جبروت العشق 🥀

قرار ✋

ما أحلل لأي شخص ياخذ كتاباتي او ينشرهن (ذمه)

#بقلمي_الاميره_الموسويه 👑

.............
بعد ما خلصت الفاتحه صهيب راح العمه الكبير شيخ طه ، يستأذن منه هو  وعمامه الباقين حتى يرجع هو وأهله لبيتهم!
دخل للمضيف لكى مليان عمامه و ولدهم و احفادهم يعني المضيف معكود مثل ميكولون ، ما عدا فيصل ما جان موجود ... سلم وكعد بس الرد الي سمعه منهم قلب كل حياته وصدمه!!

صهيب .. عمي اني جاي حتى استرخصك اخذ اهلي وارجع لبغداد.

الشيخ .. ليش بويه ترجعون شنو قصرنا وياكم بشي؟!!

صهيب .. لااا عمي استغفر الله ليش تحجي هيج ، حشاكم من التقصير بس الفاتحه خلصت وامي تريد ترتاح ابيتها ، واني واختي عدنا دوام ، منكدر انطول اكثر.

الشيخ .. اهااا اي من حقها الوالده تروح البيتها وماكو اي مانع عدنا بخصوص هذا الشي ، هسه اخلي الولد ياخذوها يوصلها للبيت.

صهيب .. حس اكو شي بكلام الشيخ بس حاول يتجاهله حتى ميحسسه فحاول يسايره .. لا عمي مشكور ومتقصرون اني اخذهم ماكو داعي الولد يكلفون نفسهم والطريق طويل.

الشيخ .. اني كلت ياخذون امك يوصلونها ما كلت يرحون وياكم.

صهيب .. شنو قصدك ما فهمت؟!!

الشيخ .. اسمع ابني انت واختك ولد اخويه وريحة الغالي وهاي السنين كلها احنا لا شايفينكم ولا تجونا .. و نعرف السبب ونعرف اخونه ما بيده شي بس سكتنا لان ابوك جان عدل وراضي بالموضوع ، اما هسه الوضع اتغيير .. انت واختك دمنا ولحمنا ومستحيل نعوفكم وحدكم ، انتم تبقون هنا معززين مكرمين حالكم حال ولدي وبناتي ، وامك تريد تبقى وياكم اهلاً وسهلا اتريد تروح الله وياها ما النا حكم عليها اما انتم فلا .. مكانكم هنا .

صهيب .. كلبه كام يرجف من الصدمه ، ميعرف شنو يحجي ، وممصدك الي يسمعه .. بصوت حاد وعصبي كال .. شيخ طه شدتحجي انت شنو نبقى هنا شنو امي تروح ؟!!
ترى اني مو طفل كدامك وتحدد مصيري اني رجال بالغ واعرف اشلون اقرر حياتي وشنو اسوي ، وانت مو منحقك تتدخل بحياتنا.

اخوة الشيخ و ولده عصبوا حيل من كلام صهيب واشلون يرفع صوته ع الشيخ ، رادو يهدون عليه بس الشيخ كال لحد يتدخل ، اني اتصرف.
الكل سكت لان محد يكدر يكسر كلمة الشيخ!

صهيب .. حس بغلطه وعرف انو هو بموقف مو بصالحه يصيح ويتعارك ، لازم يحل الامور بالهدوء والتفاهم .. بسرعه كام باس راس عمه طه واعتذر منه.