إن واخواتها

12

دخلت  لقيت عالي جالس كيقرا فديك الجرنال سلمت عليه و دخلت لعند سامي نفيقو مبغاش يفيق ليا عييت منبوس فيه ووالو مبغاش  كاع العكر مسحتو فيه ههه باينا منعسش بكري خرجت خليتو يزيد ينعس مشيت المرايا بديت كنعاود في العكر هو يهدر عالي و انا نقفز و خسرت العكر تفوو ..عالي:اش كديري ...انا: اش في ناظرك كندير ...عالي بقا كيشوف فمي ...انا: العكر مخسر ياك ...و درت باش نمسحو ...عالي : هداااي ....انا: شنووو مالك ...هو يجي قرب لعندي و بدا كيمسحو هو صراحة صدمني بقا كيمسح ليا فمي شوية تم هابط لعندي و كيقرب انا غمضت عيني <br>
سامي: بابا ...و حنا نبعدو على بعضنا دغية انا مشيت للكوزينة وهو مشا هز ولدو و انا بقيت في الكوزينة كنهز الماعن و كنعاود نحطهم ملقيت مندير ...خرجت لقيت عالي باقي كيلعب مع ولدو حشمت هو مدارش غندي: راه مغنمشيش لعيادة ليوما ...انا: ااه مزيان ...بقينا نهار كامل واحد مكيشوف في واحد تمن الغدا دوزناه هكاك صافي وصلات وقيتت المشي ديالي عاودت درت المكياج ديالي و حطيت صاك تما و هزيت تيليفون و قلت ليه بسلاما و خرجت بقيت هابطة هو يتعرض ليا داك خينة مبغيتش نهضر معاه هو يشد ليا من يدي: مال زين دافع كبير وقفي غير نهضر معاك ...انا: بعد مني معندي منقول انا وياك ..و انا ندور و شفت عالي كان هاز صاك ديالي معقلتش كيف جا و جمعها مع داك خينة ببونية و نزل عليه انا بقيت غير كنفك بزز تاطلق منو و لاخر هرب هو يدور ليا انا: واش هادا لباس كتخرجي بيه كتخلي لي سوا و لي ميسواش يقرب ليك ...انا تعصبت: علاش شكون نتا تتدخل فيا انا حرة المرة لولا عبرت على اعجابي ليك و مقبلتيهش و دبا بسلامة ...يلاه جيت غنمشي وهو يجرني و لصقني على الحيط نيشان و هبط لعندي بقا كيشوف فيا <br>
انا: م م مالك ...وهو يبوسني بقيت مصدومة شوية جرني لعندو و بقا كيبوسني انا معقلتش على راسي بقيت مغمضة عيني و جسمي كامل كيقشعر و هو يحيد صراحة مسخيتش وهو يجرني نيشان لطموبيل و طريق كاملة منطق بحتى كلمة وغير مخنزر حطني قدام درب و دار عندي: المرة جاية بلاما تيجيني بهاد الباس ...انا: ههه ايوا مسح العكر لي في فمك ...ومشيت و خليتو تما حشمان صراحة عجبتني فيه و لكن ديك البوسة نارييي غنموت دخلت لدار مديتها في حد دخلت نيشان البيتي كانت هببة كتحفظ و انا تزاوطت فوق نموسية و كنضحك غير راسي نعم انه الحب يا سادة وااو زوين بزاف وااااو بقيت كنتركل و نضحك غير راسي و غنتسطى بالفرحة <br>
#اميمة...اليومة صباح جديد فقت ناشطة لبست كسوة بالبيض حد ركبة و صنيدلة و جمعت شعري و درت شوية ديال المكياج طلعت فنيونة والله هاد رجال معندهم العينين مخليين هاد زين كامل ممزوجش كنحس بالحgرة هبطت لقيت هبة كتفطر مسيكنة عندها الوطاني اليوما بستها و دعيت معاها و قلت ليها بلي غنجي عندها مع 12 باش نشجعها صافي خرجت مشيت نديماري طموبيل ناري امي مبغاتش تفو نهار باين من لولو خرجت شديت طاكسي الحمدالله حطني قدام شركة صافي طلعت دخلت لسانسور اتاجا هداك صكع دخل حدايا شاف فيا و ابتاسم هاد الابتسامة معجبتنيش غير البارح كان معصب المهيم مديتهاش فيه قديت خدمتي عادي مع 12 كنت هبطت من شركة بغيت نشد طاكسي وقفت قدامي واحد طموبيل كحلة خرجو منها غير دوك صحاب العضلات لابسين الكحل و ديرين نضاضر و ضخام ميمتي جايين لعندي سرطت ريق يقدرو يكونو باغين غير سولو <br>
واحد فيهم جا من مورايا و تاني قدامي و هدر معايا:نتي اميمة زياتي ...انا قلبي كيضرب و كنشوف في جنابي : انا أ أ أه ...وهما يديرو ليا شي كمامة بيضا على فمي و نيفي بقيت كنشم فيها و كنتركل  و انا ندوخ معقلتش على راسي ....<br>
#سكينة...كنت ناعسة معليا مبيا اتا صونا داك زبل ديال تيليفون ....انا مقلوبة بنعاس : الوو<br>
خالد: نوض تكعدي راك عندك خدمة زعمة <br>
انا: قلب عليا هاد صباح راني في فترة نقاهة <br>
خالد: غتنوضي و لا غنجي نجرك <br>
انا: لكنتي باغي تسمع زابور الوليد على صباح اجا مرحبا <br>
خالد: و طلقينا من البسالة هادشي علاش مكنحملش البنات ربع ساعة نلقاك عندي في دار و لا دبري راسك...وقطع تفوو على صباح كيف داير مشيت للكوزينة لقيت ديك صفرة ساهية في طابلة و انا نخبط طابلة و هي تخلع و انا نشط هي ناضت كتعاير فيا و تشكي لماما و لكن شكون دها في مت مها بقيت كنشرب في قهوتي على خاطري و تميت غادية عند داك المرض غير وصلت لقيتو تم لابس غير شورط ...انا درقت عيني: تستر زعما راك عرفتيني بنت....خالد: تي تال دبا عاد جاتك تستر دوزي تجلسي راه صوناو ليا دوك ثلاثة <br>
انا: صحاب لكروشا....خالد: اييه قالدك عرضينك شي حفلة و تم غادي يهدرو معاك على داكشي دتهريب يعني غادي توجد راسك(كيهدر معايا بصيغة دري)...انا: اه اوكي شنو الخطة و شنو خاصني ندير ...بقا كيشرح ليا تما و انا كنشوف غيرفي العضلات و كيف كيشرح مسمعت والو اصلا وخا نسمع مغنفهمش حطيت يدي على حنكي و بقيت نشوف فيه و كيشرح ليا الخطة من نيتو شوية جاني نعاس يلاه غادي نتاوب و هو ينزل عليا ديريكت القرفادة ...