إن واخواتها

18

ريحت قدام تلفزة فيما كانت شي حاجة في تلاجة حطيتها قدامي باش منبقاش خطي بيطي لكوزينة المهيم درا زي الوان لقيت بادي فيلم ديال شاروخان و كاجول ويلي ويلي من صباح و انا نبكي معاهم و كنتنخصص انا منين كنت صغيرة و انا كيبيكوني لهنود معرفتش علاش جا انوار وقف قدامي و شاد ليا من وجهي و مخلوع :اميمة مالكي ...انا كنتنخصص مقديتش نهدر...هو بالغوات و خرج فيا عينيه: هدريييي قولي ليا مالكي واش شي حد دار ليك شي حاجة ...انا كنمسح في دموعي: امتاب باتشن جرا على ولدو شروخاااااان ....هو تصدم و بقا كيشوف فيا وهو يطلقها بوااحد الضحكة ويلي على مر كااا دبا اش غيقول عليا ويلي ويلي هو سالا على خاطرو من ضحك و هو يبدا يشد فيا انور: وينوو و اش دار مسكين شاروخان كون مشيتي صالحتيهم <br>
انا: انور براكاا ....انور: ههههه غتبلاصي نسيمة الحر غير نتي غتكوني نسيمة الحر ديال الهند .....انا: واقيلا بان ليا نوض حسن ....هو يشدن و رجعني و عنقني : صافي صافي هانتي بكي تتعياي مغنهدركش ....وانا ندفعو و جلست كملت فراجتي و هو جلس حدايا و مرة مرة يدور يشوف فيا و مع قربت نهاية و انا شداتني البكية و مقدرتش نبكي و هو جلس كيتفرج فيا و حابس الضحكة و انا عيني مغرغرين تفوو على موقف تشوهت مع الالمان ...انور: غير طلقيها ....و انا ندور عندو ونفاجرت بالبكا:نتا مكتسواش كتضحك عليا ياك هادا هو الحب و كتبغيني هيء هيء ...انا غير درا سبة بيه حيت حسيت براسي غنطرطق ...انور كيضحك: وانا اش درت ليك ...المهيم ساليت الدراما سلا الفلم قلبنا واحد الفلم مريكاني تاني كلو رومنسية انا تكيت على كتف انور و بقينا كنتفرجو شوية دارو ديك اللقطة من اللقطات المحرمة و بقينا كنتفرجو شوية ولاو هما كيتفرجو فينا تالقيت سيد فوقي و كيبوس و انا بغيت نتفرج الفيلم عجبني عييت مندفع فيه والو سيد لصق شوية بدا كيهز ليا حويجي لا هادا ناوي يدير لقطات ساخنة ...انا بشوية: انور انور خلينا بعدا اتنكملو الفلم ...انور هز عينو فيا و ضحك و طفا تلفازة بتيليكوموند : الفيلم هو لي غنديروه دبا و كمل هاد سيد مكيحبسش و مكيرحمش لكان زواج فحال هاكا الله يقطعو(انضحك معاكم)صافي درنا لي بيتيز قدام تلفازة و طلعنا كملنا في البيت صافي سالينا و بقيت ناعسة على صدرو و هو كيلعب ليا بشعري ...انا: انور حبيبي ...هو جاوبني غير ب اممم...انا: بغيت نرجع لدار ....انور:لااء ...انا نضت : علاش اتبقا حابسني هنا تانا عندي عائلة تخاف عليا ...انور ناض معصب : قولي بغا ترجعي عند داك طبيب ياك ...انا: اش كتخربق عالي راه صديقي كون بغيتو كون تزوجت بيه من هادي 8 سنين ....انور: لا حتى دبا باقي الحال....انا: انور واش من نيتك داوي انا راني مزوجة بيك دابا (بديت كنلعب ليه في صدرو)و ميمكنش نشوف في شي حد اخر و خليني نرجع لدارنا....انور: نفكر ...و دار لجهة لخرى مكرهتش نقجو الله يكرط ليك بلا ما باش تحس بالمعاناة تانا درت لجهة لخرة و نعست <br>
#هبة...ليوما نهار جديد كلي عزيمة باش نلقا ختي وخا داك البرهوش دال اناس دار معايا لي ميدارش المفشش لاخور و لكن ما غتبقاش في طسيلت مو مشيت لكوزينة لقيت لوليدة كتنقي خيزو و سكينة مبيتاش في دار و ضحى مخشية في الماريو ديال اميمة ولات كتلبس المغطي هاد الايام سبحانة الله <br>
الوليد: ها حليلي ها حليلي بنتي شدات الباك <br>
انا: باقي متعلقش طابلو ...هو ينغز الوليدة بعصا: اتي مالك سايرا تكدبي عليا ...ماما دارت عندو و هز موس: اتا بعد مني هاالعار و لا غنجبد ليك مسارنك تغدا بيهم ليوم ...و هو يدور عندي كيتبوحط:هانتي ابنيتي شوفي موك اش سايرا دير فيا غير بدلت شدت الفولار و هي تقلب عليا انا لول حيت ولات زينة ...ماما عاجبها الحال: اويلي تا اش ساري تقول الراجل قدام درية صغيرة <br>
بابا: و تي راه جتمعاك شدة و جيتي زينة بكيرتي زوينة ....انا بقيت غير كنشوف داك المنظر الخلاب و المشهد الرومنسي لي قدامي كتعرفو كيف دايرا شدة ديال الفولار لي دارتها ماما جديدة يااإلاهي حيدات داك ريزو ديال زيف حياتي و شدت لفولر درقت بيه فمها و حزماتو في جنب ديال حنكها و عنقها كولو باين و بهادا يا سادة تمت طرطقت المرارة بنجاح وكتقولو لينا نتوما ماشي طبيعين المهيم مشيت لماريو اميمة تانا لبست ساية مزيرة حد الركبة و قميجة بيضة خشيتها و مع معنديش صدر درت شي جوج شرويطات باش نبان كبيرة قويت المكياج حيدت نضاضر و طلقت شعري وليت فحال شي رسم كاريكاتيري صدري كبر مني المهيم لبست طالونو خرجت فحالي مشيت نيشان لشركة بقيت كندور عيني الحمدالله مكينش اناس بقاو ليا ا دوك جوج بوديكارد مغيعبقوش بيا كنبان بحال شي سيدة اعمال المهيم هزيت صدري لسما و دفعتو لقدام و بان كبر مني و ساكي تاهو درتو في دراعي و تميا غادية كنتعوج باش ندخل لي داز كيشوف فيا و كيضحك اما دوك جوج دزت من حداهم مداو ما جابو و لكن غير فتهم و انا نسمع ضحكتهم للعلام اويلي واش لهاد درجة كنخلع انا بقيت غادية هاكاك ووقفت قدام سانيور مجا حدايا غير خو اناس هاز قهوة