إن واخواتها

23

يالاه مداتو ليه خديتو انا و حطيتو فوق طبلة: ماما صافي غير سيري و نتا قول ليا كيف عرفتي دارنا ....اناس عاود هز العاصير : من سيفي ديال ختك اميمة ...انا: اويلي هي لقيتي اميمة ...اناس: لمشيتي معايا لكافي اليومة نقول ليك....انا: مبقاش انيف...اناس : نو نو نو اصلا مكيعجبونيش دوك الحفلات المملة و منها نيت تعاودي ليا علاش كتخبي امر عائلتك ....استأدنت من ضحى و خليتها ليها ماما...ضحى : سمعي اهديك زبلة مو ربعة العيون 12 تكوني هنا انا غنساينك قدام الباب  ...هبة : كوني هانية 12 نكون عندك ...ضحى: وحضي لا يدير ليك شي حاجة ما تشربي والو لا عصير لا والو...هبة: واه واه راه لي فراس جمل في راس جمال ...ضحى: لاواه في كرعينو نتي قفزي قلاك ....خرجت من بعد توصيات الخاوية تاع ضحى لقيتو كيساين بعيد بالاوطو جايبها جديدة باش يبان عليا انا غابلاتي انا غنوريه العياقة و الفياقة طلعت في الاوطو <br>
انا: سلام منين دبرتي على هاد الخرشاشة <br>
اناس: واش نتي سافا واش مكتشوفيش هادي راه رونج <br>
انا: مممم هادي رونج (غير قلت اما انا ما عرفا لا رونج لا حتى لعبة)مهيم قول ليا كيف عرفتي دارنا بعدا <br>
اناس: هههه اصلا انا من لول كنت عارفك كتكدبي فايت ليا تبعتك من هادي شحال و كنت عارفك كتكدبي <br>
انا: وليني نتا زدقتي من مواليد برج الكلب مالك على هاد شر ديك ساع علمني مخلني نكدب و نتا كتفرج <br>
اناس: ههههه المهيم و حتى ختك عرفت سميتها و كنيتها و بحت عليها لقتها خدامة مهندسة في شركتنا و هي مشات في شي رحلة عمل تحت ايشراف خويا <br>
انا: مممم و امتاش غادي ترجع <br>
اناس: كاتبين رحلة مفتوحة ...<br>
انا: كيفاش مفتوحة ....اناس: زعمة محلولة...انا: انا مقلتش ليك عطيني المرادف ديالها شرح ليا ...اناس: زعمة ممحدينش الوقت بضبط قالك فيما يقولوليها رجعي غترجع ....انا: و راه العبودية هادي....اناس: نزلي وصلنا ....انا: فين حنا ....اناس: هادي ريسطو شنو غتكون زعمة يالاه اري يدك و تعالي دخلي....درت يدي من مورايا و درتليه لا براسي ....اناس: كفاش لا تعالي براكا من البسالة...انا: لا لا نتا فيت غادي بيا حفلة كنت متافقة معاك و لكن بوحدنا لا ...اناس: مالكي دبا راه ريسطو عامرة بناس...انا: اااه و قول هاكا...ضربت فيه و زدت حتى و قفني واحد القلدة :عندم موعد...انا: و نتا مالك نتوما فينما تشوفو دري مع بنت تردوه موعد ....يلاه غيدوي داك القلدة هو يجي اناس : راع داير موعد يسميت اناس العمراني ....القلدة: تفضل سيادتكم ...دخلنا جلسنا لقينا ناس ديرين جوج جوج دري ينت دري بنت في الطابلة و منعرف مقطوع عليهم الضو و حطين ليهم شمعة و كدبيين عليهم قليين ليهم جو رومنسي شوف بنادم كيجبدو منهم الفلوس بالفن ...ريحنا في واحد الطابلة جابو لينا القائمة تقول جيبينها من شينوة مفهمتش منها الحرف بقيت كنطلع و نهبط فيها حتى طاحت عيني في سلاد انا بكترت الفرحة انني لقيت شي حاجة كنعرفها بديت كنغوت ونقول: هاهي هاهي لقيت صلاد ...اناس: هبة بشوية راه حنا قدام ناس ...انا:ويليي شوهة شوهة يلاه نخرجو....اناس: اشمن جلسي قلاك نخرجو...انا: يااه وليتي تهدر فحالي سبحان الله ....اناس: علاه مالني كنت كنهدر بشينوية ...انا: و صافي طلب و سكت لي شريتيها ضربها في جوج اوكي...اناس : اوكي ...طلع يدو جا عندو نادل بقا يطلب عليه تما جاب لينا المرة لولة لا سوب معقلتش كيف درت ليها لشربة مع بنينة جاب لينا واحد الحمة صغيورة فحال الكفتة خضرة حداها قزبرة و لا معدنوسة و خيارة يمكن....انا مقنعنيش هادشي درت زعامة و عيطت تانا على نادل : خويا ..خويا عفاك واحد دقيقة ...اناس: بغيتي شي حاجة....انا: اه بغيت نغمس..اناس: شنو؟؟...جا داك النادل سرقاه الضحكة و انا عقت بيه <br>
انا: عفاك لكان ممكن دير ليا المرقة ديال هاد طبق ...نادل: نعام؟؟...انا: زعمة المرقة المرقة لي كنعرفوها ...نادل: ااه كتقصدي سوس زعمة ...انا: اياااه سوس...درت عند اناش لقيتو علين انفاجر حابس الضحكة و يموت كاع انا مالي فيا جوع صدق من قال ان الجوع كافر...اناس:ههه راه مغتجيكش...انا: غتجيني و هنتا غتشوف و بنينا كاع..اناس: اوكي احنا غنشوفو واش غتاكليها ....جا داك نادل و فيدو فحال المغرفة غير هي مغرفة كلاس كبها ليا في طبسيل و انا ندير لنادل جوج دراهم في يدو بلاما يشوفو حد جيت نشوف طبسيلي لقيت  دكشي ولا يعوم اويلي وولا كيعيف و تفرتت ...اناس: يلاه كولي المرقة دابا...انا مع ديك نفس لي عندي مرديتش بديت ناكل داك المرض بز مني و دكشي باسل فحال الحم كابين عليه الما و دكشي ولا فحال المسكة شوية هو ينوض اناس لطواليط و انا نبدا نخشي شوية من داك الحم فواحد المزهرية كانت قدامي و و شوية لصقتها تحت طبلة فحال المسكة كانت واحد المرة جالسة في طابلة لي حدايا و حاطة ساكها في الارض غشيت ليها شوية في ساكها و بقا ليا شوية ديال الحم و ديك المرقة سقيت بيها المزهرية رجع اناس لقاني جالسا و بقات ليا ديك شوية ديال الحم ضطريت ندير براسي كناكلها مداز غير داك نادل و تعكل