جبروت العشق 🥀

زوجه 🥀

ما احلل لأي شخص ياخذ كتاباتي وينشرهم

#بقلمي_الاميره_الوسويه👑

يُسر.. كنت ضايجه ومخنوكه حيل من التفكير بمصيري اشون اخلص من هذا اللي اسمه فيصل بحياتي
كعدت الصبح وطلعت للحديقه كعدت اشويه اغير جو ، حديقتنا حلوه وكبيره كولها اشجار ..
واني صافنه سمعت صوت الباب دتندك!!
ردت اطلع اشوف منو .. بس اخويه صهيب طلع ، اني بقيت بمكاني كاعده وافكر ... وجان اسمع صوته!!!!!!!!
يا ربي هذا صوت الحقير اشجابه هنا؟!!
وكفت ورا الشجر وصرت قريبه عليهم بس ميشوفوني ولا اشوفهم .. بس اسمع.
سمعت كلامهم كوله .. اشون كاله يريد ياخذني .. واشون هدد صهيب انو يسويها دم .. اني اسمع ودموعي تصب .. هذا ما عنده كل مانع يقتل اخويه صهيب وحتى اذا مات اني حبقى اله يعني حخسر اخويه ع ولا شي .. لا يا اللهي كولشي ولا صهيب ما عندي غيره بالدنيا .. بقيت ابجي وكاتمه شهكاتي ليسمعوني
سمعت صهيب اشون اتحدى وكاله ما تتزوجها لو تنكلب الدنيا وتطلكها غصب عنك
انقهرت على اخويه الي مستعد يضحي بروحه علمودي .. اشون اخلي يصيرله شي بسبب؟؟

لا يُسر انتي لازم تتقبلين مصيرج .. وحتى تحافظين على حياة اخوج ومتضيعين مستقبله بسببج ... سوي الي يريده وانهي الموضوع.

دموعي بس تجري احسها دتجرح خدي .. سمعت ماما دتحجي ويا صهيب وهو صافن بغير عالم ، اكيد ديفكر اشون يخلص من هذي الكارثه
بعدين كاللها ماكو شي ..
بعد تفكير قاتل .. وألم مميت بگلبي ... دست على أعصابي ... وطلعت كولتلهم اني موافقه اروح.

ماما مكانت تعرف شنو اللي صار بس صهيب فهم انو اني سمعت كولشي .. كالي ما اخليج ترجعيله لو اعرف اموت
كولتله محد اله علاقه بيه هذي حياتي واني اللي اقرر .. باجر يجي واروح ويا وخلص هذا قراري الاخير.

ماما كالت وين ترحين لويش متفهموني .. صهيب كاللها كولشي لانو شافها عصبت خاف عليها ..
هي لما فهمت الموضوع كالت لو تموتين ما اخليج ترحين ويا .. تردين اتدمرين حياتج وتضيعين شبابج ويا هذا الهمجي.

يُسر .. ماما الله يخليج لتضغطين عليه انتي متعرفين شي اني اريد اروح وخلص اتركوني.

الام .. اذا رحتي يا يُسر بعد لتكولين عندي امي .. لا بنتي ولا اعرفج.

صهيب .. ماما شنو هالكلام انتي فوك الي ديصير بيها ... خليني افهمج السبب بالاول...

يُسر .. اسكت صهيب ولتحجي شي ، واذا ماما تريد تتبرى من عني عادي خليها تتبرى مني بس اني حروح ويا وبس.

الام .. ماشي يُسر من هذي اللحظه انسي عندج ام .... عافتهم ودخلت للبيت

كعدت يُسر بالكاع وبقت تبجي بحركه .. صهيب اجه حضنها