إن واخواتها

19

هي شافت فيه و خنزرت فيا و مشات دبا غيبدا الفلم وجدي راسك ا هبة للمشاكل صافي كلينا داك العجب واخا مبغاش يدوز ليا باسل معرفتو كفتة معرفتو لحم دكشي جاني خضر و مقديش منكلش كملتو غير بزز و لكن ديسير عندهن واعر .....<br>
#سكينة ....كنت ناعسة في سابع نومة اتا كنحس براسي تهزيت من دراعي الله يا ميمتي الله هدا اش بغا عندي جدي تاني هو يزدحني مع الحيط ...خالد و مخنزر: بربي و كون ما كنت محتاجك لا مخرجتك من هنا تتعفني ...و خبط عليا واحد الحويج ..خالد: لبسي هادو و تبعيني ....انا: غنلبدل هنا ...هو يرجع و ضرب يدو مع الحيط: بلاما تعصبي مييي ...انا شادا دوك الحويج و تكمشت و كندير ليه براسي واخا واخا مشا خرج و انا بقيت كنلبس رجعت حسينة كيفما كنت بفف خرجت جرني لالاوطو و كسيرا فين غادي الله و علم منقدرش نسولو بغيتوه يتعصب عليا و لا يقلبني و انا باقا ما شفت ما تشفيت سيري ا اميمة الله يغرق ليك شقف(#اميمة...و انا مالي فحالي انا لي حرشتو عليها هادو ملهم يدورو يدورو و عيروني)..المهيم دخلنا لواحد الغابة طريق خاوية ديزين منها غير حنا وقف و دار عندي و خنزر فيا و حيد سمطة واااو متقولوش غيغتاصبني 😍😍انا في نعيم لا غتاصيني هادا و هو يشد ليا راسي : ركزي معايا مزيان مديرش فحال المرة لي فاتت ....انا خرجت فيه عيني و تسمرت ...هو : مالكي ...انا: طلق الهدرة من حدني مركزة ...هو: هدا هو تركيز عندك المهيم ليوما دوك 3 حدو لقاء معاك و غادي تلاقاي بيهم و غتعطيهم واحد شنطة فيها الفلوس...انا: و علاش انعطيها ليهم ناخدها انا...هو بدا يضرب ليا في خدي: سمعني مزيان براكا من داك الهبال الخاوي نتي اين فوا غتعطيهم شنطا غيدي يركبوك في واحد سيارة كحلة و غتمشيو لنقر ديالهم الرئيسي باش تلاقاي بشاف ....انا: اويلييييي المفيا هادو منقدرش و لا قتلوني....هو: و انا كرهت مندخلكش اصلا هما نومروك و لما مشيتيش لا نتي لا عائلتك غتمشيو فيها ...انا بديت نضرب في حناكي : اويليي اويليي فين دخلت راسي <br>
خالد: سكينة تهدني انا كون عرفتك بنت من لول مكنتش غادي ندخلك ..انا: ها العار الله يرحم الوليدين ما عتقني ..و هو يجمعها معايا بسماكة و شدني من دراعي: مال موك تنونختييي تبتي معايا باغا تعيشي تبعي داكشي لي غنقول ليك ...انا كنهز راسي بزربة بواخا مهيم بقينا غاديين و انا كنسرط الريق و كنترعد و كنتزعزع و عدا فمي و كنقرا القرءان و قلبي غيخرج من بلاستو و هو يدير يدو على يدي و شحال دافئين : سكينة متخفيش مغنخليهمش يآديوك انا غنكون معاك و من موراك اي خطر غادي ندخل بسرعة ...انا: بسرعة بسرعة الله يخليك ...هو ضحك هو لي تجي معاه اما انا داخلا في معماعا ماليا فيها لا فضل لا راس المال المهيم وصلنا لواحد المنطقة ميمتي قربنا نزلت كلي كنقفقف و انا نعفط على عود تهرس و انا نتخلع رجعت لسقت في خالد : م م منقدرش عفاك دخلني لعكاشة و حكم عليا بمؤبد و متعطينيش ليهم هو يحيد ليا يدي ووقفني قدامو و شد ليا من حنكي: سكينة سكينة تيقي بيا مغنخليهمش يآديوك انا معاك غير تبعي هدرتي صافي...و قرب ليا بقيت تنشوفيه و دار ليا واحد المشطاج ناري دار  ليا ولد الكلبة تنوييم و درت ليه براسي واخا محسيت براسي حتى لقيت راسية واقفة قدام دوك الكروشة و كيشوفو فيا و مبتاسمين وواحد داير سنة دهبية و موراهم طموبيل كحلة ناري هادي هي الاخرة ليا ميمتي عطيتهم شنطة كيف خلاها هو هدرنا و انا كلي كنطرعد و لكن مبينتش ليهم كنمثل الثقة في نفس طلعنا في طوموبيل و كل ماهي آية قريتها و الآحديث نبوية و غنييت يا طيبة المهيم كون خدمني العفاسي معاه كان غيستافد وصلنا لواحد الكراج كبيييير بزااف فيه بزاااف ديال الرجال ضخام و ديرين نضاضر كحلين و لابسين الكحل و هزين سلاح ليومة يدفنوني حية هنا دخلنا و كيهدرو ليا على شغلهم و كيضحكو و كيقولو ليا بلي بغاوني نتعاون معاهم و نوصل ليهم شي سلعة لتركيا ولاد الكلاب باغين يوسخو تركيا بقينا كنهضرو و نحدو الوقت تكنشوف شي وحدين مدخلين شي بنت شدين ليها من شعرها و شعرها على وجهها و هي كتغوت و متبكي  و لبسة كسوة طويلة مقطعة من لتحت و من لكمام  و عمرا بدم و لحوها على الارض وهي كتبكي و انا بقات فيا بغيت نمشي نعتقها مقدرت ندير والو  هو يمشي عندها واحد من دوك الكروشة لي داير سنة ديال الدهب و مشا بدا كيمسح ليها في شعرها و هي خيفة كتبكي و كتبعد عليه و هوكيضحك: تو تو تو متخفيش مغنديرو ليك والو خاص غير راجلك يدير عقلو و يدير لينا دكشي لي تفقنا عليه اما لتعكس معانا ...وهو يطلع يديه مع فخدها و هي تحيد ليه يديه و عاد مزيدا في البكا انا بغيت نعتقها بقات فيا اما هو بقا كيضحك و سالو ريوكو و مسحهم و هو كيشوف فيها : وراك بنينة مع راسك اش سميت الغزالة ....انا درت عند لاخور : شكون هاد البنت ....هو شد ليا من كتفي: متصدعش راسك معاها هو غيهتم بها ...الرجل2 : هههه مكندنش غيشد راسو عليها ...تفوو كلاب هادو هما غاديين مخرجيني و انا كنشوف فديك البنت و خالد يا ربي تعطل هدا