إن واخواتها

14

داك ليل جيت معطلا مشيت دخلت البيت ملقيتش اميمة شعيبية ضسرت ولات تخرج بليل مشيت تكيت باش نعس حلف داك نعاس لا جاني غيما ندور نشوف تصويرة خالد صافي مقنبقاش نشوفو صافي هدي نهاية خرجو ليا دموع محسيتش براسي اولي انا كنبكي ميمكنش  ..<br>
#هبة....اليوم نضت بكري هبطت فطرت لي داز عليا يقول ليا مسكنة تقول غادي نحارب راني غادية غير ندوز المهيم خرجت حاولت نصوني لاميمة ووالو مكتجاوبش في خطرة لا القضية فيها الشك او كاع هادشي عامر عندها مشيت المدرسة باقين محلوش اتا تم جاي داك اناس....اناس: صباح الخير زوينة <br>
انا: اناسstp ماشي وقتو دبا فيا لو طراك ديال اكزام .....اناس: اوكي اوكي القرايا انا نحيد ليك لو طراك...انا(شحال حامض): راه حلو الباب دخلنا فرقو علينا الوراقي داكشي ساهل حبكتها تقبت الورقة خلاتها حسينة خرجت ناشطة كنحاول نصوني ل اميمة لا مكتجاوبش لا والله تا بديت كنتخلع عليها هادشي بزاف <br>
اناس: سلام هبة انا غدي نوصلك ليوما  اش بان ليك <br>
انا: لا لا لا بلاش غنمش....اناس شد ليا في يدي : عفاك اهبة متخسريش ليا غير مرة وحدة و اصلا بقا لينا غير غدا و مغنبقاوش نتشاوفو <br>
انا حيدت ليه يدي: اخر مرة تقيسني و دبا يالاه دوك من قدامي و زدت فحالي البرهوش لاخور .....بقيت غادية و واحد فيراري تبعاني ديال داك المرض تفو هدا مالو ناري اش غندير دبا بديت كندور في ضروبة باش نتلفو ووالو شوية دخلت لواحد درب عامر فيلات و درت براسي كندق درت لقيتو مشا اووف الحمدالله <br>
واحد صوت غليظ: اش بغيتي ..درت لقيت واااحد القلدة تباااركالله طول و العرض و دير نضاضر كحلين تخلعت : ب ب بغيت ش ش شريبة ....شدني من حوايجي و طلعني: باقي نلقاك هنا نديك فين ترباي ...ويلي ويلي انا تخواو ليا الما في ركابي مشيت كنجري لدارنا دخلت تصدمت في سكينة لا لا علامة ساعة هادي والله ....<br>
#سكينة...فقت ليوما في صباح خرجت عيني منفوخين بالبكا هبطت لقيت ماما و ضحى كيهضرو ويضحكو <br>
انا:ماما مكيناش القهوة ....بقاو مصدومين كيشوفو فيا بجوجات...ماما : انا غدي نصيبعا ليك ....انا:وخا انا غادي نمشي نجلس قدام تلفزة فاش تسالي علميني ...صراحة انا تصدمت في راسي ياه كنهضر بشوية مشيت بقيت جالسة كنقلب في الايداعات و هي تلاح عليا ديك صفيرة ....انا: اييي نوض تكعدي دريتيني تفووو مال موك ....ضحى : مال خويا حسينة مبدل علينا هاد صباح ...انا: ضحى هالعار ما قلبي على جدا لي في القبر ...ضحى: وصافي نوضي نوضي اجي معايا البيت باش متسمعناش الوليدة ...انا: ياربييي تصبرني...نضت مشيت معاها البيت جلسنا في نموسية و جات قدامي <br>
ضحى بابتسامة خبيتة:كتحبي؟ <br>
انا تزيرت: نوض تجمعي عليا القردة الخرى زبالة تقادو الكتاف الحمارة لخرى <br>
ضحى: انا نيت حمارة اصلا شكون غادي ديها في وحدة دايرا فحال راجل ...وهي تبغي تنوض و انا نشدها من لور و شداتني المركة <br>
انا:و لا بغيتو يديها فيا شنو ندير <br>
ضحى رجعت لبلاستها: وهاكا نبغيك بعدا شكون المتروس صكع لي ساخط عليه مو و باه لي شفتي فيه نتي <br>
انا: و هااا البسالة تاني مالنا على هاد المعيور انا غنوض نمشي فحالي كاع تفو بنادم كيف داير ...ضحى: و صافي اصحبتي ريحي اولا خاصك تحيدي منك هاد الهدرة ديال دري كتخلعي بنادم بيها ....انا : نحاول ....ضحى: وشكل ديالك خاصو يتبدل بعدا ....انا: واخا و لكن هو راه مقاق مني ...ضحى : اش درتي ليه عرفاك حمارية ....عاودت ليها كلشي بقات كتندب و كتويل عليا ...ضحى: اويلي خرجتي على دري ....انا: ودبا اش غندير ....ضحى: بعدا نبدل ليك حالتك و عاد نشوفو اش غنديرو طلقي واحد 20 الف طنان ...انا: اووو علاش ...ضحى: ايوا راه خصني الفلوس باش نغير حسينة لسكينة  .... ..جبدت واحد 200درهم من مجر اميمة و حطيتها ليها غي طابلة و زيدتها لعندها بصبعي هي قلبتها: اش غندير بيهادي ...انا بديت نغمز فيها: عدي عدي بهادي بعدا تاندير و نعطك...ضحى: لا لا مكتعطينيش مكنتيقش فيك .....انا: ياك لموك ...ضحى: و شنو؟ نتي معندك لا خدمة لا ردما و بغاني نسلفك نو نو نو...انا: و عيشك عيشك انا نقلب على خدمة اليوم قبل غدا و نرجع ليك فلوسك ...داتني حلفتني قدام الوليدة و الوليد و درنا عقد سنيت عليه ...ضحى: دبا يمكن ليا نأمن عليك ...انا: تفو تريكة الكلاب...ضحى: يلاه زيدي قدامي لصالون ....انا: دبا 11 مغتمشيش لخدمتك ....ضحى: نو نو مبغيتش و علمت عالي واخا مبغاش في لول درت طرقي و خليتو يوافق ....انا: ااه مزيان اجي نتي شفتك حاطا العين على داك عالي ...ضحى شداتها الضحكة من نيفها و حشمت و انا شفتها و كملت : متقوليش ليا كتبغي هداك ...ضحى: و مالو هداك سيد رجال ....انا: و راني دكشي لاش سولتك هداك غادي يديها فيك نتي هو عندو ولد ....ضحى: علاش مالني انا ....انا: ممالك والو غير فيك دودة ...ضحى: الله يمسخك زيدي زيدي شتي عالي غير عولي عيله نسيبك ...انا: نشوفو هاد نسوبية فين غادي تخرج ...وصلنا لوحد صالون مع دخلة ضربت فيا سخونية ديال سوشوار و انا نبغي نخرج جاني صهد