جبروت العشق 🥀

اعتذار & موت 💔

القصه من تأليفي وما أحلل لأي شخص ياخذ كتاباتي وينشرهم

#بقلمي_الاميره_الموسويه 👑

صهيب .. فد يوم من الايام اني بالدوام .. واجت البنيه اللي احبها من زمان ، معصبه حيل و من شكلها صايره مشكله!!
هي اسمها عبير ...
صهيب .. هلاو حبيبي اشونج ، هسه كنت اريد امر عليج للقسم.

عبير .. صهيب عندي سؤال واريد تجاوبني بصراحه بدون لف ودوران.. انت صدوك متزوج؟!!!!

صهيب .. ما اعرف شكوللها ، ما اكدر اخسرها لاني احبها من صدك .. جاوبتها بالحقيقه لانو هي تعرفني ما اكذب كلتلها اي متزوج.

عبير .. معقوله ...... صهيب كل هذي السنين وانت تضحك عليه؟!!
اذا متزوج ليش كذبت عليه و وعدتني بالزواج ، مع الاسف عليك هاي عود انت ابن شيوخ ومعروفين هيج تضحك على بنات الناس .. انت واكد كذاب وحقير .. من هذي اللحظه ما اريد اشوف وجهك بعد .. عافته وراحت بس صهيب لزمها

صهيب .. عبير بدون لسان طويل وبلا تجاوز ، اهدئي واسمعيني .. انتي فاهمه الموضوع غلط وصدكيني بس تعرفين الحقيقه راح تغيرين رأيج.

عبير .. ما اريد اسمع شي وماعندي اي كلام وياك .. رجاءاً اترك ايدي ومن هذي اللحظه انسى وحده اسمها عبير.

صهيب .. ماشي وعد مني متشوفيني بعد ولا ازعجج ابداً ، بس اسمعيني بالاول وبعدها اللي تردي يصير .. لخاطر العشره اللي بينا.

سكتت عبير و وافقت تسمعه .. كعد صهيب وحجالها القصه كولها .. من طقطق ........ لسلام عليكم
هو كل ظنه اذا عرفت الحقيقه حتسامحه وتغير رأيها .... بس اللي صار صدمه صدمة عمره!!

عبير .. مدااكدر اصدك انت صهيب تسوي هشكل؟!!!
شنو ذنبها المسكينه تظلمها وتكسرها ع شي هي ما الها بي اي علاقه؟!
انت كنت دائماً تنتقد بيت جدك وتحجيلي عنهم اشلون  ظالمين ومتخلفين بسبب عاداتهم واشلون تكرهم من ورا هذا الشي طلعت انت اتعس منهم .. هم زين عرفتك قبل لا ارتبط بيك واتورط ..  لانو اللي مثلك ما اكدر أأمن على نفسي ويا .. مثل ما ظلمت هذي المسكينه بلا سبب اكيد هم يجي يوم وتظلمني نفسها.

صهيب .. عبير شقصدج؟!!

عبير .. قصدي انو انت بطريق واني بطريق ، اذا كدرت اسكت ع موضوع زواجك اكيد مراح اكدراسكت عن الظلم والتصرف الحقير اللي سويته بهذي المسكينه ، اني اسفه بس ما اكدر اكمل وياك الظاهر ماكو نصيب.

عافته وراحت ..... صهيب حس گلبه ديحترك حب حياته والانسانه اللي كان يحلم يجي يوم وتصير زوجته جرحته واتخلت عنه؟!! ..... ( كما تدين تدان)

قرر يتركها فترة الى ان تهدأ اعصابها ويحجي وياها بهدوء ويفهمها كولشي .. اكيد راح تسامحه وتنسى اللي صار!
مرت ايام بس صهيب ميتحاجه ومعصب على طول بسبب اللي صار ، كل تفكيره يم عبير بعدها عنه وزعلها حيل تعبه...
مكال الاحد شي وحاول ميبين شي بالبيت .. محجه ويا شهد ولا طلع قهره بيها ، ولا اتهمها انو هي السبب بأللي صار .. لان هي فعلاًما الها ذنب ، وكل اللي صار من ايده هو ..
بعدك كم شهر .. سمع من  زملائه بالدوام انو عبير انخطبت!!!!
هو ما صدك اللي سمعه ، معقوله لهدرجه اني عدها ولا شي؟!
مصارلنا كم شهر من عفتها تروح تنخطب؟!
حس الدنيا كلها وكفت بوقتها ، كلبه انجرح ، والغضب اتملكه .. بس ما راد يتسرع انتظر يحجي وياها حتى يتأكد بنفسه!