جبروت العشق 🥀

خبر 💔

القصه من تأليفي وما احلل لاي شخص ياخذ كتاباتي وينشرها

#الاميره_الموسويه👑

خليها على راسك مثل الاعگال
تخليك بگلبها الشيخ مالتها

يُسر .. شدتحجي فيصل شنو بغداد شنو تسافر ، مو تصالحنا وانتهت كل المشاكل شكوو تسافر بعد ؟!

فيصل .. اخذتها بحضنتها .. حبيبي اول شي بلا متعصبين اهدي وخلي نتفاهم ، لان بالصياح كلشي مراح ينحل وراح يتعقد الموضوع وهو تافه!
ثاني شي .. اني ما رايد اسافر لبغداد حتى اخلص من المشاكل لو ابتعد عنج مثل ما انتي مفكره!!
اني رايح حتى احقق حلم عندي من الطفوله ، وابويه هو الي منعني منه طول هذا العمر ، رادني اصير شيخ صرت الحمدلله ، وما حصلت من هذا المنصب غير بس المشاكل والطلايب صالح هذا وراضي هذا واني اصلا ما الي خلك هاي الامور ، بس وافقت بالبدايه حتى احقق حلم الولد ، اما هسه خلص اجه دوري اني احقق الي اريده لنفسي !
فأترجاااااج رجاء يُسر لتصيرين انتي سبب ثاني يوكف بيني وبين طموحاتي.

يُسر .. طموحاتك؟!!!!
واني شنو مفكرت بيه ، مكلت شنو ذنبي تعوفني مصارلي يوم من تصالحنا ومصدكت خلصت من المشاكل والعرك .. هسه اتكولي طموحاتي!!

فيصل .. هسه اني وين رايح قابل للجبهة ترى اني رايح اقدم ع الكليه يعني يقبلوني لو لا بعده بس كلام .

يُسر .. فيصل اسمعني زين هذا الموضوع تنسى وروحه لبغداد ماكوو رجلي على رجلك فهمتني لووو لااااا .

فيصل .. كلامها حيل عصبني ، تملي عليه اوامر وتريد انفذ شنو طفل اني!
بعدتها عني وكمت من يمها لبست ملابسي .. ومحجيت وياها ولا كلمه لان حيل معصب وما اريد اتعارك ما صرلنا يومين من اتصافينا بلا ما ازيد الطين بله .. سكتت ورحت للحمام .

يُسر .. احجي ويا وهو ولا ع بالك وخر عني وكام !!
اعصابي شاطت شنو دينجاهلني جنابه ، اخاف ع باله سامحته بسهوله ع الي سوا وطلعت عينه عليه وبدا يتكبر ... لااا الظاهر ميعرف منو يُسر .. بسرعه كمت من مكاني ، لزمته من ايده بقوه و وكفت كدامه صرت ع باب الحمام ، هو ضخم واطول يعني بأصبع واحد يشمرني بس شسوي قهرني تصرفه ولازم يتعلم يحترمني من احجي ويا ... بصوت ملينا غضب وعالي كولتله ..

يُسر .. اعتقد دا احجي وياك شنو تعوفني وتروح زعطوطه اني لو مو بعينك؟!!

فيصل .. باوعت ع ايدها اشلون لزمتني ، و شلون وكفت كدامي ع الباب ع بالها تمنعني لو تخوفني اذا سوت هيج .. هه استغفر الله العظيم اشلون بيها هاي .. محجيت شي بقيت مسيطر على اعصابي ما اريد أأذيها ، بس باوعتلها بنظره وحده كامت ترجف .. و وخرت ايدها مني ، بس بقت واكفه بمكانها ، وخرتها ودخلت للحمام ..!