اعترفلك _اني _أحبك

البارت الرابع

،
،
قرر حيدر يتصل بالشيخ ياسر :
حيدر : الو السلام عليكم شلونك شيخنا
الشيخ ياسر : عليكم السلام  هلا حيدر شلونكم عمي
حيدر : الحمدلله كلنه بخير
الشيخ ياسر : الحمدلله ، حيدر شو صوتك صوت واحد يريد يكول شي شكو
حيدر : والله يا شيخ انت ادرى اني جايك وعندي خبر لا يسرك ولا يسرني
الشيخ ياسر : كول حيدر شنو شصاير
حيدر : شيخ انت تدري بألي صار وي طه الله يرحمه ابن عمنا
الشيخ ياسر : الله يرحمه ، اي وهم ادري الشيخ طارق بعده مكايللهم شي وشرايد
حيدر : والله يا شيخ اني جنت واكف بالصدفة وسمعت الشيخ طارق يحجي وي ابوي ووي حسن وشكله ما ناوي على خير ..
حجه حيدر للشيخ ياسر كلشي سمعه من الشيخ طارق وطبعا الشيخ ياسر ما رضه بألي كاله وقرر يجي للديوانية لبيت الشيخ طارق علمود يشوف شنو الوضع وشراح يصير بعد ما عرف من حيدر انو اهل الولد الي كتل طه هم راح يجون 
.....
هسه اترك القلم لشيخ ياسر علمود يعرف عن نفسه😌 #الكاتبة_habe
شكرا هباوي ، راح اعرفكم عن نفسي :
اني الشيخ ياسر قحطان عمري 35 طولي 185 ووزني 80 مو لحم بس عضمي خشن وحنطاوي مائل للسمار وعندي شوارب كثيفة ولحية عادية شعر طوله عادي ولونه اسود عيوني حادة وملامحي البقية هم حادة عندي عضلات بس مو كبيرة كلش يعني عادية
جنت اشتغل نقيب واحب شغلي بس تركته من صرت شيخ بعد وفاة ابوي الي جان هوه شيخ  كلش جبير وجنت اني دون اخوتي احظر ويه ابويه المجالس والمضايف وجان ابويه ياخذ رأيي باغلب الامور والناس جانت تجي من كل مكان تاخذ رأي ابويه ومن مات ابويه صرت اني شيخ العشيره.... عمامي واهلي وناسي همه اختاروني مع انو اني مو ابن ابويه الجبير قبلي اخويه سامر وبفعل شغلي ك نقيب ما كدرت اوازن بين شغلي وبين امور العشيره فقدمت على تقاعد اني مزوج بس زوجتي ماتت قبل ثلاث سنوات
.....
اخويه سامر الجبير جراح وكلش يحب عمله مزوج من بت عمي وعنده ثلاث جهال حسن وحسين وزينب
واخويه يوسف مهندس معماري شاطر اغلب اوقاته خارج العراق بحكم عمله مزوج وعنده طفل واحد باقر
واخويه سيف طالب بالجامعه وحلم عمره يصير طيار#habe
خواتي رؤى الجبيره مزوجه صديقي هم نقيب وعايش بغداد وعدها اثنين بنات تؤام
وخواتي سجى وضحى مكملت دراسه بس كاعدات بالبيت ويه امي
.....
اليوم وره العشه اتصل بيه ابن عمي صلاح حيدر وكلي على نية طارق ويه جتالين اخوه
بعد ما سديت الموبايل من حيدر خابرت مرتضى صديقي وايدي اليمنى وكتله حضر روحك باجر اروح لديوانيه
....
في مكان اخر...
وعند الساعه العاشره ليلاً
ندى : كاعدين انحضر العشه اني ومنى وليان يمنه اسوي زلاطه رن موبايل ابويه شاف الرقم كله لاخويه زيد هذا الشيخ طارق كله اخويه رد عليه ....
وفعلا رد ابويه :
الشيخ طارق : الو السلام عليكم
ابو زيد : وعليكم السلام تفضل
الشيخ طارق : اني اتصلت بيك لان حددت موعد تجون بي للمضيف ونحجي ونبرد الدم
ابو زيد : كول واحنه حاضرين نجي اليوم قبل باجر
الشيخ طارق : ان شاء الله باجر ب5 استضيفكم بالمضيف
ابو زيد : ان شاء الله يصير خير
نهى المكالمة بابا واتصل على عمو ابو ايمن ويتفقون ينجمعون ب4 ويروحون للمضيف مال الشيخ
....
ندى:... كعدت الصبح على صوت هوسه بالبيت يحظرون حتى يروحون العصر حتى ريوك ما تريكت وحتى غده بيومها ما طبخت مالي خلك اسوي كلشي كلش مخنوكه#habe
الساعه ب12 جاب زيد سمج مسكوف من السوك تغدينه وكملنه وكمنا اني ومنى انظف البيت
واجت الساعه ال 4 وجمعوا اهل بابا ومعارفهم وشيخ العشيره مالتنه وراحوا لمضيف الشيخ طارق

في مكان اخر ....
شيخ ياسر كعدت الصبح الساعه 6 وخابرت مرتضى كتله تعال لبيت حتى اروح لديوانيه هم يالله انلحك الطريق طويل من البصره لديوانية
كمت غسلت وبدلت واجه مرتضى وطلعنه لديوانية قبل ما اوصل لديوانية  اتصلت بحيدر:
الشيخ ياسر : السلام عليكم شلونك حيدر
حيدر : هلا شيخنا انت شلونك ان شاء الله بخير
الشيخ ياسر : تحت رحمته ، كلي شلون صفه الوضع #habe
حيدر : شيخنا من الاخير اليوم الكعدة بال5 بمضيف الشيخ طارق
الشيخ ياسر : زين يصير خير ، يله مع السلامة
حيدر : الله وياك شيخنا

بعد ما وصلنه للديوانية نزلنه اني ومرتضى بفندق وبعد ما تغدينه سئلني مرتضى:
مرتضى : شراح تسوي اليوم
الشيخ ياسر : وما اعرف شنو اجاوبه ، ما ادري
مرتضى : .........
الشيخ ياسر : كوم خلي ننام ساعتين بعدين نروح للمضيف ...
.....يتبع
🌸🌸🌸🌸🌸🌸🌸🌸🌸
ما احلل الي تاخذ القصة بدون حقوق مشكولة الذمة
هبه أدم