اعترفلك _اني _أحبك

البارت العاشر

ندى
تقريباً الساعة ب11 طبت لصاله ابنيه كلش حلوووه وانيقه ويها بنوتات اثنين يجنن سلمت على كل الموجودين وصلت اليه باوعت ل امها كالتلها هاي ندى حلوووه تخبل وبوستني وضلت اسولف ويايه صار وقت الغده واليوم اول مره راح اكعد وياهم على السفره اباوع ساره كعدت يم سامر و زهراء يم يوسف واني كعدت يم سجى وضحى و رؤى كعدت يم ياسر بس اني صرت مقابيله اريد الكمه تفوت بحلكي مااكدر كلبي يدك وارجف رفعت راسي صارت عيني بعينه متت ماادري شلون كملت الاكل وغسلنه المواعين وكبل لغرفه وضليت سارحه بعينه ساعه اكول زوجي م من حقي احبه وساعه اكول لا هو ميستاهل معقد صار العصر غسلت ورحت لصاله ما لكيت احد ردت اروح لمطبخ الكلبيه الي لبستها عريضه مااعرف بيمن جلبت ردت اوكع بس واحد كمشني خفت اشيل اعيوني نفس العطر الي شتميته اول مره روحي ذاب بالزايد خاف جنت عايزه اني
ياسرر .الله الله شبيج
ندى .بس صافنه ما اكدر افتح حلكي
وكفني على طولي ومشه واخذ كلبي ويه
مرتضى انكول بسم الله
ياسر وانته شجابك لاهنا لا وجماله واكف باب المطبخ اكو نسوان بالبيت ترى
مرتضى صار ساعه اصيح بس انته واين جان بالك ماادري
ياسر بالي جان اهنا (اشر على راسي )
مرتضى والله الشوفه الي شفتها تكول بالك صار اهنا (اشرت على كلبه )
ياسر ليش اني هم بقه عندي كلب يله نمشي تاخرنه على الجماعه
ندى
طلعت لحديقه جانوا ياكلون كيك وجاي رؤى حبي ندى اسمحيلي اني وبنات انام يمج
ام سامر ليش يمه اني غرفتي اكبر ناموا يمي
ندى لا يمه عادي خلي تناوم يمي بالعكس اكيف 
كملنا عشه وكعدنه بالصاله اشويه صارت الساعه ب11 بنات رؤى نامت على جربايتي واني و رؤى كاعدين بالكاع ودخلن البنات سجى وضحى جايبات كرزات وحلويات وعصائر
رؤى ندى انتي تحبي ل ياسر
ندى جنت اشرب عصير وغصيت
سجى اي مشوفيها شلون غصت
ندى وشنو الي راح يفرق اذا احبه
ضحى يفرق عيني
رؤى شوفي حبي راح اكلج شي بس توعديني انو بعد ما اكوله تنسي ولا جيبين طاري ابد
سجى وضحى .رؤى بس
رؤى لا بس ولا شي هي هسه زوجته ولازم تعرف
شوفي حبي ياسر جان طالب متفوق بالكليه ماته وهو الوحيد الي يسمع كلام ابويه وينفذ كل الي يريده من جان ياسر طالب ابويه كله تزوج بت عمك صلاح هدى ياسر وافق لان كلش يحب ابويه ازوج هدى واشوفته الويل لعبت بحاله لعب سنتين عايش ويها بالضيم وصخه ومختلطت ويانه ابد وتبجي 24 ساعه وحتى اذا اكلج المرات الي نايم وياهه ينعدن على الاصابع اجوز مصدكين قبل ستنين جنه اريد اروح ل بستان الي على الشط جمعنه حاجتنه ورحنه صاحت امي هدى تعاي اروح
هدى لا عمه اني عندي شغل اشويه والحكم
ام سامر يمه منو يجيبج
هدى اخابر ساره توديلي حسوني
اخوتي جانوا بالناصريه وعساس بالليل يجون البيت مثل مشوفين جبير جاين اخوتي العصر وره ما رحنه ل بستان صاعد ياسر لغرفته وكايم يصيح صعد وراه يوسف ويشوف هدى هي واحد على جربايه  طلعت طول الاربع سنوات تخون اخويه ويه حبيبها الي عمي ما خلها تزوجه لان فقير وياسر غني وجانت تقابل حبيبها بالديوانيه من تروح ل اهلها وجانت هاي اول مره يجي لبصره ويدخل بيتنه
طبعاً ياسر عصب سحلهم اثنينهم وشمرهم بالطارمه وهي تتوسل بياسر ينطيها شي تستر نفسها مااكو ميقبل احنه خابرنه سيف عفنه الجهال يم ام احمد واجينه نركض شفنها بوضع يخزي وخابر ياسر اخونها حيدر وكرار الولد الي لكوه وياها شبعوه كتل وشمره برى اما هدى ياسر عذبها حد ما هي كامت تتوسل تريد تموت اول طلقه برجها اليسرى بعدين اليمنى واخوتها كذالك الحد ما ماتت واخذوها اخوتها بس عمي صلاح ما جان قابل على قتل بنته وحقد من يومها على ياسررر
ندى يا الله كل هذا الشي صاير بي الله يساعده
سجى هو ما يوم حبها لان ابويه فرضها عليه
ضحى من بعدها كره كل النسوان
رؤى فا انتي اذا تحبي خلي يحبح
ندى وشلون بالله واني بديره وهو بديره
سجى سهله خلي يشوف جمالج مو ملفلفه كدامه
رؤى شوفي ندى احنا راح نساعدج هم علمود سعادة اخونه وهم علمود انتي حبابه وخوش ابنيه
ندى بس هو مو وحده بالبيت حتى ما البس حجاب موجودين اخوتج
ضحى اي ندري سامر رايح يسافر لسويد بعد فتره و يوسف هم راح يسافر الامارات
سجى وسيف شفتي انتي يطلع الصبح يرجع بالليل
رؤى وامي والبنات راح يروحون وياينه لإيران
سجى وضحى صدك تحجين
رؤى اي والله شبيجن
يعني راح يصفالج الجوو
ندى لا عيني ما اسوي شي اذا انتن مااكو
سجى وضحى و رؤى !