Cupid's Trick

Chapter Five

Present day...

"So, why are you here?" tanong agad ni Elise kay Clint pagkaupo nila sa sofa sa sala habang si Danny ay nakasandal naman sa divider na nasa likuran niya. Mukhang nais din ni Danny na malaman kung ano ang pakay ng bisita niya.

"I'm here to give you this."

Isang blue rose na walang tangkay na nakapaloob at tila naka-preserve sa glass na lalagyan ang inilapag ni Clint sa mesang nakapagitan sa kanila. Agad na nagpalipat-lipat ang tingin niya sa mukha ni Clint at sa bulaklak.

"Ikaw ang nagpapadala sa akin ng blue roses?" hindi makapaniwalang tanong ni Elise. Hindi niya alam kung ano ang mararamdaman ngayong nalaman niya ang katotohanang iyon.

"Bago ko sagutin ang mga tanong mo, baka naman puwedeng ipakilala mo muna ako sa kanya dahil mukhang tumatawag na sa police station ang kasama mo."

Tiningnan ni Elise si Danny na hawak nga ang cell phone nito. Sa sobrang pagkabigla ni Elise sa pangyayari at sa muling pagkakakita kay Clint, nakalimutan niyang ipakilala ang dating kaibigan niya at si Danny sa isa't isa. Natural lang naman na mag-alala si Danny dahil halatang tensiyonado siya, lalo na at inamin ni Clint na ito ang nagpapadala ng blue roses sa kanya.

"Danny, it's okay. He was my classmate in college. His name is Clint. Clint this is Danny, my fiancé," kaswal na sabi ni Elise kahit na napipilitan lang siya.

Tumaas ang dalawang kilay ni Elise nang hindi magsalita si Clint at nanatiling nakatitig lang sa kanya. Hinihintay niyang magpaliwanag ito tungkol sa pagpapadala nito ng mga bulaklak.

"Okay, I admit. Ako nga ang nagpapadala ng mga bulaklak sa 'yo," kapagkuwan ay sabi nito.

"Why?"

"To get your attention."

"Elaborate."

"Well, ikaw na rin ang nagsabi dati na kung gusto kong makuha ang atensiyon ng isang babae, I should make the first impression unforgettable."

Oo nasabi nga iyon noon ni Elise, pero hindi niya akalaing gagawin ni Clint iyon sa kanya. She used to say that as an advice to those men who wanted to court the woman they loved, pero sa kaso nila ni Clint, imposible namang iyon ang dahilan nito kaya ginawa nito ang bagay na iyon.

What irritated Elise more was the fact that the guy who argued with her that blue roses didn't exist was now standing in front of her claiming he was the mysterious sender whom she hoped to meet. Gusto pa mandin ni Elise na kung sakaling magkikita uli sila ni Clint ay maipagmayabang niya rito ang blue rose na natanggap niya. Iyon pala, ito rin ang nagpapadala sa kanya ng mga iyon.

"I wanted to greet you before your birthday ends so here I am. I know you're mad at me that's why you avoided me like the plague."

"That's why you tricked me by using my own advice," nanggigigil na sabi ni Elise. Walanghiyang lalaking 'to! Kung hindi lang krimen ang pumatay ng tao, pinatay ko na 'to, eh!

Clint looked uncomfortable seeing her enrage.

"Look, I'm sorry. Pero kinailangan ko lang talagang gawin iyon. Kung sakali bang magpakita ako sa 'yo in an ordinary circumstance, haharapin mo ba 'ko? At kung haharapin mo man ako, makikinig ka ba sa sasabihin ko?"

"O-of course," pagsisinungaling ni Elise.

"Then how come you didn't attend our reunion?"

"I was busy."

"And on Daisy's birthday?"

"I-I was sick."

Napailing si Clint sa huling isinagot niya na parang sinasabi nitong hindi ito naniniwala sa kanya.