اعترفلك _اني _أحبك

البارت الثاني

،
،
طه بعد ما ضربه أيمن وكع بالكاع وضل كل الموجودين بحاله صدمه وهرب اغلبية الموجودين من الساحة بقه يم طه بس صديق عمره محمد وحاول يشوفه يتنفس لو لا واتصل محمد بالاسعاف وبطريق للمستشفى فارق طه الحياة فكملوا الطريق للمستشفى وطلبوا من محمد ان يخابر اهله بعد ما كان في حالة انهيار على صديقه واتصل محمد بطارق اخ طه ومجان يعرف محمد شلون راح يكول لطارق هيج خبر
طارق: ها محمد اليوم ذاكرنه شلونك
محمد : يحجي ويبجي بنفس الوقت ، ها يا خويه شلون اكلك ما ادري
طارق: محمد شبيك ليش تبجي اهلك بيهم شي لا لحظه طه بي شي
محمد : طارق طه راح بعد ماكو طه
طارق : انت شتحجي شبيك  تخبلت #habe
بعد ما هدئو وافتهموا مكان المستشفى حضروا سياراتهم واجوا عليها
وبالوقت الي دخل بيها طارق للمستشفى اجوا الشرطة
وجانوا يسئلون محمد شنوو الي صار بالساحة بس محمد مجان يعرف اسم ايمن ولا مكان سكنه بس سولفلهم الي صار بالساحه وانطاهم رقم سيارة ايمن الي مسجلة بأسم ابو ايمن
واكيد من سمع طارق بألي صار بأخو عصب وطلب من الشرطة يدورون على قاتل اخو فورا
طارق : هسه اخذتوا المعلومات من محمد اريد قاتل اخويه فورا
الشرطة : اكيد استاذ طارق اصلا هذا شغلنا
طارق : مو بس لان شغلكم معلومات قليله يمكم بس الولد تجيبو يعني تجيبو
الشرطة : ان شاء الله استاذ طارق راح نطلعه من جوه الكاع اكيد لا تخاف

وجان كلام طارق مسموع وكل يخاف منه لانه جان شيخ عشيره جبيره او هو جان شيخ فرع من فروع العشيره في محافظة الديوانية وجان طه اخو الوحيد
#habe
وعند اذان الفجر انطلق طارق وعدد ليس قليل من الناس لدفن طه في النجف وعند اذان المغرب في نفس اليوم اجه الطارق اتصال من مركز الشرطة انو مسكوا صاحب السيارة فتصل طارق بصديق اخوه محمد حتى يروح لمركز وبشوف هو نفس الشخص الي قتل اخو طه
،
،
،
وفي مكان اخر.....
رجع الجميع الى منازلهم بعد عشاء يوم الخميس وكان بيوتهم قريبه من بعض ومر يوم الجمعه عادي مثل كل جمعه تنظيف لان منتظرين المشية مالت حيدر وندى  والظهر  اندك بابنه بشكل يخوف كامت ليان تفتح الباب دفعها اخويه زيد وفات يركض لبيت ويصيح وين بابا كتله كاعد بالصاله وراح وكله اباب بيت عمي عامر شرطه
وبسرعه طلع ابويه وزيد من البيت وراحو البيت عمو واحنه كلشي ما مفتهمين وشنو الي صار
وره ما راحوا الشرطه رحنه اني وخواتي وامي لبيت عمو ولكينه كل نسوان عمامي وعماتي وبيبي اهناك وسئلنه شكو شصار#habe
لان عمو عامر حباب ومثقف ميسوي شي مو زين
فكالو متهمين عموو بالقتل  واخذوا المركز الشرطه وعمامي وولدهم راحوا ويا
امي سألت لعد ايمن وين جاوبتها ام ايمن :
نايم فوك وقافل الغرفة مدري شبي
ومن صار المغرب نزل ايمن وجهه اصفر وخايف وجان مبدل ويريد يطلع  امه مقبلت بس هوه طلع ومحد جان يعرف وين رايح
طبعا ايمن جان كلش يحب امه وابو ومن سمع ماخذين ابو راح للمركز وقرر يسلم نفسه
طبعا عمو من شاف ابنه هيج كال وانو اعترف هوه الي قتل طه متحمل ووكع من طوله بس مفقد الوعي وضل يحجي ليش هيج وليدي ليش هاي لان دللتك وكل الي تريده يصير قبل لا تحجي مو انت ابني الوحيد ليش هيج تكسر بيه
ايمن : يحجي ويبجي بنفس الوقت ،  بابه والله مو قصدي والله مجنت ناوي اقتله بس ساعة عصبيه
بعدين اجو الشرطة واخذوا ايمن للسجن #habe
بس وضعه سيئ جدا خاصة انو كل اصدقائه جانو شاهدين انو جان متقصد  يقتله ل طه

سجنوا ايمن لمده 3 ايام وبعدين يودوا لقاضي ورجع عمو مكسور ظهره على ابنه الوحيد وجانوا عمامي وابويه يصبرون بي
بس من اجه اخويه زيد وكال لابويه تعرف من يا عشيره الي قتله ايمن
واني جنت اصيح وشنوو يعني وشخصها العشيره
بس من عرفوا اسم عشيره طه الكل ضاج والكل  كال مصيبه وكعت على راسنه وشيخلصها منها
هاي العشيره ما ترحم وخاصة  اذا لتمت فروعها ...
يتبع ...
🌸🌸🌸🌸🌸🌸🌸🌸🌸🌸🌸🌸🌸🌸
شتتوقعون شنو راح يصير ؟؟
شاركوني ارائكم 😘😘