اعترفلك _اني _أحبك

البارت الحادي عشر

ندى

صار 8 أشهر على الزواجي من يأسر وهو بعالم واني بعالم وصار شي عادي بالنسبة اليه

اجت رؤى النه وجانت هل مره اجازه فتوحه لان زوجها راح يقاتل داعش أحب شكل رؤى كلش مهتمه بنفسها وكل فتره تروح لمركز باربي مرت أيام وليالي وجانن البنات يتوسلن اتقرب من ياسر بس اني ما طوعني كبريائي اركض وره شخص مو سئل عليه

وبيوم كعدت الصبح على صوتهم مخبوصين ندى : ضحى شكوو
ضحى . عم ابويه اتوفه ونريد اروح الهم
ندى : الى رحمة الله
همه واين بيتهم
ضحى : قريبين اهنا بس احنا راح اروح هسه ونرجع بالليل
سجى : بس انتي وام أحمد راح تبقين اهنا
ندى : خوش على اقل ما ابقه واحدي
ام سامر : عيني ام احمد سوي غده  ل ولاد لان يتغدون اهنا
ام احمد : صار حجيه
راحوا ل فاتحه وبقينه بس اني وام احمد نظفنه وكملنه وكالت ام احمد هسه شسوي غده
ندى . خاله اني اسوي
ام احمد .شسوين حبيبتي
ندى .تشريب دجاج احمر وتمن عدس
ام احمد .بكيفج

طبخت وكملت وحضرت كلشي صاح الاذان الظهر صليت وكعدت بالصاله انتظر احد يجي انفتح باب المطبخ رحت اشوف منوو طلع ياسر
الشيخ ياسر .سلام عليكم
ندى. وعليكم السلام
الشيخ ياسر .لعد ام احمد واين
ندى :راحت ل بيتها  ومناك تروح ل فاتحه
الشيخ ياسر :تكدرين اصبيلي غده
ندى : اي اكدر

صبيت اليه واله وخليتهن على الميز بالمطبخ وكعد يأكل واني هم كملت قبله وغسلت المواعين وردت اروح لصاله ما احس اله واحد كامش ايدي حيل
ندى : خير شكو
الشيخ ياسر : كملتي اكل وغسلتي المواعين ماتج وذاني منوو يغسلهن (اشر على مواعين الي كدامه )
ندى :  هي هاي اني اغسلهن من تكمل عود
ردت امشي ضغط حيل على ايدي
ندى: شبيك متكلي
الشيخ ياسر : سوي جاي  
.........................................

راح لصاله غسلت المواعين وصبيت جاي وخليته يمه ورحت لغرفتي ردت انام انفتح الباب عليه
ندى: هاي شنوو
الشيخ ياسر : شنوو
ندى :  ليش ما دكيت الباب
الشيخ ياسر : ليش
ندى : شنوو ليش
شتريد هسه
الشيخ ياسر : احجي عدل
ندى : ليش شنوو حجيت اني
الشيخ ياسر : راح  اروح انام فوك ب 5 كعدين مو تنسين
ندى . ميخالف
طلع من غرفتي وقت الموبايل ونمت كعدت على صوت الموبايل ب 4 ونص غسلت ولبست تراكسود وردي وشسورت شعري وخليت مكياج خفيف كلش وتعطرت وصعدت مااعرف منين اجتني الجرى وسويت هيج صعدت دكيت الباب محد حجه فتت لصاله مااكو رحت لغرفة النوم لكيته نايم وكفت فوك راسه
ندى : ياسر كوم اكعد صارت  ال5
يا ربي ولا يمه وهسه شلون دنكت عليه اباوع شنوو هذا وضليت صافنه بوجه وما احس اله فتح عينه اني نزيت
الشيخ ياسر : شبيج مضيعه شي
ندى  : هااا لا جنت اريد اكعدك
الشيخ ياسر :  والي يكعد هيج يباوع
يحاجيني ويباوع من فوك لجاوه واني سويت نفسي ما منتبه ورحت اباوع من شباك الغرفة على البساتين وخضار و زرع شي يخبل حسيته صار ورايه ونفسه قريب من اذاني درت وجهي عليه
ندى  : هاااا
الشيخ ياسرر : وجعااا
ليش دومج تخربين اللحظة
ندى : لانك أخوية
الشيخ ياسر : اكو وحده تلبس كدام اخوها هيج
طبعا يحاجيني ويباوع على جسمي
ندى : ااي اني
الشيخ ياسرر : انتي شتريدين
ندى : انته الي كاعد تقترب عليه شنو تريد
الشيخ ياسرر : طلعي منا لا اكفر بيج
شنووو اريد موو
ندى طلعت اركض رحت لغرفه لبست كلبيه هم وردي وطلعت كعدت بالصاله نزل من فوك و كال
الشيخ ياسرر :  اني طالع تردين شي
ندى :  باوعت عليه
الشيخ ياسر : اتتي شبيج
ندى : لا بس استغربت تسئلني محتاجه شي
الشيخ ياسر : اي وشنو يعني
ندى عصبت : شنو يعني صار 8 اشهر مشموره اهنا بالجذب ما يوم سئلت رايده شي
الشيخ ياسرر :  السانج طولان لو اني غلطان
شوفي هل مرة سماح بس المرة الثانيه وخلقج امسح بيج البيت اذا عليتي صوتج ومن اسئلج جاوبي على كد السؤال خوش
ندى : اني أسفه والله ما جان قصدي
الشيخ ياسر : عفتها وطلعت