إن واخواتها

2

ناري خوات بيا سيارة خرجت كنجري سديت الاوطوموبيل و تجهت صوبة طاكسي و خليت عبيقة مزال كيدفع الله يعفو عليه مسكين مشيت نشد طاكسي والو وتقول و لي داز يدوز عامر كنشوف في ساعة كنلقا 7:45 ناريي هو يبان ليا طوبيس مشيت كنجري لقيت نمرة نيت لي بغيت جيت نطلع لقيتو مدكس مع ولاد المدرسة تاهما داخلين مع 8 مومتيي مشكيل و لكن تقاتلت و طلعت وشي لاصق على شي مكين فين تحرك و كين لعفيط و دافيع و نتيف و الغوات  وشيفور كيشوف طوبيس مدكس و زيدها كيطلع في بنادم ما هبت من داك طوبيس حتى غفر ليا الله الدنوب نزلت كلي مخلطة قلبت ساعة لقيت 7:55الحمدالله دخلت  من الباركين ديال شركة باش ميشوفني حد فديك الحالة و مشيت لزاج واحد طموبيل كحلة و بديت نقاد ويلي ويلي اش هاد الحالة شوفو العكر فين دايع الحمد الله الكحل هو هداك اما كون كملات ناري شعري تشعكك و معنديش حتى مشطة غنجمعو و ليها ليها و عاد زيد عليا هاد طالون صغير عليا... شيشوية بدا زاج دطموبيل كيهط غابوحدو اويليي تصدمت لقيت واحد خينة كيشوف فيا و كيضحك انا حشمت و زدت فحالي و غادية و كنعرج طلعت نيشان للابوو (المختبر) لقيت البنات مجموعين سلمت عليهم   لبست طابلية بيضة <br>
صفاء: ملكي اختي على هاد تعطيلة مموالفاش ليك <br>
هناء: ويي حبيبة مالكي <br>
انا: غير خليها على الله و صافي ...يلاه بديت نعاود ليهم وهي  دخل مدام البناني  <br>
مدام بناني: بونجور جيت نعلمكم بلي باطرون مريم لي مسؤولة عليكم قدامات استقالتها و عيكون اجتماع مع 12 باش نعلمكم شكون غيشد بلاستها ....وخرجات كلشي جا دار عليا فرحان كيقلولي بلي انا لي غادي نشدو حيت انا اقدم وحدة هنا و عندي كفاءة كتر منهم و   من شحال و انا كنحلم نشد هاد المنصب و كلشي مرشحني غادي نشدو واخيرا ايتحقق حلمي ...<br>
#سكينة ...سلام انا سميتي سكينة كيعجبني نعيش على طبيعتي معنديش مع بنادم و زواق و تخربيق ختكم طالعا ليها الحياة في الكنة كنلبس دكشي لي كيعجني دكشي ديال دراري بلا بروتوكولات و الخوا الخوي مكيهمنيش انا بنادم كيعجبني نجلس مع ولاد الحومة في راس درب هما كتكيفو و انا جالسة حداهم حاديين الغادي و جاي المهيم اليومة نوضتني ديك الهيشة و عفطت ليا على يدي تفوو على نها كيف داير باين مشيت الكوزينة ملقيتش الفطور ناريييي ملقيتش الفطور ناري ليومة غادي نحيح : وتوما هاد دااار مفيها لفطور لا والو <br>
ماما: هاديك الكلبة سكتي غتيفقي باك <br>
هبة:متخليو لي يحفظ لا لي قرا لا والو <br>
انا: مدويتش معااااك غتمشي ولا غنجبد ليك عينيك من دوك نضاضر راني مقطوعة وااه ملقيتش القهوة ديالي وااو<br>
با: اتمااااا صيبو ليها القهوة و اتي اش كدير و نغز الوليدة بعكاز <br>
مي: دبا عينك فيا <br>
انا بست للواليد يدو : ربي ميحرمناش منك الوليد <br>
ضحى: حسينة اش فيقك هاد صباح ياك موالف تنوض تال 4 <br>
انا:ديها في جهة لي داراك ولا مداراك تا جهة اجي لعندي ندير فيك خير و نخليها دورك <br>
هبة: نتييي مشكيل في المجتمع نتي مكروبة خطيرة لا نتشرت مشينا فيها <br>
انا: سيري سيري راه نيوطن كيسول عليك <br>
هبة: اووف جاهلة مكتقدرش العلم <br>
ضحى : ماما كين شي فطور <br>
انا: اجيي تيي شفتك مزوقة على صباح و لبسة كسوة قصيرة و ومقوية كلورادو في وجهك كيسكليا في القضيا <br>
ضحى: ديها في جهة لي دراك <br>
شديتها من شعرها : متلعبيش معيا انا كاش كاش فين غادا<br>
ضحى :آييي و طلقي و نقولك <br>
انا: يالاه اطربينا <br>
ضحى : غاديا العيد ميلاد مونا <br>
انا: مع 9:30 <br>
ضحي: لاا غادي نوجد معاها اصلا العيد ميلاد مغيكونش بليل غيبدا مع 2  او غيسالي مع 6 <br>
انا: مممم واخة و لا دسر عليك شي حد انا غير في الحومة <br>
ضحى: لهلا يخطيك عليا اخويا حسينة <br>
انا: و مالني عندي منك باكية يلاه سيري واااااااامامااااا و فنيهيا القهوة<br>
#اميمة دقت ساعة الحشر و تجمعنا كاملين جميع المهندسات في غرفة الاجتماعات و جلسنا و كنتساناو المدام تدخل و انا شداني الخلعة ترقية على الابواب دخلت مدام بناني وقفنا و دخل مورها شي دري لابس كوستيم انيق شعرو مطلعو الفوق كحل وهو  بيض و عينيه كحلين عندو شي سحر في وجهو غريب بقيت كنشوف فيه اول مرة كنشوف انسان مرتب <br>
مدام بناني: كنقدم ليكم المهندش انور لعموري هو لي غادي يتكلف بيكم و بلابو ....كلشي دار لعندي انا بقيت مصدومة ناريي مشا كلشي مشات احلامي و كلشي بسباب هدا لي منعرف مسيو لعموري طلعت فيه عيني و كن نصيب يكونو في يدي سيوفة و نبقا نشير عليها بيهم هو دار شاف البنات كيشوفو فيا شاف فيا لقاني مخنزرة فيه و هو تشدو الضحكة بلاتي بلاتي هدا هو خينا ديال طموبيل ويلي ا اميمة شوهتك شوهة مكيهمش الحاجة الوحيدة لي كتهم هو ان هاد شخص خدا ليا بلاستي ..سلا الجتماع و خرجت محطمة و البنات يواسيو فيا دخلنا للابو و بقيني كنخلطو في دوك المحليل كل وحدة و اش كيخرج ليها و هو دخل داك  الزفت لبس طبلية <br>
انور كيهدر قاسح: كيفما عرفتو بلي انا لي غادي نكون هنا البطرون ديالكم يعني كلمتي هي لي غتمشي هنا خصكم تعرفو بلي اهم قسم في هاد شركة هو دالمهنديسين <br>