إن واخواتها

9

#سكينة ...نوضتني اميمة لقيتها شادة تيليفون تصدمت لقيت خالد عيط شي 5 مرات ناريي برجولة قفرتها عاودت صونيت ليه قالي نجي عندو دبا تفو انا وجه تمارة فاش بغاو يعدبوني جابو ليا هادا في حياتي مشيت تميت طالعة دقيت خرجت واحد خيتي من عندو كتهبط في كويجها و لابسا المزير بقيت تنشوف فيها مصدومة و حالا فمي دازت عليا كتلوك المسكا و غمزتني ....خالد: هداك نم دخل دغيا ....شفت فيه لقيتو تاني مورينا عضلاتو و عنقو و فمو عمرين عكر منحرف لاخور دخلت <br>
انا: لاش عيطتي عليا .....خالد ضحكة صفرة: توحشتك....انا تزيرت و حمريت ...خالد: علاش غنعيط عليك على زين وجهك كون كنتي غير بنت بعدا ...انا: ااه كين شي جديد....خالد: راه صوناو ليا سيمانة جاية نعطيوهم الفلوس و يعطونا الحشيش ...بقينا كنبلانيو هو كيخطط و مرة مرة مكنفهمش كي مرمقها معايا و كيشد ليا رقبتي و كيخشيني في طبلة و انا و تقولي دكشي دخليا المخي اصلا انا معنديش مع الهندسة و هو شانق عليا تنفهم واحد شوية كان تيشرح ليا عن قرب هو يحبس طلعت فين عيني لقيتو كيشوف فيا بنضرة قريبة هو يبدا يقرب و انا نسرط الريق و حتى قاس فمو فمي هو يدفعني واحد الدفعة حتى شفت نجوم بنهار بقا مصدوم و كيخنزر : لا مميمكنش لا ميمكنش اعود بالله و مشا لبيتو ...كتجيه اعود بالله غير فيا انا من صباح هو معنق ديك خيتي تفو علييه هزيت دوك الوراقي و خرجت بلاما منقول ليه والو مشيت لدار دخلت البيت لقيت اميمة كتقلب ابوحدها شوية كتسد ودنيها شوية و هي طيح الارض خرج عليها مسكينة الجفاف العاطيفي مشيت جلست في ناموسية و حليت دوك الوراق كنحاول نفهم ووالو فحالا كنخوي الما في تراب تا ملني على هدشي كامل....اميمة: حسينة شفتك تتقرا ياك خدامة بركاكات البوليس يكما خصكي دوزي في سطاج ....انا: الله يرحم الولدين مقلبي على مي ...وهي تلوح عليا مخدة: مال موك كتقمعيني يااه تفو عليك ...انا: شخري شخري و دارت الحيط و عنقت مخدة و نعست اما انا لحت عليا البازار و تكيت <br>
#ضحى...ليوما داز عليا نهار صعيب عليا حيت ترفضت و اكتشفت بلي ختي و راجل لي كنبغي كيتلاقاو مع بعضهم في سر اكيد بناتهم شي علاقة انا مغديش نوقف قدام سعادة ختي وخا يوقع لي وقع بكيت شوية و نعست فقت بكري لقيت سكينة كتعربط هدرت معايا اميمة مجوبتهاش لبست سروال دجين مقطع و تريكو طويل من لور و قصير من القدام لبست طالون و خرجت شديت طاكسي نيشان لدار عالي من ليوما كين غير الخدمة دقيت حل عليا <br>
عالي: سلام ....انا بابتسامة: سلام ا سيدي ...عالي : سيدي؟؟!....انا: غادي نمشي عند سامي ...شدني من يدي:ضحى واش مقلقة مني ...انا حيدت ليه و جوبتو بدرودة: لا علاش اسيدي انتقلق منك من اليوم بناتنا الخدمة ..و مشيت خليتو مصدوم مشيت كنفيق في سامي نوضتو و مشيت كنفطر فيه و لاخور شاد جورنال ووحد القهوة و كيتفرج فيا فاش كندور عندو كيحني عينو المهيم بقا كيحاول يجبدني باي طريقة و انا حلفت منهدر معاه شوية وصلات 10 هو يخرج عاد لقيت راحتي مخليت مادرت مع سامي تتهد و طاح كاو بنعاس ديتو البيتو و لكن ليوما باباه تعطل بزاف اكيد في موعد غرامي مع ختي غير جاتني ختي اما والله منخليه ليها تفو على زهر عندي صافي دخل هو لدار و انا تميت خارجة <br>
عالي : فين غادة ....انا: بحالي ...عالي : وغير قليها هاكي بعدا خلاصك ...مشيت نجري عندو فرحانة حطيت هو بقا كيضحك ناريي احساس كيهبل تاخد اول خلصة ليك مشيت ديريكت حطيت فلوسي في الحوايج و ابمكياج و رجعت لقيت غير هبة شي لاخور مكينش <br>
#اميمة....ليل كامل و انا نحلم بداكشي لي وقع بيني و بين انور كنعس و كنولي نقفز المهيم فقت لقيت سكينة فايقة نضت مخلوعة<br>
انا: شحال ساعة ...سكينة: 7...انا: اووف تخلعت نتي اش فيقك في هاد الوقت <br>
سكينة: ولاينيي دخول صحة هادا <br>
انا: صافي صافي غير سدي داك دلقوش عندك ...هو ناضت و خبطت عليا باب مجعورة هاد خيتي لبيت كسوة حد ركبة و عاود وليت حطيتها خفت لا نتحط في نفس الموقف دلبارح لبست سروال بكحل و قميجة بالبيض و فيست كحلة طلقت شعري و خرجت كنفطر هبطت ضحى بغيت نهدر معاها نخلتني و خرجات هادي مالها منخلاني اوو هزيت صاكي وخرجت مشيت بالاوطو ديالي و صلت لتما هبطت سرت اوطو ديالي  اتا وقف عليا داك لرض و لسقني مع الاوطو و شد ليا من كتافي بجهد و عينيه حمرين و معصب اراسو ...انور: علاش هو و ماشي انا...انا: انا اعرفاش علياش كتهدر طلق مني بعدا ....انور: انا عندي فلوس كتر منو و غنعيشك ملكة و غندورو انا وياك العالم ...و انا نفض يدي منو:نتا شنو يصحابليك انا فحال دوك المسخات راه عطاهم الله ...و بغيت نمشي و شد ليا يدي بجهد ...انا: حيد يديك قصحتيني ...جرني لعندو و قرب ليا الوجهي بزاف و انفاسو قريبة مني بزاف : نتي غادي تكون ليا و لا مغدي تكوني لتاحد ....انا : نتا راه مريض ماشي فينما تعجبك شي بنت تبغي تمتلكها و نزيدك الوحيد لي غادي نخليه يقيس جسدي هو راجلي فهمتي...بقا كيخنزر فيا و كيزير هو يلوحني على وحد الاوطو ومشا <br>