اعترفلك _اني _أحبك

البارت الثامن

،
،
ندى
وصلنا المنطقه كلها بيوت فخمه وجبيره وكفنه مقابل بيت كلش حلووو واجه فتحلي الباب وكال تفضلي نزلي هو يمشي واني امشي وراه فتح الباب مال بيت الحديقه تخبل والطرمه جبيره مشينه الحد ما وصلنه الباب المطبخ طلعت امريه من مطبخ وسلمت عليه
ام احمد :الحمد لله على السلامه شيخ
الشيخ ياسر: الله يسلمج خاله
ودي البنيه يم امي اني رايح لمضيف فد ساعه واجي
ام احمد: تفضلي خاله طبي جوه يم الحجيه
ندى :شكرآ خاله 
دخلت اني وام احمد لبيت طلعت المريه اساعدهم بالبيت دخلت لصاله كلش جبيره وحلووه وكاعده على التخم حجيه جبيره واثنين بنات
ام احمد: عيني حجيه هاي البنيه جابها شبخ ياسر
الحجيه ام سامر: أهلا وسهلا تفضلي كعدي بتي #habe
ندى :شكراً ، سلمن عليه البنات وعرفني بيهن سجى وضحى والحجيه كالت جنت خايفه لا طلعين مو حلوووه صدك ضحكتني  واني لسه مااعرف منوو الي راح يعقد عليه صار المغرب نزلوا ثلاث شباب من الطابق الفوك وياهم جهال وبنات وهوسه صارت عليه ظليت ابوع شنووو هذا مصنع مال صاكين البنات حلووه والشباب حلووين وباوعت لامهم هم حلووه اكيد طالعين عليهه وره اشويه دخل هذا الي جابني وكال السيد كاعد بالمضيف يحاجي امه جيبي البنيه وتعاي صدك حسيت بغصه بكلبي بجيت بصوت كامت الحجيه من مكانها وكعدت يمي
ام سامر حبيبتي لا تبجين ولا تعتبرين نفسج فصليه ابد انتي هسه راح اصيرين زوجت ابني وبمعزت بناتي وادري صعب البنيه تزوج هيج بس هاي بعد صارت حسبي الله ونعم الوكيل
ساره مرت سامر كومي حبي غسلي وجهج وقري الفاتحه لام البنين تسهلج امرج
كمت غسلت وجهي واخذتني الحجيه لاستقبال مالتهم :
السيد : تعاي بنتي كعدي اهنا
انتي : تعرفين تقرين تكتبين
ندى  : نعم اني طالبه قانون مرحله ثالثه
السيد:  لعد اهلج شلون ينطوج فصليه
الحجيه : سيد هذا الامر مو بدين احد اعقد عليهم  والله كريم #habe
..........
عقد علينه الشيخ ما توقعت راح يعقد عليهه لهذا الي جابني صدك هوو حلوو بس عصبي ومبين عليه شايل اهموم الدنيا على راسه
رجعنه اني والحجيه لصاله
ساره و زهراء: الف مبروك حبيبتي
ندى: الله يبارك بيكم
صار صوت ورايه
سامر ويوسف وسيف مبروك
ندى: شكراً الكم
الشيخ ياسر: يمه غرفتها جاهزه
ام سامر: اي يمه جاهزه بس
الشيخ ياسر: اسمعي يا بنت الناس اني ما ازوجتت اله حتى انقذج من ظلم طارق وله اني ميت من النسوان ولا تتوقعين اسوي اكثر من هيج انتي زوجتي على الورق وبس وحالج من حال خواتي سجى وضحى
ام سامر: انته ابد مراح اصيرلك جاره وحق الله كافي يمه انسه
الشيخ ياسر: سمعتي كلامي ندى
ندى :اووف شكرآ الك طلعت منك مو مني #habe
وباوعت لاخواته كلتلهن واين الغرفه
.......
مشينه اني والبنات بممر وجان الغرفة بنهايه الممر فتحن الباب وكالهن هاي غرفتج وراحن دخلت الغرفه حلووو والاثاث مبين جديد والجنط ماتي تارسات الغرفه كعدت افتح بالجنط واحط بالكنتور وصلت لجنطه جانت متروسه حلويات بوعت مخلين براد اصغير وبي ثلاجه خليت اشويه منهن والباقي ضميته وفتحت الجنطه لخ لكيت بيها 2 مليون ويه ملابس عرف هذا اخويه زيد مخليهن ضليت الليل كله ارتب بالغراض وما جان جايني نوم لان بيت غريب واستحي اطلع واشو همه محد اجاني صاح اذان الفجر واني بعدني كاعده توضيت من مي البراد وصليت ونمت
واول ما كعدت باوعت لساعه ب3 الظهر زين شنوو محد اجه شافني يا ربي شلون بيه ويه هاي العالم الي حابسيني بهاي الغرفه من البارحه....

🌸🌸🌸🌸🌸🌸🌸🌸🌸🌸🌸🌸