إن واخواتها

5

انا انا كنشكرك بزاف على تيقتك فيا <br>
مدام بناني: و كنتمنى تكوني عند تيقتي بيك وها انور كنقصد مسيو عموري غيعونك (مممم انور) صافي خرجت من تما عضيت يدي باش منغوتش بالفرحة ....انور: الله يستر ومشا كيضحك ...انا بشوية: ضحك على عمرك انشاءالله نتا لي جات معاك ضحك داير بوحدة قدها قد موك ....<br>
#ضحى ..اليومة صونات ليا اميمة بغاتني نمشي عند عالي نحدي ليه ولدو صراحة طرت بالفرحة هداك سيد كيعجبني اول واحد مكنعجبوش و لكن خسارة مزوج سيفطات ليا اميمة العنوان مشيت ليه وحد العمارة ناطحة سحاب بقيت طالعة شي 5 مين وصلت الباب شفت غي المحبق لقيت ساروت حليت واااو علة شقة كيف مفرش و الاثاث غالي فين تبان دارنا شيشوية كنسمع شي صوت دري صغير : بابا بابا ....غير شافني تصدم <br>
انا: سلام حبيبة ....سامي بدا كيشير عليا بلي جات ليه في يدو: سيري فحالك انا مبغيتكش بغيت بابا نتي غتاخديه ليا ...و انا ديرة يدي على وجهي و كنقرب ليه بشوية و هو غير كيشير و انا نقول علاش المربية هربت  وعييت منحاول معاه ووالو كيهرب و كيبدا يشير عليا بقيت معاه نهار كامل عاد شديتو بزز و دخلتو لبيتو و مشيت نسايب ليه غداه في الاخر يامي وليت نطيب دخلت لعندو لقيتو نعس بقيت جالسة حداه و مبتاسمة و نمسح ليه لي شعرو كيشبه بزااف لباباه اولي ا ضحى جمعي راسك سيد كيعجبك وااه و لكن راه مزوج نوض فحالي نضت جمعت الدار لقيت واحد تصويرة فيها عالي معنق شي مرة حاملة زوينة بزااف اكيد هادي مرتو واو غزالة بقيت كنشوف في ديك تصويرة و انا نتفكر لغدا ويلي ويلي مشيت تنجري لقيتو على بونت و غيتحرق مشيت نوض سامي بشوية ..انا : سامي حبيبة نوض تاكل <br>
سامي ناض كيحك في عينيه غير شافني دفعني : انا ما بغيتكش سيري فحالك <br>
انا: انا مغادي ندير ليك والو غنحديك بينما جا باباك <br>
سامي: لاء لاء سيري فحالك ...صافي خرجت واااو شحال صعيب هاد دري دخلت لقيتو كيلعب و انا ندير دوك المنكات في يدي و بديت كنلعب بيهم و كنغيرو وهو غير كيشوف فيا بنص عين شوية جبت شكلاط وبديت: واااو هاد شكلاط بنين مممم غناكلو كامل يميي ...هو دار شاف في و دور وجهو لهيه و مشا يتفرج في رسوم طوم وجيري مشيت جلست حداه<br>
انا: دبا المش هو جيري ...مجوبنيش وكملت : شوف هاد جيري تابع طوم من صباح <br>
سامي دار عندي : وتي مالك حمقة القط هو طوم و الفار جيري <br>
انا:ااااه على هداك فار ...هو: اوووف اااه ..وبقا كيشرح ليا و متحمس و كيضحك شيشوية مشيت جبت ليه نوكلو هو معتارضش و بقا كيعاود ليا كلينا انا وياه شكلاط و لعبنا بالعاب شي شوية تكا عليا و بقينا نتفرجو تا دانا نعاس ....شيشوية كنحس بشي حد كيحركني ...عالي: ضحى ضحى <br>
انا نضت مخلوعة : شكون شكون ....عالي كيضحك: لا والو غير دبا 6 و انا جيت يعني يمكن ليك تمشي و شكرا بزاف <br>
سامي كيبكي: لا ا بابا متخليهاش تمشي خليها تبقى معانا ...انا: لا حبيبة خصني نمشي و مرة اخرى و نجي صافي ....سامي: غدا اجي انا غنتسناك و كنواعدك منديرش ليك البسالة ...عالي : يالاه نوصلك تالباب ...نضت بست سامي عنقني و مشيت مع عالي <br>
عالي : كنشكرك بزاف على هاد نهار ...وجبد فلوس من جيبو و عطاهم ليا <br>
انا: لا لا ماشي مشكيل درت هدشي على قبل ختي ماشي على شي حاجة اخرى <br>
عالي: عفاك مترفضيهمش في وجهي ...انا شديتهم وكمل: صراحة اول مرة كنشوف سامي تعلق بشي وحدة منين ماتت مو <br>
انا: علاش مو ميتة....هوبحزن: اه فاش كان عندو عمين جات فيها سيارة و كنت جبت ليه مربية كانت كضربو و من تما مبقاش كيحمل اي مربية <br>
انا:اااه داكشي علاش محملنيش المرة لولا <br>
سامي: انا بغيت نقتارح عليك عرض واش ممكن تكوني مربية ديال ولدي غير بنما كبر شوية و طلبي تمان لي بغيتي ...الله الله خدمة فلوس و رجل لي كيعجبني انا في نعيم <br>
انا: اااه واخا انا نيت كنقلب على خدمة <br>
عالي بتاسم ليا: ادن تفقنا و مد يدو ليا انا فرحت و تانا مديت يدي ليه قلبي كيضرب هبط شد ليا طكسي طريق كاملة و انا كنضحك غير بوحدي ...وصلت للدار كنلقا نايدا قربالة مبين الوليد و الوليدة ووالوليد كيعاير و مخبي من مورة هبة و الوليدة بغاتسوطا عليه <br>
انا: مالكم اش واقع ...الوليد جاي لجيهتي: هنتي ابنيتي بغات ضربني هاد الكفرة بالله و خلاتني بجوع نهار كامل <br>
الوليدة: انا يا شلاهبي يا بو قنفة ...وحيدت صندالة من رجلها و هو مخبي من مورية و بركات تشير عليا <br>
هبة: ههههههه زيديها زييها ..<br>
#سكينة ...اليوم كيف العادة نضت تال 4 مشيت هبطت لكوزينة لقيت لوليدة موجدة ليا قهيوة الله ليوما غيطلع تهار زين <br>
انا:الوليدة وحد صفرة فين شاداها <br>
ماما: راه منعرف غين سخرتها ختها <br>
انا:تي منعرف هديك بنتك الكبيرة مالها عمرها صونات ليابرو لسيدة على راجل <br>
ماما: باقي مجاهاش زمانها <br>
انا: وااا الوليدة وا درية غتبيير و مغيديها فيها شوف فيمن تلسقوها خلاص <br>
ماما: اعااااار الله مقلبي عليا ساعة بخرة <br>
انا: هاهيا غدا...مشيت خرجت كنتسركل وقفت في راس ضرب وحدايا دوك دراري كيتحشو تتقلبو ..