اعترفلك _اني _أحبك

البارت السادس

،
،
ضلينا اني وخواتي ننتظر خبر عن بابا وجنت اتصل ب زيد بس مجان يرد عليه خليت على راسي عبايه ورحت لبيت جيرانه ابو احمد اشوف احمد يتصل على زيد دكيت الباب فتحته جمانه :
ندى :لج جمانه لحكي عليه
جمانه : ها وج شبيج ليش هيج شكلج
ندى : لج راح ياخذون منى فصلية وبابا وكع من طوله وهسه بالمستشفى وادك على زيد ميجاوب كلت بلكي يجاوب على احمد
جمانه : يا عزه هاي شصاير يله هيه اصيح احمد

راحت جمانه صاحت احمد اجه وسلم على ندى وكالتله يتصل على زيد :
احمد : الو السلام عليكم ها زيد شصاير وي الوالد
زيد : عليكم السلام ، لا الحمد لله ما بي شي جلطة خفيفة بس انت شمدريك
احمد : والله اجت ندى خطية خايفه على الوالد وانت متجاوب
زيد : ها لعد طمنها واحنه شويه وراجعين
احمد : اي ان شاء الله الحمدالله ع السلامة
زيد : الله يسلمك حمودي
......
احمد : الحمد الله مااكو شي والوالد بخير واشويه ويجون
ندى : الحمد لله اكلك احمد أريد رقم حيدر
احمد : شسوين بي ندى
ندى : اريد اكله مااكدر ازوجه وهو أساسا اني مااعرفه
احمد : وليش هيج اسوين
ندى : حتى ما اخلي اختي تروح فصليه بعدها صغيره وما شافت شي من حياتها
يله مع السلامة
احمد : الله وياج
.......
رجعت لبيت سئلني خواتي على بابا كلتهن الحمد لله بخير كالن الحمد لله ليان شوكت يجون
ندى اشويه بعد كال زيد ل احمد
اجت رساله على الفايبر من جمانه موديه رقم حيدر
صعدت فوك بغرفتنه وتردد اتصل بس اتصلت وجان يرن ومحد يجاوب عفته وردت انزل رجع هو اتصل بيه :
ندى : الووو
حيدر : الووو منووو
ندى : حيدر اني ندى
حيدر : ندى هلوو شلونج اااني ...
قاطعته
ندى : حيدر اني اسفة ما اكدر ارتبط بيك صار عندي ظروف وما اكدر ازوج هسه حتى الدراسة راح اتركها
حيدر : الله يوفقج ان شاء الله اني هم ما اكدر ازوج هسه وجنت ناوي اتصل بالوالد
ندى : مع السلامة وسديته بدون لا اسمع جوابه احسن هيج
........
ونزلت جوه يم خواتي ننتظر اهلي الحد الساعه 12 بالليل اله اجوو وجان بابا تعبان
ومنتجي على زيد ودخله زيد لغرفته وسلمنه  عليه ومنى كالت بابا اني شنوو تريد من عندي بس لا توكع مره ثانيه اهم شي صحتك
ماما كالت يله نطلع بره حتى بابا يرتاح
طلعنه وبس سديت الباب لان اني اخر وحده طلعت من غرفة بابا كالتهم اني اروح فصليه بدل منى كلهم باوعوا عليه
امي :بس انتي مخطوبه
ندى:خابرته وفصخت الخطوبه
زيد : انتي شلون تصرفين من وحدج شنووو ما وراج زلم بعدين شلون تخابري
منى :  انتي صدك راح تروحين بدالي
ندى : ااي حبيبتي صدك انتي وراج سادس شدي حيلج وطلعي معدل حتى ادرسين بره
اني مااعندي شبه خلصت دراستي وجوز يطلع حباب وخوش واحد ويخليني اكمل
زيد: لا والله صدك انتي تخبلتي
مستحيل اقبل وحده منجن تروح مااعرف شنووو من عادات هاي الي تخلي المجرم يطلع ويطب براحته ومره تروح ابداله تنحبس وتنحرم من ابسط حقوقها
امي : ماما زيد كافي ونصي صوتك صحيج اني جنت ما موافقه بس هسه لا ابوك صارت بي جلطه خفيفه وزين ما راح من ادينه خلص ندى تروح فصليه
زيد: يمه وين راح حجيج قبل اشويه
امي : راح يمه راح اهم شي صحت ابوك بعدين ندى جبيره واكعيه وبالكي الله يطلعون الناس زينين يله كوموا ناموا واني باجر اكل لابوكم ندى تروح فصليه حتى سيد ايمن يطلع من السجن ويرتاح
....
صعدنه فوك ونمت وما جنت ضايجه لان هيج سويت اهم شي صحة بابا  كرهت عمامي وايمن على انانيتهم وكعت السالفه براس بابا
نمت كعدت الصبح على صوت خواتي يبدلن يريدن يروحن لمدرسه
كالت منى يله ندى كومي بدلي
كلتلها مراح اداوم و نزلنه جوه لان طيرن النوم من عيني
لكيت بابا كاعد بالصاله صبحت عليه وردت اروح لمطبخ
جان بابا صاحني بنتي انتي متاكده
ضحكت بوجه وكتله اي متاكده وعفته ورحت لمطبخ
.....
في مكان آخر. ..
الشيخ ياسر
بعد ما طلعنه من مضيف طارق سئلني مرتضى تحسن نفسك متروط لو لا
اشلون متورط مرتضى اني نقضت هاي البنيه من طارق ما سمعت شنوو جان ناوي يسوي بيها لا وعمي صالح موافق على الي كاعد يسوي
مرتضى ياسر اني اقصد انته هسه مستعد لزواج بعد الي صار
وخاصه الحجيه الها سنتين تتوسل بيك وانته متوافق
الشيخ ياسر صدك اني لعبانه روحي من كل النسوان بس شسوي صارت بعد
ذكرتني بالحجيه خلي اتصل بيها وكالها تحضر غرفه ل بنيه
مرتضى شنووو
الشيخ ياسرر مثل ما سمعت
اتصلت بالوالده وكالتها حضري الغرفه الي بنهايه الممر فرغوها من الاغراض الي بيها
واتصلت بمجمع مال اثاث اعرفه وكتله اريد غرف بناتيه
ودالي اهواي صور واختاريت وحده وكتله باجر وديها لبيت وشدها
الحجيه من درت راح اجيب فصليه كلبت الدنيا صارت سنتين اتوسل بيك
وانته شنوو ناقصك حتى تزوج فصليه
مية وحده تتمناك ومن هذا الحجي بعدين كالت هي حلووه
ضحكت كالتها والله ما شايفها بس من اجيبها انتي كاليلي حلووه لو
يمه عزه حتى ما شيفها ليش هيج وليدي
يمه اجي وافهمج على كلشي ....
يتبع
🌸🌸🌸🌸🌸🌸🌸🌸🌸🌸🌸🌸🌸🌸🌸🌸