جبروت العشق 🥀

اعتراف 🥀

القصه من تأليفي وما احلل لأي شخص ياخذ كتاباتي وينشرهم

#بقلمي_الاميره_الموسويه👑

فيصل من شفتها جامده ومتتحرك گلبي جمد .. حتى عقلي حسيته جمد ما اعرف شنو اسوي .. اصحي بيها وهي ماكووو ولانفس !
حضنتها والمطر يصب عليه وعليها .. فركت ايديها وجها اريدها بس تتحرك ماكوو ع بالك جثه وهامده!

بدون وعي كلت خلص ماتت!!!
اني الي قتلتها ... اني قتلتها .. بقيت اردد بصوت ناصي هذي الكلمتين
رفعت راسي باوعت للسما ..... اتذكرت هذاك اليوم اللي ضاعت بي مني وهي صغيره!!!
مااعرف شصارلي فقدت ما احس بشي بس شريط هذاك اليوم ديمر كدام عيني .. بنفس الشعور ، نفس الكسره ، نفس ألألم ، نفس وجع گلبي ...
كلتله ربي دخيلك اذا تريد تموتها اخذ روحي قبلها  ... ودموعي صبت ويا المطر!
حسيت الزمن دينعاد بيه .. ودااعيش اللحظات نفسها ..!
فجأة ع بالك واحد وضربني كل قوته ع راسي .. مثل اللي كان بحلم وفز!!
خليت اديه جواها شلتها وركض للبيت الكل نايم وهدوء صعدت بيها بوجهي لغرفتنا دخلتها للحمام وفتحت المي الحار لحد ما انملى البانيو صار دافي .. هي بحظني شايلها .. خليتها هي وملابسها بنص المي ، بس هي ماكوو ولا حركه .. بقيت افرك جسمها بأديه كل قوتي .. بقيتها هالشكل الى ان جسمها صار دافي راحت البروده لانو كان جامد ع بالك جليد.. سمعت صوت ضعيف منها مثل اللي دتتنهد!!!!!
كل هذا الي سويته بدون اي وعي مثل الفاقد ماادري شدااسوي..
طلعتها من الحمام حسيت جسمها كله ديرجف!!
مثل الغركان وديتنفس ، حسيت روحي رجعتلي .. صح هي بعدها مصاحيه ومااعرف اشبيها ما بيها .. بس اهم شي بعد بيها روح ، بعدها عايشه!!
شلت كل ملابسها من عليها وخليتها بالفراش .. غطيتها بكل الغطى اللي بالغرفه .. وهي بس ترجف!
مااعرف شسوي وين اروح مااعرف ، تفكيري كله انشل نسيت اروح اصحي اهلي ، اخذها للمستشفى ، ما اجه ع بالي غير انو ما اخليها تروح من اديه .. كل تفكيري انو لازم مااخليها تموت!

ظليت كل دقيقه اشوف حرارتها .. الحمدلله بدت دتنزل اشويه اشويه ، جريت نفس ، اباوع على اديه ترجف!!
گلبي يدك بكل قوته .. اعصابي كلها تلفت ، ما ادري اشصارلي
بقيت مكابلها وكاعد للصبح ولا لحظه غفت عيني ، كل اشويه اشوفها اشلون صارت .. لحد ما طلع الفجر حسيتها صارت زينه اشويه ، الرجفه راحت ، وانفاسها انتظمت.
كعدت كبالها ..اباوعها وبركان بداخلي يريد ينفجر ... اريد اموت نفسي ع اللي سويته بيها بس هم ميكفي!
اشكد كنت حقير وياها .. اني ليش جبرتها اصلاً؟!!
ليش ما كعدت وياها قبل لا اتزوجها .. عرفتها عليه .. قربتها مني .. خليتها تحبني ، صارحتها بمشاعري؟!!
ليش ما عفتها تروح لحال سبيلها وتتزوج ابن خالها؟!!!!!!
مجرد الفكره هذي خطرت على بالي .. حسيت عيوني كامت تجدح نار .. عصب اديه وجسمي و وجهي كله نط يريد ينفجر ..