Time Machine

Time Machine IV

Time Machine IV

Napayapos ako sa kanya kahit nasa El Pollo Loco kami. Saturday at maraming tao. And I didn’t care. “Rorie?” Nagtatakang inilayo niya ako sa mukha niya. Umiling ako. Natatawang hinampas ako ni Mimi. “Maupo ka nga. Nakakahiya ka.”

Umupo ulit ako. Pero di pa rin mawala yung mga mata ko sa kanya. Gusto kong mag-sorry. Gusto kong gawin ang lahat. Ang ibigay ngayon sa kanya ang lahat. Lahat-lahat. I might not do this anymore. Ayokong magising isang araw at hindi pala ito totoo.

Nung matapos kaming kumain ay hinawakan niya yung kamay ko. I held his hand tight. So tight I was afraid he’d let me go again. “O.A. much? Parang one month lang daw kayong hindi nagkita sabi ni Drick.”

Napalingon ako kay Mimi. I opened my mouth: One month?

One month? Hindi ba three years?! Agh, mababaliw na ata talaga ako.

 

Umiling na ngumiti lang si Drick. He kissed me on the cheek. “E sa namiss ko tong bebe ko e.”

Kung sa iba ko narinig iyon baka nasuka pa ako. Pero hindi e, kinilig ako ng bonggang bongga. Si Drick yun. Boyfriend ko. Love ko. “Teka.” Sabi ni Mimi habang naglabas siya ng lighter at sigarilyo. Kumuha din ng isang stick si Drick. Napailing ako. “Hintayin mo na lang muna kami don Rorie.” Sabi ni Drick.

Dahil happy ako ngayon hindi ko muna aawayin si Drick.

****

“Anong ginagawa mo diyan?”

Muntik na akong mapatalon sa gulat. I put my hand on my heart. “Ano ba. Ginulat mo naman ako.” Inis akong lumingon sa nakakunot-noong si Raf. He was always like that, scowling. Kelan ko ba siya nakitang nakangiti? He’s like Dad. Nakakainis lang. Bata pa lang kami kala mo sidekick siya ni Dad, kulang na lang maging mata, tenga, aso siya ni Daddy e. Kahit nung... nung mag-asawa pa lang kami? Well, he tamed a bit. Pero alam ko naman na mabait talaga si Raf. It was just that... hindi ko pa rin makalimutan yung ginawa niya.

Pero teka, ano ba talagang nangyari? Naguguluhang tinitigan ko siya. His penetrating eyes were dark on me. Ayoko. Ayoko ng tingin niyang iyon. Umiwas agad ako. “Sabi ko anong ginagawa mo diyan?”

Ngumuso ako at lumingon kina Mimi. I heard Raf’s sigh. He crossed his arms over his chest. So okay, what the fuck Rorie. Bakit tinititigan mo pa siya? Hapit yung polo shirt niya sa balikat at dibdib. I saw how well defined his muscles are. Higit kanino man alam ko at nakita kong banat iyon at hindi lang salamat gym. I had touched and...

Tinaasan niya ako ng kilay. “Bakit namumula ka?”

“Ha?” Napapaypay ako ng kamay ko. So what if he’s great in bed? Whatthe. Mabilis akong tumingin kina Drick. Nakita kong nag-wave ng kamay si Mimi. Maybe... maybe I wasn’t hallucinating. What if... what if Raf and I being married was just a dream? Paano kung iyon nga iyon? Some dreams seemed to be real after all.