اعترفلك _اني _أحبك

البارت السابع

،
،
ابو زيد
كعدين العصر ان وام زيد بالحديقه ودك موبايلي رقم غريب جاوبت :
ابو زيد: الووو
الشيخ ياسر: الوووو ،سلام عليكم شلونك ابو زيد وياك شيخ ياسر
ابو زيد : وعليكم السلام أهلا وسهلا تفضل شيخ ياسر
شيخ ياسر: الأمانة الي عندك ان شاء الله الجمعة اجي اخذها
ابو زيد : الجمعه ممكن اطلب منك طلب شيخ ياسر
شيخ ياسر : بدون متطلب ابو زيد بنتك بالحفظ والصون
ابو زيد :ممنون منك شيخنا
ام زيد: راح ياخذون ندى الجمعه موو
ابو زيد :ااي اريد منج شي الفلوس الي ضاميهن باجر تاخذيهن وطلعين لسوك انتي وام احمد اشتريلها ذهب وملابس وكلش تتوقعين تحتاجه تشتري
ام زيد : صار عيني باجر من الصبح اطلع اني وام احمد وناخذ جمانه ويانه لان تعرف ذوق ندى والعصر ان شاء الله اخذها لصالون اسويلها تعديلات
ابو زيد : عاشت ايدج ولو ادري الي كاعد يصير مو بخاطرج ولا بخاطري
ام زيد :الحمد لله على كل حال
.......
ندى
عرفت انوو الشيخ متصل ب بابا  يوم الأربعاء وكايله  الجمعه ناخذها جنت ضايجه ومخنوكه واريد ابجي واصيح بعلوو صوتي بس مااكدر على مود بابا ابين اني قويه كعدت بالليل اطلع الأشياء الي راح اخذها ويايه وضليت تقريباً ل2 كاعده اخليهن بالجنط بعدين طلعت لحديقه اجه هوى بارد حسيت براحه طبيت نمت ل 11 اله كعدت محد بالبيت بس اني تريكت وسويت غده واجن خواتي من الدوام  وره اشويه دخلت ماما وام احمد وجمانه ويمكن جايبات السوك كله حبيت الطف الجووو
ندى شنوو ما ناسيت شي شنوو هذا يمعودات امي مدنكه وتبجي وخواتي هم يبجن و جمانه شبكتني وكامت تبجي متحملت الموقف بجيت من كل وخاطري وما سكتنه اله على فتحه باب المطبخ وابويه يصيح وينكم يمعودين
طب وشاف الصاله متورسه غراض باوع لامي وكلها شكراً ام زيد
وره طب زيد جايب انواع الحلويات والعصار وجبوسه وكلشي كال ذني تاخذيهن وياج
.......
تغدينه وكملنا كالت امي ندى كومي بدلي حتى اروح لصالون بدلت وعفت خواتي منى وليان يحضرن الجنط رحنا لصالون طلبت منهم احواجبي متاخذ منهن اهواي ولون الشعر اقرب لطبيعي ما حبيت اسوي شي اوفر

رجعنا المغرب لبيت جانن خواتي مرتبات الجنط ومنزلهن زيد لصاله بس شفتهن كلبي كام يوجعني و منى مجملتها مخليه بموبايلي رصيد ابو 25
وبيومها عشانه صار غير شكل زيد ما خله شي ما جابه واني اكلت كلش اهواي وناموا اهلي وصار البيت هدوء جنت اريد ابجي وما اريد احد يسمعني مو حلمي هذا مو هيج جنت اتخيل عرسي واين البدله واين سياره الزفه واين شريك حياتي الي اني اختاره مو ينفرض عليه طبيت لحمام وفتحت الماي وبجيت من كل كلبي بعدين غسلت وطلعت يمكن بقيت بالحمام ساعتين

كعدتني امي الصبح ومتخلي عينها بعيني نزلت اتريك جان زيد جايب كيمر عرب وكاهي اكلت اهواي مااعرف ليش صايره هل كد اكل اندك باب البيت مالتنه
وكام زيد يفتح الباب واجه يركض كال هذا عمو ابو أيمن وابو محمد ونسوانهم وبناتهم وحتى عماتي وبيبتي اجوا
اني كبل كمزت كلت اني صاعده لفوك لغرفة وما راح انزل حد ما يجون ياخذوني

ما اريد اشوفهم همه الي دمروا حياتي على كد ما جنت أحبه ل ايمن ابن عمي كرهته وحقدت عليه وتقريبا صارت الساعه ب10 كاعدين اني وامي وخواتي فوك بالغرفه اجه زيد و دموعه بعينه كال اجه الشيخ ومنتظر برى ودعت امي وخواتي وجنه ميتين من البجي أصعب موقف هذا يمكن ايمر على الواحد نزلت لصاله ودعت بابا وحاولت اتماسك كدامه ما كدرت و دعت بيبي وعمامي ولا عبرتهم لا همه ولا اهلهم وحتى عماتي وخليت وطلعت فتح الباب السياره الوره وصعدت وضليت صاده عيني عن باب اهلي ما احس اله الباب انفتحت عليه باوعت حبيبتي جمانه جانت ميته من البجي صديقتي واختي اووووف على ذاك اليوم جان كلش صعب تفارك ناس انته تحبهم وهمه يحبوك
وره ما راحت جمانه رجع زيد شبكني ودعني وسد باب السياره ونفتح باب السايق  صعد واحد لبس زي عربي ما شلت راسي ابد بس جاني عطره الحلووو وكال سلام عليكم  بس اني مجاوبت وضليت ابجي وابجي وكل ما نبعد عن الديوانيه ابجي أكثر طبعا جان تمشي ويانه سيارتين
......
وكف بنص الطريق السريع وراح لسياره الي ورانه :
مرتضى : هااا شيخنا شو وكفت
شيخ ياسر : ولك مرتضى راح ينفجر راسي من طلعنه لسه هي بس تبجي
مرتضى : اوووف خطيه الله يساعدها ما تعرف شنوو مصيرها وعافت اهلها شتتوقع منها مثلا
شيخ ياسر : ما كلت شي اني لو بيدي جان عفتها يم اهله بس شكول على هذا الي خزانه
مرتضى : الله كريم شيخ ليكدام اكوو مطعم خلي نوكف يمه نتغده
شيخ ياسر:  ماشي
.....
رجعت صعدت بالسياره بس جانت مخليه راسها على الجام مال سياره و صافنه وبطلت تبجي كلت بكلبي الحمد لله وكفنه اكبال المطعم وجبت اكل سفري فتحت الباب عليها كلتها اتفضلي اكلي ما حجت شي ومدنكه خليت الاكل بحظنها
وكعدت ليكدام اكل كملت غسلت وسقت السياره لبصره بعد ابد مااوكف ابد الحد ما اوصل ابو الخصيب ....
....يتبع
🌸🌸🌸🌸🌸🌸🌸🌸🌸🌸🌸🌸
توقعاتكم شنو راح يصير

هبه أدم