إن واخواتها

6

كلشي خرج و بقيت انا في لابو كنسيب البروجي ديالي بقيت جالسة كنكتب في تقارير اتا دخل داك نم <br>
انور: نتي مزالا هنا ...انا: اا اه خصني نبدا البروجي على حساب دوك زبناء الالمان ....هو جلس و تقابل معايا  : مزيان الله يعاونك ...انا مبقيتش مركزة في خطرة و انا نطلع فيه عيني: واش غتبقا حاديني هنا <br>
انور : انا حر نمشي وقت ما بغيتي علاش كنشتت ليك تركيز .....انا: صراحة اااه .....انور ابتسم  : تنتي كتشتي ليا انتباهي...انا: من الاخر غتنوض ولا غنوض ....هو ناض مشا من مورايا و جلس ايوا صافي مغنخدموش حنا اصلا ما خالا رجل بامرءة الا و كان شيطان ثالثهما و مدام انني قلت هاد الجملة ادن شيطان حاضر معايا و بقوة حطيت ستيلو و مشيت لمكتبة لتحت كنقلب على وحد تقرير ديال وحد ريحة و ريبت دنيا شديت سلوم و بقيت نقلب الفوق <br>
انور : اش كديري ...انا بالخلعة و القفزة رجعت بلور عييت من شد توازن والو غمضت عيني ليوما مسعودة تاكل دق كنحس براسي مطحتش متسمعش صوت شي حد شدني حليت عيني في انور نيشان بقيت مصدومة بقينا نشوف  بعضنا تنطق هو <br>
انور: وش نتي بخير......انا: ااااا اه انا بخير.. .منين شتك مشت الخير بغيت نزل مخلانيش و انا نزل بزز ...انور: اش كنتي بغا الفوق <br>
انا: بغيت تقرير ريحة روزا.....انور : ماشي هنا راه عندي في البيرو .....انا: علاش نتا عندك بيرو .....انور : زيدي نعطيه ليك ....انا: واقيلا غنمشي تعطلت ...الله يغرق ليك شقف مخليتينش في خطرة نكمل مشيت ديريكت لمحل ديال تليفونات شريت واحد للواليد قاليك سرقوه و انا شكيت فيه باعو و لا قمر بيه المهم كيبقا الوليد شريت ليه نوت 2 بغيت نفرحو واخا عارفة مغيكملش عندو شهر و مشيت لدار ...<br>
#سكينة ...تفو نايضة على نبوري عيط ليا داك شاف مع 7 قلك نوض يلقني واجدة و لا غيصفيها ليا لبست قبية و سروال و كسكطي و نزلت لقيت ديك تيوتوة ديال اميمة سعرتني و خرجت <br>
انا: وا الوليدية وا القهووووة ...و هي تعطيني غير لراس : اسكتي اديك سكيري خلي ختك و باك ناعسين <br>
ضحى : انا فيقة و قفزاتني عاد ساعكا لي ناعس <br>
انا: نريييي خسرتيي معايا اصفرة ليما نقتلك ....بقات هي هربانا و تشير عليا و انا بغيت نتبعها شداتني الوليدة و هي بقات تنقز و تشير عليا ...انا: نارييي طلقيني على مها ا الوليدة ناااااريي جات فيا ليوم زغيباتك يطيرو....خرجات و خلتني ساخطة تشربت القهوة عاد رجع ليا المزاج ختكم مبلية الله يعفو خرجت لقيت داك الجنس كيتسناني متكي على وحد طموبيل هاي هاي ولا  توتة قوقة لبس الكحل في الكحل و نضاضر كحلين احح ا قلبي <br>
هو: مالك تعطلتي ...انا بقيت كنشوف فيه و مبتاسمة وساهية فيه هو داني و جابني : هييي فين مشيتي ترجل معايا شوية <br>
انا: كون هاني اشاف خدمتي غنمارسها على اكمل وجه <br>
هو : زيد طلع .....انا: هدي تيتزة (طموبيل ) ديالك ....شاف فيا و طلع نخلني بالمعنى الحقيقي طلعت تما....انا: فين غاديين حنا ...هو : دير حزام سلامة و سكتنى ...بغيت نجرو مبغاش يتجر ...انا: هدا مالو مكوانسي ..مجيت نكمل تالقيتو فوقي كيجرو انا تسمرت قلبي كيضرب و كنشوف فيه فيه وحد ريحة في شكل هو يشوف فيا بقينا شوف فيا نشوف اطجين الحوت و حنا قرابين بزاف هو رجع دغيا لبلاستو و لصق ليا الحزام انا بقيت مصدومة اويلي تانا مالني زعم اقفزي اسكينة ...هو: اعود بالله من شيطان رجيم ....طريق كاملة و انا نشوف و مبتاسمة  مع هو سايق بيد وحدة و كيبان زويين جميع الامور سافلة درتها معاه في عقلي الله يسمح ليا هو وقف دار لقاني كنشوف فيه هو يخلط ليا وجهي بيدو : جمع عينييك و ركز معايا <br>
انا: اه انا واخا شكون ....هو شدني من رقبتي: و ركز معيا مزيان اصحبي ...انا: وتا كون هانييي راه رجلة هادي مشي بقولة <br>
هو: شوف هديك القهوة راها ...انا: ايه ...هو: اكتر العصابات كيكونو فيها انا بغيتك تدخل وسطهم و تخليهم يتيقو فيك ..انا كنتمم : عصابات ع ع ع ع عصابااات ...وليت فحال دوك الوليدات في تحضيري (كريم ك ك ك كريم) هو:اه و بغيتك تجيب ليا جميع المعلومات يلاه كون راجل و دير شي حاجة لبلاد <br>
انا: والله ينعل بوها بلاد نمشي نموت و هما ممسوقينش ليا ...وبغيت نهبط جرني جرة و حدة نطر ليا فيها دراع ......هو: و تاملك غتحمقيني و مغيقتلك حد انا معاك .....انا: ربي  يخليك انا مبغيتك معايا ما والو بغيت غير نمشي فحالي ...هو: ومالك كتهضر فحال شي بنيتة خيفة يلاه في العشية غيكونو مجموعين كاملين وجد راسك يلاه و خلني باقي ضريف معاك ...صافي حطني و مشا اويلييي بقيتي دوري دوري اسكينة حتى غتموتي قتلا ياما على يد العصابة و لا على يد هاد شاف الوسيم رجولة تبوقيصة رجوع الله <br>
#ضحى ...خرجت من دار لبست سروال تجين مزير و بودي بيض قصير شوية  و طلقت شعري و مشيت فرحانة واااو غنشوفو و الحمدالله مرتو ميتة عندي فرصة شديت طاكسي نيشان لدارو حل عليا ..انا☺:سلام ...عالي : سلام ...دخلت قالي اش تشربي ...انا: انا الا كان عصير ديال لمون  الله يخليك(جالسا في قهوة)<br>