،
،
آحــس كــلش # طــويل
اللــيل # بجــفاك
مثل خــطوات# جاهل
تــوه # يمشي ,,,,
،
ندى ضليت صافنه على الحايط و الباب انفتحت عليه طبت الحجيه وبناتها
ام سامر سوده عليه يمه البارحه كلنه اكيد نامت ومحد زعجج واليوم البنات مسويات حمله للبيت وهم نسن واني ما جنت اهنا جنت ابيت اخويه وهسه سئلتهم عليج ضلن فاكات حلكهن
ندى : اسم الله عليج خاله البارحه اني ما نمت ضليت ارتب غراضي ونمت ويه اذان الفجر وهسه كعدت
ام سامر: كومي يمه ويايه لغرفتي والبنات يجبن الغده ل هناك
رحت ويها لغرفه بس كلش جبيره بيها صاله زغيره وحمام وغرفه نوم وغرفتها مقابل الحديقه ضليت بس ابوع لحديقه جابن البنات الاكل واكلت لان جنت كلش جوعانه وترخص منهم اروح لحمام
الشيخ ياسر
دخلت البنيه لغرفه وامي ستلمتني ليش ازوجت اذا متريد تنسه الي صار اني عصبت وطلعت روحي كلتلها يوم الله يخلج ويطول بعمرج واذا تعزيني لا تفتحين هذا الموضوع ويايه عوفي لزمان وخليت وطلعت رحت ال مرتضى :
مرتضى : والله توقعت انته هيج اسوي بس مو مال تكلها مثل اختي واكفه هاي
الشيخ ياسر :وانته شمدريك بالله
مرتضى: يعني هذا الهامك ولك اجوز الله وداها هديه الك حتى تنسه شبيك انته
الشيخ ياسر: مرتضى انته الوحيد الي تدري بيه شلون حاس هسه و تدري طالعه روحي من الدنيا
مرتضى: ياسر انسه الخاطر محمد لا اول واحد ولا اخر واحد انسه وعيش حياتك ليش توقف حياتك على شي ميسوه
الشيخ ياسر: شي ميسوه ولك مرتضى هسه كمت ابوع بوجه الناس اني هسه
مرتضى : ماادري شكلك الله يهديك على هاي البنيه وترتاح حتى احنه هم نرتاح
صدك اليوم فيصل خابر ويريدك تروح لدبي علمود تخلص شغل
الشيخ ياسر: اني عندي شغل اهنه هسه مااكدر اروح هو يوسف باجر يروح اخلي يكمل الشغل ل هناك
مرتضى: بكيفك بعد
الشيخ ياسر: يله تصبح على خير
مرتضى : وانته من اهل الخير
رجعت لبيت صاحتني امي تريد عشه ما حجيت وصعدت فوك لغرفه ماتي صح جنت جوعاني بس حتى تخاف مني ومترجع تفتح الموضوع ويايه نمت وكعدت من الصبح رحت لناصريه لان جان عندي شغل اهناك وما رجعت اله تالي الليل
ندى
خلصت من الحمام وكعدت يمهم بالصاله وجهال تلعب بالحديقة
حلوووه كعدتهم وسوالفهم بس كلش مشتاقة لاهلي
ترخصت منهم و رحت لغرفتي خابرت امي
ام زيد الوووو حبيبتي ندى شلونج يا عمري
ندى الحمد لله ماما زينه انتو شلونكم بابا شلونه
ام زيد كلنه بخير وبابا باله يمج عقدتي لو بعد
ندى لا ماما عقدت البارحه بالليل
ام زيد ااي وشلونه زوجج زين وياح
ندى اي ماما الحمد لله زين وأهله هم زينين
ام زيد الحمد لله
ندى يله ماما مع السلامه بعدين اخابرج
ام زيد الله وياج بنتي ديري بالج على نفسج صدك ابن عمج ايمن اجوز باجر يطلع من السجن
ندى ااي يطلع ليش لا ويرجع عمي يشتريله احدث سياره وتجي ندى ثانيه تحمل غلطه
حياتي يمهم كلش عاديه وياسر اساسا ما معتبرني ولا يسئل عليه ما اعرف ليش صار شهر ومحد جاب طاري زواجي منه اني هم نسيت اني زوجته وكمت اصيح لامه يمه لأن كلش حبابه وسجى وضحى صارن صديقاتي كمت اشتغل وياهن بالبيت بس مينطني شغل اهواي
وبيوم كعدت الصبح لكيتهم مخبوصين سئلت سجى
ندى هااا ولج شكووو شووو مخبوصين
سجى هاا حبي صباح الخير اليوم تجي اختي رؤى من بغداد راح اصل 10 ايام هي وبناتها ازل وغزل
ندى صباح الخير هااا هلا بيها اساعدكم بشي
سجى لا حبي روحي تريكي
ندى خوش اتريك واشوف شنوو اسوي
طبعاً صار شهرين من اجيت لاهنا اول مره راح اشوف اختهم رؤى
ندى من ياسر اخذني بالسياره ومع انوو ما ركزت بشكله بس من نزل احس واحد وفتح كلبي اله بس اني بعدت هذا الشي من راسي لأن ماادري منووو راح ازوج واجوز اخو ماادري ومن اجه وكلي اتتي زوجتي على الورق ومثل اختي كلش كرهته وكرهت نفسي وضليت كل ما اسمع صوته كلبي يدك ويتخربط حالي
يا ربي ليش هيج كاعد يصير ويايه صدك يعني احب واحد ما شايلني من كاعي وشاغل كل تفكيري
🌸🌸🌸🌸🌸🌸🌸🌸🌸🌸🌸🌸🌸🌸
أنت تقرأ
اعترفلك _اني _أحبك
Romanceفتاة بسيطة وبريئه أوشكت على ان تدفع ثمن ذنب لم تقترفه فينقذها شخص ويكون لها عونآ فمن سيكون بطلها ؟؟ 🤔🤔 استمتعوا حبايبي 😘
