اعترفلك _اني _أحبك

البارت الثالث عشر

ندى

بقيت شهرين اتوجع وشفت الويل يله طبت  وهاي الشهرين ما حاجيت اهلي صوت لو افتح كام كله رسائل ومن يسئلوني ليش اكلهم مريضه بلاعيمي وطول شهرين ما خليت ياسر يشوفني حبيت اعاقبه على الشي الي سوه بيه وجانت سجى الي داويني  وره هذا الحادث بيوم شفت نفسي بالمرايه متت  من البجي صدك مشوهة وبعد كمت من امر من يمها ما اباوع ل شكلي سمعت ياسر راح يسافر ل امارات اريد اشوفه قبل ميروح وما اريده يشوفني و طبعاً وره الحادث كمت أكل بالغرفة وقبل يوم من سفرة ياسر ل امارات ضليت سهرانه ل 2 بالليل  صعدت لغرفة ياسر فتحت الباب ورحت لغرفة النوم  جان نايم بسابع نومه وجنت كلش مشتاقه اشوفه اتقربت من يمه ضليت اباوع بوجهه بعدين بسته بخده و طلعت من الغرفة نزلت لكيت رؤى واكفه يم الدرج و متخوصره
رؤى . هااا شسوين فوك
ندى . رحت ودعت ياسر
رؤى . حبيبتي اي لعد ليش نزلتي ما ضليتي فوك
ندى . واين اضل فوك هو ونايم بسته واجيت
رؤى . لا بشرفج
ندى. والله شبيج
رؤى . سلامتج حبي
اني لو اضل احجي وياج منا الباجر الصبح ولا يمج 
ندى .  لا والله راح اسمع الح
رؤى . شوفي ياسر يسافر ل امارات منا احنا اروح ل بغداد منا
ندى . ليش شكوو اروح ل بغداد
رؤى . اول شي انونسج
ثاني شي اروح لمركز باربي تغير من شكلج اشويه
وثالث شي والاهم نشتري ملابس ملفته لنضر
ندى. الله يستر منج
...............

ندى
مر شهر كامل على روحة ياسر ل امارات رحت ل بغداد ويه رؤى اتونسه كلش نسيت كلشي جان ابالي بس ياسر
ورحت لمركز باربي غيرت صبغ شعري سويت شانيل بلاتيني كلش حلوو
وبشرتي جانت تعبانه هم سويت الها عناية وفترينه بالمولات اشترينه ملابس وقبل جيت ياسر ب 3 ايام رجعنه ل بصره

الشيخ ياسرر
شهرين ما شفت ندى ولا سامع صوتها اعرف كاعده تعاقبني غرفتها تركتها وكامت تنام ويه ضحى وسجى وقبل يوم من سفرتي ل امارات الكل ودعني ونتظرت هي تجي وما اجت  جنت اخابر امي كل يوم وجانوا ب بغداد يم اختي رؤى

مرتضى . ياسر باجر ان شاء الله نرجع لعراق
الشيخ ياسر . ان شاء الله
تتوقع اشوفها
مرتضى . منو
الشيخ ياسر . شنوو منوو ندى غير
مرتضى . ماادري يا خويه خليها لزمن ينسها جرحها
الشيخ ياسر . محد كدر يوكفني بذاك اليوم
مرتضى . لا صدك انته متدري بنفسك شلون صرت وحش حتى اني خفت منك
الشيخ ياسر . شلك بيها هاي
................
ندى

عرفت ياسرر راح يجي العصر لبست كلبيه ليموني بيها نقاط بيض و شحاطه ذهبي وشسورات شعري ومكيجت وخليت شال ابيض وبي ليموني على متني من سمعت اجه كلبي فز جنت فوك بغرفة سامر نزلت على الدرج وحسه يريد ياكلني بعيونه
ندى. بدون ما اباوع عليه الحمد لله على السلامة
الشيخ ياسر . الله يسلمج
كمت لمطبخ واني احس بطعم الانتصار بيومها جان عشانه مشاوي واول مره راح اكعد يم ياسر
صار وكعت العشه وكعت يمه
الشيخ ياسرر . انتي هيج حلوه لو تشاقين
يحجي وهو ياكل وبصوت ناصي
ندى . اريد اكمل اكل مااكدر بعد كلبي يدك بسرعه يدي ترجف
كملنا اكل وغسلنه المواعين وخلص اليوم عادي ثاني يوم اجه اتصال ل ياسر من ابن عمه حيدر
حيدر . سلام عليكم شلونك شيخنا
الشيخ ياسر . وعليكم السلام . بخير انته شلونك
حيدر . اسئل عليك
اريد اكلك ترى الوالد والوالده ونريمان راح يجوكم باجر
الشيخ ياسر . هلا بيهم وانته
حيدر . لا والله شيخنا عندي شغل
بس اجي اخذهم اني
الشيخ ياسر . هلا بيك 
ام سامر . راح يجي عمك صلاح
ياسر . اي 
ام سامر . بنات تخلصن ريوك وبوجهجن تاخذن غراض ندى لغرفة ياسرر
ندى . ليش يمه اكو شي
ام سامر . يمه ذواله جيتهم مو لله
الشيخ ياسر . بكيفج يمه
وباوعت ل ندى وغمزت
ندى
كملنا ريوك وصعدنه غراضي لغرفة ياسر 
سجى . ولج ندى اجت فرصه ذهبية
ضحى . ااي والله
ندى . وشنوو عود شسوي
سجى وضحى . ترى والله عيب احنا ما مزوجات ونعلمج فضحتينه
صبت علينه ساره تضحك
ساره . حبي ندى فرصة واجت العندج 
ندى . شسوي يعني ولا تكليلي البس ثوب نوم
زهراء . لا حبي لبسي تراكسود برموده او تراكسود كامل بس بي حركات هيح يعني
ندى . ااي اذا تراكسود ميخالف
بذاك اليوم مشه النهار بسرعه واجه الليل وضليت بغرفة البنات رايح راجعه وهنا يضحكن عليه فتحت الباب
ام سامر . يااا ندى لسه بعدج اهنا ما صعدين تنامين
وجان ورها ياسر منتجي على الحايط ولبس تراكسود زيتوني يخبل طالع
ندى . اي يمه صاعده
اصعد على الدرج ويصعد ورايه دخلت لغرفة دخل وقفل الباب كعدت بالصاله وهو راح لغرفة النوم نزع التراكسود وبقه بس بالشورت والفانيله  اني هم دخلت لحمام لبست تراكسود اسود وبي ذهبي والظهر كله طالع والرجلين الحد الركبه هم طالعه مثل الي مشكك  طلعت من الحمام لكيته واكف بالباب حصرني على الحايط اريد اتنفس مااكدر
غمضت عيني جان يكلي فتحي ما راح ابوسج كمت اني وكتله عابت ماا حس اله واني لطشه بالحايط
الشيخ ياسر  . المن ولج عابت هااا
ندى . مو عليك والله بس نزلني
الشيخ ياسر  . صدك مو مال رحمة
ندى . ليش بالله
الشيخ ياسر . مااحب المره الي السانها طويل
ندى
سكتت ما حجيت وراح نام بطرف الجربايه واني على الطرف الخ
منطيته ظهري

الشيخ ياسر . راح انام مو تبوسيني
ندى . شنوو منوو الي يبوسك
ياسر . انتي وبخدي هم
ندى . اكيد تحلم
الشيخ ياسر . اجوز بس لا تحققين الحلم
ندى . هههه بطران ﻻ انته
الشيخ ياسر . مو غشيم اني اجيتي بالليل وبستيني بخدي
هسه ذكرت
ندى . خليت ايدي على وجهي عزه العزاني
الشيخ ياسر . ههههههه
ندى
باوعت شلون يضحك من اروح فدوه ل هل ضحكه
شنو مسويلي حتى هيج احبه
اعرفه ورايه بدون ما التفت
اعرف خطوات مشيته
احبه كلش يا ربي
نام واني افكر بي وهو يمي شلون لو يغيب عني يا ربي مثل ما خليتني احبه دخل حبي لكلبه

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸