جبروت العشق 🥀

شيخ 👑

ما أحلل لأي شخص ياخذ كتاباتي وينشرهن.

#بقلمي_الاميره_الموسويه👑

صهيب ما صدك من سمع كلامه عمه الشيخ!!
شنو عاقد عليها ، شنو مرته على سنة الله ورسوله ، شدتحجي عمي فهمني شنو قصدك؟!!

الشيخ .. مثل ما سمعت ابني ، اليوم حاجيت فيصل مثل ما تفقت وياك كلتله يلغي موضوع زواجه من اختك .. جان يكلي عقدت عليها ، حالي من حالك اتفاجأت.

صهيب .. يعني شنو اتفاجأت ، اشلون ابنك يسوي هيج؟!!
اني سكتت هواي ع بالي تسويلها حل بس لهنا وكافي .. تتحكم بينا وتمشي علينا قرارات وانت ابنك ما تكدرله .. هسه اخذ اختي وامي ونروح ، ولتحاول تمنعني لان انت عمي وما اريد اغلط بحقك لتخليني ادخل الشرطه والقانون بينا .. العالم وين وصلت وانتو بعدكم بهذا تخلفكم .

الشيخ .. كام على حيله من سمع كلام صهيب .. بصوت عالي وبغضب الزم اللسانك واعرف شتحجي ، فيصل ابني وما يطلع عن شوري واذا اكله طلك يطلك وبدون اي كلام ، واكدر اجيبه واخلي طلقه براسه اذا اضطرني الامر .. ولو اعرفه ما يعصاني
اني كنت مقرر انهي موضوع عرسه من اختك .. بس بعد كلامك هذا وقلة ادبك .. اختك تتزوج فيصل وباجر عرسهم واذا انت ابن ابوك روح اشتكي للشرطه وخلي القانون يفيدك .. اريد اشوف يا قانون اللي يطلك مره من رجلها؟!!

صهيب .. يُسر ما تتزوج ابنك لو على جثتي .

الشيخ .. خوش لعد بلغ امك خلي تحضر لعزاك.

صهيب .. ههه لهدرجه عندك دم ابن اخوك رخيص؟!!

الشيخ .. لو دم ابن اخوي رخيص جان ما كدرت تحجي وياي هذا الكلام اصلا .. اني ما عندي علم بألي سوا فيصل بس هو ما غلط لان احنا جنه متفقين يتزوجها واختك كسرت كلامه وما ادري شمسويه خلته يتسرع هيج .. ومع ذلك اني قررت اخلي يطلكها عد السيد وننهي الموضوع بس انتم تربية المدينه متعرفون الاصول الظاهر .

صهيب راد يحجي بس الشيخ قاطعه ...

الشيخ .. لتحجي شي بعد اخذ امك واختك وارجع لبيتكم ولا تخليني اطلع من طوري ساكت وحاشمك لخاطر اترابات اخوي .

صهيب .. يعني راح اتطلكهم ؟!!

الشيخ .. اخذ اهلك وروح انت معليك بشي ، و دير بالك مجرد تفكير تسافرون لو شو وين ترحون ترى اذا اني سكتت فيصل ما يسكت ولا يعوفها.

صهيب .. اني مو جبان حتى اشرد ، بس اختي ما تتزوج غصب لو اعرف اموت.

الشيخ .. ضب اللسانك والله وياك.

طلع صهيب من الشيخ وممصدك اللي سمعه واخيراً راح يخليهم يرجعون لبيتهم!!
بس النار تغلي بداخله اشلون صاير كل هذا ويُسر مكالته معقوله هي متفقه ويا فيصل وبرضاتها؟!!
اكيد برضاتها والا اشلون وافق السيد يعقدلهم اذا هي مموافقه؟!!