اعترفلك _اني _أحبك

البارت الثالث

،
،
،
اجتمعوا  عمامي وخوالي واقارب بابا وناس كلش اهواي منعرفهم من العشيره مالته وجيرانه ومعارف بابا وعمامي حتى يروحون لثالث مال طه
وبعد ماخلصت الفاتحة ابو زيد حجه وي الشيخ طارق :
ابو زيد : يا شيخ احنا جم يوم ونجيكم علمود نفض السالفة ونعرف شلون نحلها
الشيخ طارق : لا احنا بعده عزانه ما خلص وناسنه هواي اني اخابركم واكلكم شوكت تجون
تدخل ابو ايمن
ابو ايمن : شوكت يعني تخابر
الشيخ طارق : ويحجي بعصبية ... يجوز شهر اقل اكثر ما ادري
ابو ايمن : بتعجب .. شنوووو شهر هواي !!
الشيخ طارق : خلي حتى يتربه بالسجن
وانتهى الحديث بصمت من ابو زيد وابو ايمن

رجع أبو زيد هو وزيد لبيت ضايجين وهموم الدنيا فوك راسهم محد اجه يسئلهم شكو وشصار لان مبين شصار
بالليل اجت ماما لغرفتنه اني وخواتي:
ماما : يله كافي كسل باجر تداومن
ردت احجي سكتتني
وكالت مراح توكف حياتنه علمود ايمن واصلا ابوج كال الشغلة مطولة
فحظرن روحجن ليان اني اوديها ومنى ابوج وانتي خابرت الخط مالتج
لا تضلن سهرانات نامن من وكت
يله تصبحن على خير
اني وخواتي : وانتي من اهله
....

كعدنا الصبح هوسه كلها عدها دوام
امي تحظر الريوك وبابا كاعد بالصاله ومبين مرتاح
ندى : صباح الخير
بابا وماما : صباح النور
تريكت اني وخواتي حتى لو منشتهي امي تجبرنه ناكل لان متقبل نطلع بدون اكل
وصارت الساعة 7 ونص
كل واحد راح لدوامه وجنت اني نوعا ما مرتاحه لان بابا وزيد مرتاحين 
خلصنا محاضرات وطلعنا نسولف اني وجمانه #habe
جمانه :ندوشه حبي شصار على حيدر
ندى : ما اعرف ماكو اخبار
جمانه : يمكن دره بسالفة ابن عمج وراد يبتعد شويه لحد متنحل الشغلة
ندى : اكيد دره لان بيوم المشيه عساس يجون وصارت السالفة
جمانه : الله كريم تنحل ان شاء لله
ندى :ان شاء الله
.....
طبعا بعد لا اني ولا خواتي رحنا لبيت عمو ابو ايمن لان مامه متقبل
واول مره تتعارك وي بابا
منى : لج ندى وين السجل الذهبي مالتي
ندى :واني شمدريني قابل ....
قاطعة صوت اصياح جوه نزلنه نركض
بابا : ام زيد اني كلت البنات يمشن ويايه يعني يمشن  لازم يسلمن على عمهن وياخذن بخاطره
ماما : ما اخلي بناتي يروحن وينقهرن ويضوجن المفروض هسه انت تطلعهن تونسهن امتحاناتهن ع الابواب وغلطة ابن اخوك لا اني ولا بناتي النه ذنب بيها #habe

هنا تدخل زيد كالها ماما شنو هذا الحجي احنه طول عمرنه ايد وحده عبالك اخوان مو ولد عم وانتي الي علمتينه على هذا الشي
ماما : بس هسه الوضع اختلف الموضوع بس عشيره وقوية كلش مندري باجر عكبه شيصير واحنه ممسوين شي

واول مره اشوف ماما هيج مع انو هيه تحب اهل بابا يجوز جان كلبها حاس بألي راح يصير 😔
وفعلا ضلينه شهر كامل بعيدين عن بيت عمو وبيت بيبي
حتى يوم الخميس بعد ماما ما تروح  وصارت عصبيه كولش وتقريبا ماما وبابا ميتحاجون والبيت كله متوتر
ومر الشهر كأنو سنة وماكو خبر من الشيخ طارق
......
في مكان اخر ....
الشيخ طارق كلف حسن ايده اليمنه يوفره كل المعلومات عن عائله أيمن حتى يعرف اشلون يتعامل وياهم وضل حسن شهر كامل يجمع المعلومات وعرف كلشي عن عائلة أيمن
الشيخ طارق : ها حسن كول شعرفت #habe
حسن : عرفت كلشي عنهم يا شيخ همه عائلة مترابطين كلش وي بيت عمامهم عنده اثنين عمام وكلهم عوائل ميسوره والكل يمدح بيهم وبأخلاقهم وهاي اول مره تصير وياهم هيج شغلة
الشيخ طارق : ولمن صارت وياهم اول مره ملكو غير اخوي الوحيد بس والله الا اندمهم شلون يجتلون اخوي وبعدهم مرتاحين
حسن : الله يكدرك على اخذ ثارك يشيخ
....
كعد الشيخ طارق يفكر وي نفسه بعد ما جمع المعلومات وعرف انو اذا اجتمعوا كلهم راح يكدرون يدفعون الفلوس والشيخ طارق غني ممحتاج فلوسهم وهمه يردون ابنهم حي ويطلع من السجن وهم يريد يطلب منهم طلب يكسر ظهرهم بي
........
وبعد ليلة طويلة من التفكير كعد الشيخ طارق وصاح حسن وكاله شنو هوه يريد منهم مقابل يطلع ابنهم وعمه صلاح جان موجود وكلش رحب بالفكره وكبرها براسه
الشيخ طارق : اني بهاي الطريقه راح اكدر اكسر ظهرهم وابنهم يطلع
حسن : لا يا شيخ هاي مو من عوايدنه حرام هذا ضلم #habe
العم صلاح : لا ابني طارق لا ضلم ولا شي بالعكس تفكيرك كلش صحيح واحسن ما يصير بيها دم هيج احسن
الشيخ طارق : هاهيه  عمي اني اتصل عليهم ويجون لهنا ونبلغهم
حسن : الي تشوفه شيخنا
.......
طبعا هنا محد جان يعرف انو اكو شخص رابع جاي يسمع الحوار الي دار بينهم الي هوه حيدر ابن العم صلاح وسمع الشي الي كاله الشيخ طارق ومقبل عليه بينه وبين نفسه وقرر يتصل على شيخ العشيره الجبير الي هوه بالبصرة طبعا هوه مو جبير بس لان شيخ كل فروع العشيره يصيحوله الجبير وقرر يبلغه بألي ديصير ... يتبع
،
،
،
🌸🌸🌸🌸🌸🌸🌸🌸🌸🌸
ما احلل الي تاخذ القصة وتحذف الحقوق