجه الاحد وحضرت نفسي ولبست فستان زيتوني كلش حلوو اشتريته من زمان وما صارت مناسبه البسه
ندى: لج منى اني متوترة كلش شلون طالعه عليج الله
منى : والله طالعه تخبلين شبيج اهدي هسه اليشوفج يكول تحبي صار 5 سنين واجه اليوم المنتظر😂😂
ندى : لج انجبي مناقصتج اني لو تحجين حجي بي خير لو طلعي 😒😒
منى : لا تتنرفزين حبي مو زين عليج 😂
ندى : 😡😡😡 جنت راح ارتكب بيها جريمة بس دخلت امي وقاطعتنه
امي : يله ماما جاهزه تره النسوان هسه اتصلن وكالن احنه براس الفرع ووصفتلهن بيتنه يعني وصلن يله
ندى : اي ماما جاهزه بس متوتره حيل
امي : لا ماما ان شاء الله خير
ندى : الله يكتب الي بي الخير
ندى : منى شسويتي حلويات
منى : اووو خير من الله مما لذ وطاب 😂
ندى : عفيه عليج حبي اجازيج بعرسج ان شاء الله
منى : خلي اطلع من السادس بالاول 😂
ندى : اي ان شاء الله تطلعين وبمعدل عالي هم
امي : يله حبابات مو وكتجن بعدين هاي السوالف تعالن نزلن
نزلنا وانتظرنا النسوان وصدك اجن واستقبلنا النسوان احسن استقبال وضيفناهن الحلو وطلعت الصدفة وحده من خالاته صديقة امي فصارت الخطوبه سهلة وتحدد يوم الجمعة المشية
ومثل كل خميس رحنا لبيت جدو واجتمعوا يحجون ع المشية
ومن صارت الساعة 12 بالليل طلع ايمن ابن عمي عامر الوحيد بسيارته الجديده ومحد جان يدري بي
جان متفق وي جماعته  يروحون لساحة يفحطون سيارات ويسوون مسابقات
واجت جماعة ثانية للساحة واتفقوا يسوون سباق بين المجموعتين والي يخسر يعوف الساحة ويروح
وصار السباق بين أيمن وطبعا هو سايق مبتدأ وبين طه من المجموعه الثانيه وجان هذا محترف
اخذوا بالنص ساعة يتسابقون بس جان طه هوه الي مسيطر وفجأءة سيارة طه صار بيها عطل
اجه ايمن بالسياره وحاول طه يشر اله ويحاجي يكله السياره عطلت وايمن صدكه ونزل يريد يساعد طه بس لمن نزل ايمن طه ضل يضحك لان طلع يجذب عليه واصدقاء طه واصدقاء ايمن ضلو يضحكون لان ايمن صار بموقف غبي جدا وطبعا ايمن ما تحمل لمن شافهم يضحكون عليه جان اكو حديده بالكاع شالها ايمن وضرب طه على راسه .....
يتبع....
،
،
حبايب كلبي شنووو تتوقعون مصير أيمن
وهل اصدقائه يوكفون وياه لو يتخلون عنه 😕😕
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸